Arıqlamaq üçün çaylar

Artıq çəki ilə mübarizədə yalnız nə yedikləriniz deyil, həm də nə içdikləriniz vacibdir! Məqsədinizə çatmağa kömək edən 10 möcüzəvi çay – arıqlamaq üçün çaylar haqda danışacağıq. Onlar iştahanıza nəzarət etməyə və nəhayət ki, istədiyiniz paltarı geyinə bilmənizə kömək edəcək.

Zəncəfil çayı

Zəncəfil arıqlayanlar üçün 1 nömrəli çaydır. Məsələ burasındadır ki, zəncəfil kökü maddələr mübadiləsini sürətləndirən və yağların parçalanmasını dəstəkləyən efir yağlarına malikdir. Zəncəfil çayı isə həm də iştahanı aradan qaldırmağa kömək edir! Arıqlamaq üçün zəncəfilli çay hazırlamaq çox asandır: böyük olmayan təmizlənmiş zəncəfil kökünü götürün, nazik-nazik doğrayın, qaynar suya tökün, bir çay qaşığı limon şirəsi və zövqə görə bal tökün. İçkini 10-15 dəqiqə saxlayın və hazırdır! Yeri gəlmişkən, zəncəfil çayı arıqlamaqdan başqa, soyuqdəymə, zökəm zamanı da çox faydalıdır; bu artıq başqa mövzudur.

Arıqlamaq üçün çaylar şəkil

Masala

Arıq kiloqramlarla mübarizdə xoşagəlimli ədəva dadı verən hind çayı – masala sadiq köməkçiniz olacaq. Əvvəla südlü çay insana gümrahlıq verir, ona görə də onu səhər kofesi ilə cəsarətlə əvəz edə bilərsiniz. Kofe mayeni bədəndə saxlayır və adətən, istənilən pəhriz proqramından çıxarılır. İkincisi, masala çayı həzmi yaxşılaşdırır – bildiyimiz kimi mədə-bağırsaq traktı normal fəaliyyət göstərmədən arıqlamaq praktik olaraq mümkün deyil. Üçüncüsü isə, bu qiymətlli çay immuniteti artırır. Hazırlanması sadədir: masala tozunu süd və qaynar su ilə qarışdırın, istəyə görə ədviyyat qata bilərsiniz, kardamonla xüsusən yaxşı uyğunlaşır. İçki özü kifayət qədər doyumludur, əgər iştahanızı kəsmək istəyirsinizsə, rahat şəkildə məhz bu çaydan için.

Matça

Arıqlamaq üçün çaylar haqda danışarkən yapon çayı matçanı unutmaq olmaz. Matça amerikalı dietoloqların sevimli içkisidir. Amerikanlar son illərdə bu içki ilə çox maraqlanırlar. Bu, əbəs yerə deyil! Nəyahət ki, matça “dəbi” bizə də gəlib çıxdı – bu çay çoxlu qidalı maddələrə və vitaminlərə malikdir, qanda xolesterinin səviyəsini aşağı salır. Matça təbiətin ən güclü antioksidantlarından biri hesab olunur. Bütün bunlar matça tozunu dəmləmək, hətta onu tərifli dada malik müalicəvi içkilərlə əvəz etmək üçün əsas deyilmi?

Yaşıl çay

Yaşıl çay – yapon pəhrizinin əsasıdır və yaponların kökəlməməklərinin əsas səbəblərindən biridir. Məsələ burasındadır ki, məhz bu çay növü yağların parçalanmasını təmin edən katexinlərə malikdir. Təbii ki, bu xüsusiyyət aromatik əlavələr olmadan yalnız təbii çay yarpaqlarından istifadə edərkən özünü göstərir. Bundan başqa, yaşıl çay orqanizmdən artıq mayeni çıxarır; deməli, nəticəni də tez bir zamanda görəcəksiniz. Çayı bütün gün içə bilərsiniz.

Arıqlamaq üçün çaylar 1 şəkil

İtburnu çayı

Uşaqlığımızdan bizə tanış olan itburnu çayının dadını xatırlamağın vaxtıdır! Məlum olub ki, məhz itburnu çayı aclıq hissini aradan qaldırır. Yeməkdən 30-40 dəqiqə əvvəl içmək faydalıdır, belə etsəniz, dəqiq az yeyəcəksiniz. Bundan başqa, itburnu c vitamini ilə zəngindir, bu isə immun sistem üçün faydalıdır, eləcə də qanda xolesterinin miqdarını azaldır.

Gicitkan yarpağının çayı

İştahanı tənzimləyən daha bir çay gicitkan yarpaqlarından hazırlanır. Bir xörək qaşığı gicitkan yarpağını bir stəkan qaynar suya töküb 1 saat gözləmək və sonra süzmək lazımdır. Gicitkanın tərkibində bir sıra lazımlı elementlər – dəmir, fosfor, maqnezium və kalium var. Bu çay daha az yeməyi təmin etməklə yanaşı, həm də damarlar üçün faydalıdır. Ona görə də nənələrimizin reseptini inkar etməyin!

Quşarmudu çayı

Sizə bir ovuc quşarmudu meyvəsi lazım olacaq… Çayı hazırlamaq üçün itburnu da istifadə edə bilərsiniz. Giləmeyvələri püre halına salın və bir xörək qaşığı qarışığı 0,5 l qaynar suya töküb dəmləyin. Çayı gün ərzində 3-4 dəfə, yarım stəkan olmaq şərtiylə yeməklərarası içmək lazımdır. Məhz bu üsulla iştahanızı azaldacaq və nə qədər yediyinizi nəzarətdə saxlaya biləcəksiniz.

Böyürtkən yarpaqları çayı

Quru böyürtkən yarpaqları çayı əksər içkilərdən əks-göstərişinin olmaması ilə fərqlənir və bu xüsusiyyəti ona üstünlük qazandırır. Əgər mədənizdə diskomfort və ya qastrit müşahidə olunarsa, bu çay ən yaxşı seçimdir. Bir çay qaşığı böyürtkən yarpağını qaynar suya töküb 15-20 dəqiqə gözləyin. Gün ərzində 2 dəfə boş mədəyə qəbul edin, çünki çay iştahanı zəflədir. Onu içəndən sonra dəqiq çox yemək istəməyəcəksiniz. Arıqlamaq üçün giləmeyvə pəhrizi – giləmeyvələrdən daha çox faydalanmağın daha bir üsuludur.

Alma çayı

Müşahidə etmisinizmi ki, alma yeyəndən yarım saat sonra iştaha inanılmaz dərəcədə artır? Əgər qaynar alma çayı içsəniz, o, əksinə təsir edəcək. Bu içki üçün turş alma növləri daha yaxşıdır. Çayı hazırlamaq üçün sizə böyük olmayan meyvələr lazım olacaq; onları nazik-nazik doğrayın, bir az adi qara çay əlavə edib və qaynar suda dəmləyin. Gün ərzində 2-3 dəfə, yeməkdən 1 saat əvvəl içə bilərsiniz.

Məkkə gülü (karkade) çayı

Arıqlamaq üçün çaylar arasında Məkkə gülü çayının özünəməxsus yeri var. Bu çay turş dada və unikal funksiyalara malikdir – o, şəkərin mənimsənilməsini ləngidir. Bu o demək deyil ki, çayı şokoladla içmək lazımdır, amma çayın bu xüsusiyyəti həqiqətən də çəki salmağa kömək edir. Bundan başqa, karkade çayı arıqlamaq üçün mədə-bağırsaq traktının fəaliyyətini qaydaya salır, bu isə o deməkdir ki, orqanizmin təmizlənməsində iştirak edir.