Zəncəfilin arıqlamaq üçün faydaları

14 Avqust 2019 Kateqoriya: Arıqlamaq üçün vasitələr Müəllif:
Oxuma vaxtı: 4 dəq Oxunma sayı: 10192
Zəncəfilin arıqlamaq üçün faydaları şəkil
4/5 - (18 votes)

Zəncəfil orqanizm üçün faydalı bitkidir. Artıq çəkidən azad olmağa və immuniteti yüksəltməyə kömək edir. Reseptlərə keçməzdən əvvəl zəncəfilin arıqlamaq üçün faydaları ilə tanış olun.           

Zəncəfilin tərkibindəki əsas xeyirli maddə gingeroldur. Onun antioksidant, antibakterial və iltihab əleyhinə təsirləri vardır.

Həmçinin zəncəfildə mövcud olan fitokimyəvi maddələr həzmi stimulə edir, qanı durulaşdırır, mədənin selikli qişasını aktivləşdirir. 

Zəncəfilin arıqlamaq üçün faydaları – elmi sübutlar 

Niderlandda aparılan araşdırmalar nəticəsində müəyyən olunmuşdur ki, zəncəfilin kök və ot hissəsinin tərkibindəki kofein arıqlamağa kömək edir. 

Zəncəfilin arıqlamaq üçün faydaları 1 şəkil

Zəncəfilin faydaları – №1 Kortizolun səviyyəsini tənzimləyir

Kortizol stressdən qaynaqlanan və qarında yağların toplanmasına səbəb olan faktordur. 2004-cü ildə keçirilən tədqiqatlarda zəncəfilin kortizolu inhibə etdiyi, yəni sintezini məhdudlaşdırdığı aşkarlanmışdır. Beləliklə, stress əleyhinə içkilər kortizolun yaratdığı kökəlmənin qarşısını alır. 

Zəncəfilin faydaları – №2 Enerji verir       

Təzə və ya toz halında zəncəfildən hazırlanmış arıqlamaq üçün içkilər enerjini artırır. Bu da öz növbəsində arıqlamaq idmanları ilə daha aktiv formada məşğul olmağa kömək edir. Həmçinin yağ və kalori itkisinə səbəb olur. Hər yeməkdən 15-20 dəqiqə əvvəl 250 ml bitki tərkibli çay içsəniz, gümrah və enerjili olacaqsınız. 

Zəncəfilin arıqlamaq üçün faydaları 2 şəkil

Arıqlamaq üçün zəncəfilin istifadəsinə dair qaydalar

  • Çay hazırlamaq üçün gündə 4 qramdan çox zəncəfil işlədilməməlidir. Əks təqdirdə ciddi mədə problemləri ilə qarşılaşa bilərsiniz. 
  • Öd daşı xəstəliyinə qarşı, eləcə də qan durulaşdırıcı preparatlar qəbul edənlərə qadağandır. 
  • Mədə-bağırsaq sistemində xora, qastrit, kolit olan şəxslərə zəncəfil istifadəsi məsləhət görülmür. 

Zəncəfil çayının faydaları 

Arıqlamaq üçün zəncəfilli çay maddələr mübadiləsini sürətləndirir, iştahı kəsir. Qanda şəkərin miqdarını tənzimləyir, xolesterolu nəzarətdə saxlayır. Yeməkdən 20 dəqiqə qabaq içilən çay həzmi stimulə edir, şişkinliyi aradan qaldırır. 

Zəncəfilin arıqlamaq üçün faydaları 3 şəkil

Zəncəfilli arıqlamaq çayının resepti  

İnqrediyentlər:   

  • zəncəfil kökü – 2 sm  
  • su – 300 ml   
  • limon – 2 dilim 
  • bal – istəyə görə 1 ç.q.   

Hazırlanması

  1. Təmizlənmiş və doğranmış zəncəfili qaynar suya töküb, zəif odda 5 dəqiqə qaynadın.
  2. Hazır olduqda süzüb, limon və bal qatın. 
  3. İsti halda için. 

Zəncəfilin arıqlamaq üçün faydaları 5 şəkil

Zəncəfilin arıqlamaq üçün faydaları – darçınlı, limonlu çay  

Komponentlər 

  • zəncəfil tozu – 1 ç.q.     
  • su – 250 ml    
  • darçın – 1/2 ç.q.
  • limon – 1 dilim
  • bal – istəyə görə       

Hazırlanması 

  1. Suyu qaynadın.
  2. Darçın və zəncəfil tozunu ora əlavə edib, zəif odda 2 dəqiqə qaynadın.  
  3. İçkini süzüb, limon qatın.  
  4. Bir qədər soyuduqdan sonra balla qarışdıra bilərsiniz.
  5. İsti halda için. 

Bu tərkibə mixək, kardamon, nanə də əlavə etmək olar. 

Zəncəfilin arıqlamaq üçün faydaları foto 15

Xülasə

Zəncəfilli çay və ya digər arıqlamaq vasitələrini tətbiq etməzdən öncə mütləq həkimlə məsləhətləşin. Çünki istənilən üsul düzgün istifadə edilmədikdə sağlamlıqla bağlı ciddi problemlərə yol aça bilər.

Bu yazını paylaşın:
Yazını qiymətləndirin:
4/5 - (18 votes)
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir