Arıqlamaq üçün

İnsanlar artıq çəkidən azad olmaq məqsədilə müxtəlif üsullara əl atırlar. Məsələn, arıqlamaq üçün çay reseptindən istifadə edirlər, pəhriz saxlayırlar, idmanla məşğul olurlar, arıqlamaq üçün kəmərlər taxırlar. Hətta limon ilə arıqlamağa üstünlük verənlər, hətta dərman içənlər də vardır. Bu məqalədə Sizə ən məşhur və effektiv dietalardan birini təqdim edirik.

Arıqlamaq üçün alma dietası

Sürətli arıqlamaq üçün pəhrizlər kateqoriyasına daxildir. Mono, yəni təktipli qidalanmaya əsaslanan sadə dietadır. Onun sayəsində 1 həftəyə 5 kq arıqlayacaqsınız.

Arıqlamaq üçün alma dietasının müsbət cəhətləri

• Büdcəyə uyğun pəhriz hesab olunur;
• Hətta vegeterianlara da uyğundur;
• Vitaminlərlə zəngindir;
• İlin istənilən fəslində bazarda müxtəlif növ alma tapmaq mümkündür;
• Almanın tərkibindəki pektin bağırsağın işini tənzimləyir.

Arıqlamaq üçün alma dietasının çatışmazlıqları

• İradəsi zəif insanlar bəzən kontroldan çıxıb, kalorili məhsullara yönəlirlər.
• Almanın təsirindən aclıq hissi stimulə olunduğundan, insan özünü saxlamaqda bir qədər çətinlik çəkir.
• Dieta bitdikdə əvvəlki kimi qidalanmaq olmaz, bu halda verdiyiniz çəkini geri alacaqsınız.
• Pəhriz əsnasında arıqlamaq üçün idman hərəkətləri ilə məşğul olmaq qadağandır. Əks təqdirdə əzələ kütləsi itirəcəksiniz, yağlar isə yanmayacaq, əzgin və yorğun olacaqsınız.
• Hamilələrə, süd verən analara, mədə-bağırsaq xəstəliklərindən əziyyət çəkənlərə qadağandır.
• Almanın tərkibindəki sellüloza artıq miqdarda qəbul edildikdə qarında ağrı və köpə səbəb olur.

Arıqlamaq üçün almalı dietanın 1 həftəlik menyusu

Bezməyəsiniz deyə almanın müxtəlif sortlarından püre, salat, zapekanka və s. hazırlamağınız məsləhətdir.

1-ci gün  

Səhərə: 2 alma, bir neçə ədəd çovdar suxarisi

Naharda: 1 stəkan kefir, alma püresi

Axşama: 2 alma

2-ci gün

Səhər: 1 stəkan kefir, alma püresi

Naharda: suda qaynadılmış döş əti, alma

Axşama: sobada bişirilmiş almadan 2 ədəd

3-cü gün

Səhərə: sürtkəcədən keçirdiyiniz 2 almaya darçın qatıb yeyin

Naharda: almadan 2 ədəd, çovdar suxarisi

Axşama: sobada bişmiş almadan 2 ədəd

4-cü gün

Səhərə: sobada hazırlanmış almadan 2 ədəd

Naharda: sobada 2 alma, 1 xör.qaş. bal

Axşama: doğranmış almadan və bir qədər darçından salat

5-ci gün

Səhər: kefir, alma püresi

Nahara: soyutma döş əti, alma

Axşam: sobada bişmiş almadan 2 ədəd

6-ci gün

Səhər: almanı sürtkəcdən keçirib, darçın qatın.

Naharda: 2 alma ilə bir neçə çovdar suxarisi

Axşama: almadan püre, kefir

7-ci gün

Səhər: alma və yaşıl çay

Nahar: döş əti, alma

Axşama: sobada bişirilmiş almadan 2 ədəd

Həftəyə 10 kq arıqlamaq üçün tərəvəz dietası

• Sutkalıq tərəvəz qəbulu 1.5 kq olmalıdır;
• Arıqlaya bilməyənlərə yaxşı kömək edir;
• Maddələr mübadiləsini işə salır;
• Tərəvəzlər çiy və ya az bişirilmiş halda yeyilir.

Arıqlamaq üçün tərəvəz dietasının müsbət cəhətləri

• Orqanizmi vitamin və minerallarla təmin edir.
• Onların tərkibindəki sellüloza və pektin həzm traktının işin, bağırsaq mikroflorasını normaya salır.

Arıqlamaq üçün tərəvəz dietasına aid qaydalar

• Mədə-bağırsaq xəstəliyindən əziyyət çəkənlərə qadağandır
• Sutkaya ən azı 2-3 litr su işmək lazımdır

Arıqlamaq üçün həftəlik tərəvəz dietası

I gün   

Səhər: kəsmik, göyərti, pomidor, şəkərsiz südlü kofe

Naharda: kərəviz+kələm+kök+bolqar bibərindən şorba

Atışdırma: çoban salatı

Axşam: brokkoli+gül kələmi+soğan+pomidordan zapekanka

II sutka

Səhər: bolqar bibəri qatılmış çoban salatı

Nahara: 2 soyutma kartof+bir neçə çiy tərəvəz+ bitki yağından salat

Atışdırma: meyvələr

Axşam: azyağlı kəsmik, tərəvəz salatı, 1 dilim çovdar çörəyi

III  sutka

Səhər: 1 fincan yağsız qatıq

Nahar: doğramac, yaşıl çay

Atışdırma: sobada bişirilmiş 2 alma

Axşam: kələm şorbası, yaşıl çay

IV sutka   

Səhər: giləmeyvələrlə qatıq

Nahar: yunan salatı (bolqar bibəri+feta pendiri+pomidor+zeytun+xiyar), kisel

Atışdırma: sürtkəcdən keçirilmiş kök

Axşam: bitki yağında qızardılmış qabaq (kabaçok) və badımcan, giləmeyvə kompotu

V sutka   

Səhər: kərəviz şorbası, yaşıl çay

Nahar: vineqret salatı, meyvə kompotu

Atışdırma: soyutma çuğundur, qara gavalı qurusu və qozdan salat

Axşama: tərəvəz zapekankası, çay

VI sutka  

Səhər: vineqret, kefir

Nahar: noxud şorbası, tərəvəzlərdən salat

Atışdırma: sobada hazırlanmış badımcan

Axşama: suda bişmiş gül kələmi, çay

VII sutka   

Səhər: soyutma yumurta, limon şirəsi qatılmış tərəvəz salatı

Nahar: doğramac, meyvə kiseli

Atışdırma: sobada bişirilmiş kabaçok

Axşam: tərəvəzdən xörək

Qeyd

Menyulardakı içkilər (çay, kofe) 1 stəkan, yaşıl çay isə 1 fincan nəzərdə tutulmuşdur. İstənilən pəhrizi saxlamazdan öncə mütləq dietoloqla məsləhətləşin.