Qarını necə arıqlatmaq olar

13 Avqust 2019 Kateqoriya: Arıqlamaq üçün nə etməli Müəllif:
Oxuma vaxtı: 5 dəq Oxunma sayı: 54
Qarını necə arıqlatmaq olar şəkil

Qarın piyindən azad olmaq istəyirsən? Bu yolda sizə kömək olacaq və arzuolunan nəticəyə nail olmanızı sığortalayan 5 üsul təklif edirik.

Qarın nahiyəsinin piylənməsi sizin üçün həqiqətən də problemdirsə, bu problemdən azad olmaq üçün həyat tərzinizi və məsələyə münasibətinizi dərhal dəyişməlisiniz. Sadəcə şikayətlənməklə kifayətlənib heç bir hərəkət etməsəniz, o, artmaqda davam edəcək. Düzgün istiqamətdə bəzi addımlar atmaqla “qarını necə arıqlatmaq olar?” sualına özünüz də həll tapa bilərsiniz.

  1. Yağsız qidalar

Ağır pəhrizlər çox vaxt sürətli arıqlamağa kömək etsə də, insanı qarın piylərindən azad edə bilmir. Qarındakı artıq yağlardan birdəfəlik qurtulmaq üçün lazımından çox yağdan imtina etməlisiniz. Əksər mütəxəssislər tərkibində doymuş yağlar az olan pəhrizlər məsləhət görürlər. Belə pəhrizlərə təzə meyvə-tərəvəz, nişasta ilə zəngin məhsullar (qəhvəyi düyü, rafinə olunmamış undan hazırlanmış çörək və makaron məhsulları) daxil edilir.

“Makaron” sözündən qorxursunuzsa, bilməlisiniz ki, kökəlməyə səbəb makaron deyil, artıq kalori qəbuludur. İnsanlarda bu məhsul haqda səhv rəy formalaşdırılıb. Belə ki, deyilənə görə, makaron məhsulları yedikdə həmin anda orqanizmdə insulinin iştirakı ilə kimyəvi reaksiyalar baş verir, nəticədə insan kökəlir. Amma bu tamamilə yalnış məlumatdır. İnsulin heç bir şəkildə kökəlməyə səbəb olmur. Pəhrizə gəldikdə isə şirniyyatlardan və ağ çörəkdən imtina etməlisiniz.

Qarını necə arıqlatmaq olar 1 şəkil

  1. Fiziki aktivlik

Onsuz mümkün deyil. Nəzərə alın ki, qarını necə arıqlatmaq olar dedikdə təkcə qidalanmaqla uğur əldə edəcəyini gözləmək inandırıcı deyil. Çünki elə bir pəhriz yoxdur ki, təklikdə artıq qarın piylərindən azad olmağa kömək etsin. İdman hərəkətləri etmək çox asandır; əsas məsələ özünü buna məcbur etmək və gün ərzində 10 dəqiqə vaxt ayırmaqdır.

  • Oturub-durma hərəkətləri qarın əzələlərinin tonusunu artırır. Gündə 20 oturub-durma hərəkətləri etməklə başlamaq məsləhət görülür.
  • Yanlara əyilmə. Gün ərzində 3 dəfə ümumilikdə 20 hərəkət etmək tövsiyə olunur.
  • Ayaqları qaldırmaq. Hərəkət yerə uzanaraq ayaqları 90 dərəcəli bucaq altında qaldırmaqdan ibarətdir. Bu zaman hərəkətin icrasında qarnın çəp əzələri və bud əzələləri iştirak edir.
  • “Velosiped sürmə” hərəkəti. Yerə uzanın. Əllərinizi başınızın altına qoyun, ayaqlarınızı dizdən qatlayın və qaldırın. Velosiped sürəndə olduğu kimi 3-5 dəqiqə hərəkət etdirin.

Qarını necə arıqlatmaq olar 3 şəkil

  1. Stress və zərərli vərdişlər

Siqaret və spirtli içkilərdən istifadə, gün rejiminin normal olmaması – bütün bunlar zərərli vərdişlər hesab olunur. Belə zərərli vərdişlər təbii ki, orqanizm üçün stresdir. Stress isə orqanizmi öz piy depolarını yenidən paylaşdırmağa və piy hüceyrələrini bədənin başqa yerlərinə, məs., qarına və ya ayaqlara nəql etməyə vadar edir. Əgər siqaret çəkir və həftədə bir dəfə də olsa, alkoqol içirsinizsə, qarın və ayaqlarınızdakı piyin itirilməməsi gərək ki sizi təəccübləndirməsin.

  1. Təmiz hava və yuxu

“Qarını arıqlatmaq olar?” sualı sizi düşündürürsə, təmiz havada daha çox gəzin. Gəzmək arıqlamaq üçün effektiv vasitədir. Arıqlayarkən gün rejiminizi tənzimləməyi də unutmayın: axşamlar elə vaxtda yatın ki, səhər durmaq sizə çətin olmasın; çünki orqanizm gecə tam istirahət etməli, səhərlər isə yaxşı əhval-ruhiyyədə olmalıdır. Unutmayın ki, kifayət qədər yuxu almamaq kökəlməyə gətirib çıxarır.

  1. Özünə haqq qazandırma!

İnsanlarda yaş artıqca kökəlmə qaçılmazdır kimi fikirlər formalaşıb. Əmin olun ki, bu tamamilə yalandır. Qarın nahiyəsinin piylənməsi yaşlılara xarakterik hal deyil. Sadəcə zaman keçdikcə insanlar daha az hərəkət edirlər, nəticə etibarı ilə belə problemlər meydana çıxır.

Ona görə də, yaşın və genetikanın kökəlmədə rolunu bəhanə gətirməyi dayandırın və sadəcə iradəli olun.

 

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.