Arıqlamaq üçün aparatlar

14 Avqust 2019 Kateqoriya: Arıqlamaq üçün vasitələr Müəllif:
Oxuma vaxtı: 14 dəq Oxunma sayı: 22
Arıqlamaq üçün aparatlar şəkil

Artıq çəkinin aparatlarla korreksiyası metodlarını əbəs yerə “tənbəllər üçün arıqlama” üsulu adlandırmırlar. Mütəxəssislərin və istehsalçıların sözlərinə görə, bu aparatlar sayəsində hətta ən kobud bədən formasını da incə formaya salmaq mümkündür. Aparatla arıqlamağın aşağıdakı üstünlükləri var:

  • Professional səviyyədə texniki istifadəsi;
  • Seanslar ixtisaslaşmış mütəxəsislər tərəfindən aparılır;
  • Hətta idmanla məşğul olmaq və pəhrizlər kömək etmədikdə də arzuolunan nəticə almaq olur;
  • Artıq çəkidən başqa, həm də sellülitlə mübarizədə uğurla tətbiq olunur;
  • Dərinin turqorunu gücləndirir;
  • Toksinləri orqanizmdən xaric edir;
  • Hər bir aparat konkret nahiyəni – məs., qarnı, budları və s. arıqlatmaq üçün nəzərdə tutulur;
  • Orqanizmə qoruyucu, komfortlu təsir göstərir;
  • Kursu keçdikdən sonra bədən formasını normada saxlamaq üçün məsləhət almaq imkanı var.

Arıqlamaq üçün aparatlar 1 şəkil

Sadalananlar, təbii ki, bu sahə üzrə təcrübə qazanmış salonlara aiddir. Qeyri-peşəkar və ya təcrübəsiz xidmətlə heç bir uğur əldə edə bilməzsiniz. Ona görə də əgər profesional masajor almaq imkanında deyilsinizsə, onda etibarlı salonda aparatla arıqlaya bilərsiniz.

Nədən başlayaq?

Etibarlı masaj aparatı mütəxəssisi seçməzdən əvvəl kiçik bir test edin. Əvvəlcə özünüz üçün müəyyənləşdirin ki, ümumiyyətlə nəyə görə arıqlamaq zərurəti duyursunuz? Və hansı nəticəyə ümid edirsiniz?

  1. Qida rasionunuzu balanslaşdırılmış hesab etmək olar? Fast food tez-tez yeyirsiniz? Nə qədər atışdırırsınız və boş kalori qəbul edirsinizmi?
  2. Spirtli içkilər – pivə və s. sui istifadə etməyin.
  3. İşinizin xarakteri necədir: oturaq, ayaqüstü, aktiv, stressli və s.
  4. Hansı nəqliyyat vasitəsindən istifadə edirsiniz – ictimai nəqliyyat, lift, eskalator, yoxsa ümumiyyətlə nəqliyyat istifadə etmirsiniz – piyada gəzirsiniz?
  5. Təbiət qoynunda, yoxsa divanda istirahət edirsiniz?
  6. Artıq çəki ilə yanaşı endokrin xəstəliyiniz də yaranıb?

Arıqlamaq üçün aparatlar 2 şəkil

Bu özünükontrol nəyə lazımdır? Köklük əksər adamlarda fərdi xüsusiyyətlər və ya sümüklərin qalın olması ilə bağlı deyil, məhz qeyri-düzgün yaşam tərzindən qaynaqlanır. Artıq yemək, ayaqüstü yeməklər, normal səhər yeməyi yeməmək, spirtli içkilərə meyl ( “pivə qarnı” təsadüfi deyil) və başqa bu kimi amillər kökəlmənizə səbəb olubsa, onada  arıqlamaq üçün aparatlar sayəsində ideal bədən formasına sahib ola bilərsiniz. Piylənmə bu sadalanan amillərlə bağlı olmadıqda həkimsiz ötüşmək mümkün olmur. Həkim belə arıqlamanın təhlükəsiz olduğunu təsdiqləməli olur.

Aparatların təsir mexanizmləri

Sadə şəkildə belə izah etmək olar: masajların bütün növləri əzələ toxumasını gərginləşdirir.  Əzələlər hansı rejimin seçilməsindən asılı olaraq masajistin manipulyasiyasına ya müqavimət göstərir, ya da əksinə. Bu isə yerli qan dövranını və maddələr mübadiləsini yaxşılaşdırır, nəticədə yağ qatı nazikləşir. Paralel olaraq dərinin elastikliyi artır, ona görə aparatla masaj sellülitin müalicəsində istifadə olunur.

 Aparatla masajın təsir mexanizmi

Müasir masaj salonlarında arıqlamaq üçün aparatlar vasitəsilə aparılan bir neçə masaj növləri istifadə olunur. Onların bəziləri ilə tanış olaq:

Ultrasəs kavitasiya

Bu metodda problemli zonalara aşağıtezlikli ultrasəs dalğaları ilə təsir edilir. Beləliklə, piy hüceyrələrində qabarcıq əmələ gəlir; o, tədricən böyüyür və partlayır. Zərbə dalğası davamsız lipid hüceyrələrini parçalayır. Datçikə su damlatsaq, damlalar partlayacaq. Eyni proses piy hüceyrələrində də baş verir. Ultrasəs dalğalarının təsirindən yağ hüceyrələri də parçalanır. Piy toxumasının həcmi azalır, parçalanmış piy hüceyrələri isə hələ orqanizmdən xaric olmur. Ona görə prosedurdan dərhal sonra effekti görmək mümkün deyil. Seans adi USM-ə oxşayır. 30-45 dəqiqə davam edir. Kurs 3-5 seansdan ibarətdir. “Qeyri-cərrahi liposaksiya”nın ilkin nəticələrini (ölçülərin 2-4 sm azalması) 3 prosedurdan sonra görmək olar.

Arıqlamaq üçün aparatlar 3 şəkil

Qrafiki tərtib edərkən nəzərə alın ki, kavitasiya prosedurları arasında 7-10 günlük fasilə verilməlidir. Kavitasiya olunan adam isti hiss edir, ağrı olmur. Bəzi insanlar səsin çox olmasından şikayətlənirlər. Belə vəziyyətlərdə qulaq tıxacları istifadə etmək və ya diskomfortdan qaçmağın yolları haqda mütəxəssislə söhbət etmək lazımdır.

Prosedurdan sonra işlənmiş zonada azacıq ödem ola bilər. Belə hallarda seans limfodrenajla dəstəklənir. Maye rejiminə diqqət etmək lazımdır. Belə ki, maye defisiti, o cümlədən azkalorili pəhrizin saxlanmaması ultrasəs kavitasiya ilə uzalaşmır. Salona getməzdən 3 gün əvvəl yağlı və ədviyyatlı yeməklər, tünd qəhvə və alkoqol qəbulunu dayandırın. Reklamlara inansaq, kavitasiyadan sonra yenidən kökəlmə olmur.

Endosfera terapiya

Silindrik formalı əşya və içərisində fırlanan rolik təsəvvür edin – Endosfra aparatı elə bu cür də görünür. Roller (sürüşkən) 60 silikon şardan təşkil olunur və şarlar şahmat qanunauyğunluğu ilə aparata bərkidilmiş olur. Prosedur zamanı roller fırlanır, mütəxəssis isə onu bədənə sıxır və yüklənməni dəyişərək problemli zonada hərəkət etdirir. Aparatın təsir prinsipi kompressiya və vibrasiyaya əsaslanır. Roller sərbəst mayeni xaric edir, maddələr mübadiləsini stimulyasiya edir, qan durğunluğunu aradan qaldırır, mikrosirkulyasiyanı sürətləndirir. Artıq maye limfa axarlarına düşür və təbii yolla orqanizmdən xaric olur.

Arıqlamaq üçün aparatlar 3 şəkil

Endosfera terapiyası 3 halda tətbiq olunur:

  • “Portağal qabığı” ilə mübarizə;
  • Bədən formasının formalaşdırılması;
  • Üzün konturlarının korreksiyası (nəticə botoksla oxşar olur).

Pasientlər masajı ağrısız, hətta xoş prosedur kimi qiymətləndirirlər. Çünki masaj zamanı isti və vibrasiya relaksasiyaedici təsir edir. Bəzi istifadəçilər sonrakı gün meydana çıxan gecikmiş əzələ ağrılarından şikayətlənirlər, amma əzələ ağrıları tez və öz-özünə keçib gedir. Seans təxminən bir saat davam edir. Prosedur aşağı ətraflarda ödemi və gərginliyi də götürür. Nəzərə çarpan effekt almaq üçün bir ay boyunca həftədə 2-3 dəfə bu proseduru keçmək lazımdır. Bel və digər problemli zonalar 1-2 ölçü kiçilir, nəticə isə 6 ay saxlanır. Effekti daha möhkəmləndirmək üçün həftədə bir dəfə profilaktik seans keçmək vacibdir.

Kriolipoliz

Prosedurun adı onun təsir mexanizmindən xəbər verir. Beləliklə, soyuğun təsiri ilə lipid depoları əridilir. Problemli zona vakuum və soyuqla işlənir, bununla da, dərialtı piy qatında apaptoz, yəni hüceyrə ölümü başlayır. Bir seansda piy hüceyrlərinin 30%-i ölür. Ultrasəs kavitasiyada olduğu kimi effekt tədricən özünü göstərir.

Parçalanmış lipid hüceyrələrinin orqanizmdən çıxmasına 2-3 həftə lazım gəlir. Zədələnmiş hüceyrələr bərpa olunmur, amma piylənməyə səbəb olan amil öz təsirini göstərməyə davam edərsə, yerində yeni yağ hüceyrələri əmələ gələcək. Seans zamanı işlənən nahiyədə soyuq, iynəbatırma, dərinin dartılması kimi duyğular meydana çıxır. Prosedurdan istifadə etmiş insanlar ağrıdan şikayətlənmirlər.

Arıqlamaq üçün aparatlar 6 şəkil

Onu klassik əllə masaj, pnevmopressinq, mezoterapiya və ödemi götürən başqa prosedurlarla tamamlamaq məsləhət görülür. Qarnın və yanların həmin metodlarla əlavə olaraq işlənməsi ödemlərdən qaçmağa və kriolipolizin effektini gücləndirməyə imkan verir. Seansların sayı arterial təzyiq və ya qanda şəkərin miqdarından və təbii ki, piylənmənin dərəcəsindən asılıdır. Bunu isə tibbi normalara əsasən təyin edirlər. Birinci dərəcəli piylənmədə iki seans kifayətdir, üçüncü dərəcəlidə isə seanslar ondan az olmamalıdır.

LPG masaj

Bu masaj aparatının texnikası keçən əsrin 70-ci illərində fransız alim Louis-Paul Guitay tərəfindən işlənib. Metodun adı da alimin adı ilə adlandırılıb. Aparatı isə keçmiş idmançı hazırlayıb. O, bunu qarnı arıqlatmaq üçün deyil, dərin çapıqların silinməsi, mikrotravmaların müalicəsi üçün yaratmışdı. Aparatın sağlamlaşdırıcı və kosmetik imkanları ona olan marağı bir az da artırır.

LPG-nin təsir prinsipi vakuum və vibromasajın orqanizmə təsirinə əsaslanır. Bu iki effekt iki ucluq vasitəsilə yaradılır. Ucluqların sonunda motorlu roller olur, prosedurlar da məhs həmin rollerin köməyilə aparılır. Ucluğun biri saniyədə 4-16 dəfə olmaqla dəridə büküşlər əmələ gətirir, o biri isə həmin hissəni işləyir. Vakuum dərialtı piy toxumasının parçalanmasını sürətləndirir. LPG masaj endermoloji kombinezone icra edir; bu zaman dəri büküşlərini etibarlı şəkildə, təhlükəsiz və ağrısız əmələ gətirir. Prosedur qadın corablarını xatırladan ağ kostyumda aparılır və masaj xətləri də kostyumun üstündən işarələnir.

Arıqlamaq üçün aparatlar 7 şəkil

Guitay aparatının LPG integral adlı yeni versiyası da istifadəyə verilib. Bu tip masaj aparatının üstünlüyü onun xeyli artıq çəkidən qurtulmağa və sellülitin profilatikasına kömək edən Erqodrayvdır. Aparatın gücünün 10 səviyyəsi var; bu da istənilən tip dərini optimal yükləməyə imkan verir.

Aparat arıqlamaqdan başqa, hamiləlikdən sonra bədən formasının bərpası, cərrahi əməliyyatlardan sonra kelloid çapıqlar, bel ağrıları və idman travmalarında da istifadə oluna bilər. Adətən, beş seans kifayət edir, bu seansları iki həftə ərzində paylaşdırmaq daha yaxşıdır. Bu, bir neçə ölçü arıqlamağa bəs edir. Masajı üzə də tətbiq etmək olar. O, başqa kosmetik manipulyasiyalarla – pressoterapiya, kavitasiya, miostimulyasiya və s. da kombinasiya oluna bilər.

Passiv fitnes

Miostimulyasiya artıq çəki ilə mübarizədə illərin sınağından çıxmış metoddur. Metodu tətbiq edərkən bel nahiyəsinə elektrodlar bağlayırlar, dəyişən cərəyanlı zəif elektrik impulsları ilə əzələləri qıcıqlandırırlar. Sanki əzələlərə güc tətbiq olunur. Bu zaman sinir sonluqları impulsları əzələlərə ötürür.

Miokəmər maddələr mübadiləsini və qan dövranını sürətləndirir. Bütün bu amillər arıqlamağa kömək edir, amma miostimulyatorlar yağ toxuması ilə yox, əzələlərlə işləyir. Belə arıqlamaq üçün aparatlar əzələlərin tonusunu artırır, qan təchizatını və limfodrenajı stimulyasiya edir. Daha ciddi nəticələr üçün 3-4 günlük fasilələrlə 20 seansdan az qəbul olunmamalıdır. Beləliklə, ölçünüz 4-5 sm kiçiləcək.

Pressoterapiya

Aparatlarla masajın bu növü də xüsusi kostyumda icra olunur. Bəzən onu təkcə problemli zonalara geydirirlər. Pnevmopress üçün olan geyimin hər tərəfi hava kanalı vasitəsilə doldurulur. Hava kameralarında periodik olaraq dəyişən təzyiq terapiyanın bu növünün əsasını təşkil edir. Seans 40 dəqiqə davam edir; onun effektivliyi dərin masajla müqayisə olunur. Real nəticəni isə 10-20 prosedurdan sonra dəyərləndirmək olar. Seanslar 2 günlük fasilələrlə həyata keçirilir.

Arıqlamaq üçün aparatlar 9 şəkil

Vibromasajorlar

Bu elektrik aparatı müxtəlif intensivlikli vibrasiyalar əmələ gətirir. Onunla işləyərkən sürəti tənzimləmək mümkündür. Başlıqlar duzlara və piylərə son qoyur, əzələləri işlədir, dərinin tonusunu yaxşılaşdırır, masaj zonasında qan dövranını gücləndirir.

Vibromasajorlar kompakt (yerini dəyişə bilən) və ya böyük (yerə bərkidilmiş) ola bilər. Masajı nöqtəvi və ümumi etmək olar. Mexaniki masaj dəriyə yaxşı təsir göstərir. Sürətli arıqlayarkən (10 kq və daha çox) dərinin turqorunu dəstəkləməyə kömək edir.

Masaj aparatları ilə hamı arıqlaya bilər?

Masaj prosedurları qolların, budların və qarnın piylənməsində məsləhət görülür. Üçüncü – dördüncü dərəcəli sellülitdə “portağal dərisi” problemi dərinləşdikdə masaj prosedurları kömək edə bilir. Arıqlamaq üçün aparatlar sayəsində kövşək və sallanan dəridən xilas ola bilərsiniz. Amma nəzərə alın ki, 10 kq arıqlamağı qarşısınıza məqsəd qoymusunuzsa, pəhrizsiz və idmansız ötüşmək olmaz.

Arıqlamaq üçün aparatlar 10 şəkil

Əllə masaj əks-göstəriş olan şəxslərə aparatla masaj da istifadə etmək olmaz. Aparatla masaj seansı keçməzdən əvvəl mütləq aşağıdakı hallar inkar olunmalıdır:

  • Hamiləlik və körpənin ana südü ilə qidalandırıldığı dövr;
  • Daxili orqanların (ürək, damarlar, böyrəklər) xroniki xəstəlikləri;
  • Qanın sistemli xəstəlikləri;
  • Dəri zədələnmələri (masaj zonasında);
  • Menstruasiya günləri;
  • Onkoloji problemlər;
  • İrinli iltihabi xəstəliklər;
  • Tromboflebit;
  • Venaların varikoz genişlənməsi (lokal);
  • İstənilən xəstəliyin kəskin fazası – kəskin respirator virus infeksiyalarından tutmuş vərəmə qədər.

İnsult, infarkt, qarın nahiyəsinin cərrahi əməliyyatlarından sonra orqanizm tamamilə bərpa olunmalıdır. Belə hallarda bir il aparatla masajdan uzaq durmalısınız. Orqanizmdə yad cism (iynədən tutmuş kardiostimulyatora qədər) varsa, massajistin ondan xəbəri olmalıdır!

Çəkinin və bədən formasının korreksiyası üçün aparat üsullarının seçilməsi heç də təəccüblü deyil. Amma bu cür “tənbəl” arıqlama üsulları təklikdə artıq çəkidən qurtulmağa yetərli deyil, bunun üçün yenə də pəhrizlərə, aerob və qüvvət məşqlərinə ehtiyac var.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.