Arıqlamaq üçün kokteyllər

10 Avqust 2019 Kateqoriya: Arıqlamaq üçün vasitələr Müəllif:
Oxuma vaxtı: 6 dəq Oxunma sayı: 12
Arıqlamaq üçün kokteyllər şəkil

Atışdırmaların əvəzinə və ya səhər və axşam yeməyində istifadə olunan arıqlamaq üçün kokteyllər:

  1. Darçın, alma və yulaflı kokteyl

Qatıq həzmi yaxşılaşdırır, xolesterini tənzimləyir; bundan başqa, o, zülalla zəngindir. Darçın qanda şəkərin miqdarını azaldır və bu xüsusiyyətinə görə də diabetin profilaktikasında faydalıdır. Yulaf lopaları (oat-flakes) və almanın tərkibində olan liflər uzun müddət özünü tox hiss etməyə səbəb olur.

İnqredientlər

  • 1 stəkan qatıq;
  • 2 xörək qaşığı yulaf lopası;
  • ½ yaşıl alma;
  • ½ qaşıq üyüdülmüş darçın.

Hazırlanma qaydası

Bütün inqredientləri həmcins kütlə alınana qədər blenderdən keçirin.

Arıqlamaq üçün kokteyllər 1 şəkil

  1. Arıqlamaq üçün zəncəfilli, limonlu və ballı kokteyl

Zəncəfil maddələr mübadiləsini sürətləndirir, qanda xolesterinin miqdarını azaldır və şəkərin miqdarını normallaşdırır. Nanə həzm sistemi orqanlarının funksiyalarını tənzimləyir. Bal qan zərdabında triqliseridlərin miqdarını azaldır və aclıq hissini söndürür.

İnqredientlər

  • 2 litr su;
  • 3 xörək qaşığı rəndələnmiş zəncəfil (qabıqlı da olar);
  • 1 ədəd limon;
  • 1 xörək qaşığı üyüdülmüş darçın;
  • 3 xörək qaşığı bal;
  • 2 budaq nanə.

Hazırlanma qaydası

Limonu xırda-xırda doğrayıb üstünə su tökün. Zəncəfil, bal, darçın və nanəni də əlavə edin. Bir neçə saat saxlayın.

  1. Kərəviz, xiyar və cəfərili arıqlamaq üçün kokteyl

Kərəviz liflərlə zəngindir. Bu bitki ödemlərin qarşısını alır, xolesterinin miqdarını azaldır. Bununla yanaşı, 100 q kərəviz cəmi 12 kkal-dir.

Xiyar bağırsaqların fəaliyyətini dəstəkləyir, toksinləri orqanizmdən çıxarır, yüngül işlədici təsir göstərir. Cəfəri isə həzm proseslərini tənzimləyir.

İnqredientlər

  • 1 ədəd orta ölçülü xiyar;
  • 1 ədəd kərəviz gövdəsi;
  • ½ stəkan su;
  • 1 budaq cəfəri.

Hazırlanma qaydası

Bütün inqredientləri həmcins kütlə alınana qədər blenderdən keçirin.

Arıqlamaq üçün kokteyllər 2 şəkil

  1. İspanaqlı, kivili və bananlı arıqlamaq üçün kokteyl

İspanaq liflərlə zəngindir; bağırsağın funksiyalarını normallaşdırır. Kivi qanda xolesterinin və triqliseridlərin miqdarını azaldır. Banan toxluq hissi yaradır və həzmi yaxşılaşdırır.

İnqredientlər

  • 1 stəkan təzə ispanaq;
  • 1 ədəd kivi;
  • 1 ədəd banan;
  • 1 stəkan su.

Hazırlanma qaydası

Kivini xırda-xırda doğrayın (qabığını soymamaq da olar). Bananı soyun.

İspanaq, kivi, banan və suyu həmcins kütlə alınana qədər blenderdən keçirin.

  1. Qreypfrut, ananas, yoqurt və zəncəfildən ibarət arıqlamaq üçün kokteyl

Qreypfrut antioksidantlar və liflərlə zəngindir; o, artıq xolesterini orqanizmdən kənarlaşdırır, maddələr mübadiləsini sürətləndirir və qanda şəkərin miqdarını azaldır. Ananas da liflərlə zəngindir; həzm sistemi orqanlarının fəaliyyətini normallaşdırır, bromelain fermenti hesabına həzm prosesinə kömək edir. Yunan yoqurtu kalsium, probiotik və zülal mənbəyidir. Zəncəfil maddələr mübadiləsini sürətləndirir və qanda şəkərin miqdarını normallaşdırır.

İnqredientlər

  • 1 ədəd qreypfrut;
  • 2 stəkan təzə və ya dondurulmuş ananas;
  • ⅓ stəkan yunan yoqurtu;
  • 1 dilim təzə zəncəfil.

Hazırlanma qaydası

Qreypfrutun qabığını soyun, saplarını təmizləyin.

Qreypfrut, ananas, yoqurt və zəncəfili həmcins kütlə alınana qədər blenderdən keçirin.

Arıqlamaq üçün kokteyllər 3 şəkil

  1. Avokado, armud və ispanaqlı arıqlama kokteyli

Avokado liflərlə və monodoymamış yağlarla zəngindir; bu xüsusiyyətinə görə insan özünü uzun müddət tox hiss edir. Armud da liflərlə zəngin meyvədir və arıqlamağa kömək edir.

İnqredientlər

  • 1 ədəd armud;
  • ½ ədəd yetişmiş avokado;
  • ½ stəkan təzə ispanaq;
  • 2 xörək qaşığı təzə nanə;
  • 1 stəkan su.

Hazırlanma qaydası

Avokadonun qabığını soyun, saplarını təmizləyin. Armudu yarıya bölün, özəyini çıxarın.

Armud, avokado, ispanaq, nanə və suyu həmcins kütlə alınana kimi blenderdən keçirin.

  1. Qarpızlı, çiyələkli və laymlı arıqlama kokteyli

Çiyələk qanda şəkərin miqdarını azaldır, yağ turşularının parçalanma prosesini sürətləndirən adiponektin və leptin hormonlarının sintezini stimulyasiya edir. Qarpızın 91%-i sudan ibarətdir və 100 q-ı cəmi 27 kkal-dir. Bu xüsusiyyətləri sayəsində qarpız orqanizmi şlaklardan təmizləyir və arıqlamağa kömək edir.

İnqredientlər

  • 3 stəkan qarpız hissəcikləri;
  • 1½ stəkan çiyələk;
  • 1 xörək qaşığı laym (yaşıl limon) şirəsi;
  • ½ stəkan su.

Hazırlanma qaydası

Qarpızın tumlarını və çiyələyin yarpaqlarını təmizləyin. Laym şirəsini xörək qaşığına sıxın.

Qarpız, çiyələk, laym şirəsi və suyu bircinsli kütlə alınana qədər blenderdən keçirin.

Bu arıqlamaq üçün kokteyllər aclıq hissini söndürür, maddələr mübadiləsini sürətləndirir, orqanizmi təmizləyir, vitamin və mikroelement ehtiyatını bərpa edir. Buna görə də arıqlamaq üçün kokteyllər gündə ən azı bir dəfə, məsələn, axşam yeməyində içilməlidir. Amma onları bütün atışdırmalarla əvəzlənsəniz, daha yaxşı olar.

Təbii ki, arıqlamaq arzusunda olub hamburgerlə birlikdə kokteyl içsəniz, unutmamalısınız ki, o hətta “möcüzəvi kokteyl” də olsa, sizə kömək edə bilməz. Buna görə də həyat tərzinizi və qidalanmanızı bütünlüklə qaydaya salmalısınız.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.