Arıqlamaq çayları

07 Avqust 2019 Kateqoriya: Arıqlamaq üçün çaylar Müəllif:
Oxuma vaxtı: 7 dəq Oxunma sayı: 25
Arıqlamaq çayları 1 şəkil

Çay arıqlamaq və sağlamlığı dəstəkləmək üçün uzun illərdən bəridir ki, istifadə olunur. O, maddələr mübadiləsini sürətləndirə, orqanizmi toksinlərdən və şlaklardan təmizləyə, iştahanı kontrol edə, “pis” xolesterinin qanda miqdarını azalda və təbii ki, yağyandırıcı təsir göstərə bilir. Arıqlamaq üçün ən yaxşı çaylarla tanış olun.

Arıqlamaq üçün çayların istifadə qaydası

Arıqlama çaylarının maksimal nəticə verməyi üçün bəzi sadə qaydalara əməl etməlisiniz.

  • Arıqlamaq çayları 2 həftə ərzində içilməlidir; sonra iki həftəlik fasilə verin ki, orqanizminiz süni stimulyasiyaya öyrəşməsin.
  • Arıqlamaq üçün hansısa dərman qəbul edirsinizsə, arıqlama çayı içməyin.
  • Klassik arıqlama çayları içməmişdən əvvəl hazırlanmalı və dərhal içilməlidir. Ot çayları hazırlandıqdan sonra 24 saat ərzində istifadə olunmalıdır.
  • Arıqlama çaylarının istifadəsi üçün ən yaxşı vaxt pəhrizlərarası fasilə dövrləridir. Pəhriz vaxtı arıqlamaq çayları içəməyin. Çünki dieta müddətində orqanizm onsuz da faydalı maddələri az qəbul edir, çay isə onları orqanizmdən çıxaracaq.
  • Tərkibində aromatizatorlar, stabilizatorlar, rəngləyicilər və başqa kimyəvi maddələr olan çaylar almayın.
  • Paketlərdə satılan çaylar da almayın. Çox vaxt onlar keyfiyyətsiz olur.
  • Arıqlamaq üçün özünüz ot çayları hazırlayırsınızsa, otların istifadə müddətini nəzarətdə saxlayın.
  • Əgər arıqlamaq üçün çay içməyə ehtiyat edirsinizsə, onda həkimlə məsləhətləşin.

Klassik arıqlama çayları

Artıq çəkidən qurtulmaq üçün istifadə edə biləcəyiniz klassik çayları diqqətinizə çatdırırıq. Çayları düzgün dəmləyin və için. Əks halda, cəhdləriniz boşuna gedəcək.

  • Yaşıl çay arıqlama proqramlarında əbəs yerə öndə dayanmır. Onun tərkibində yağlar mübadiləsini aktivləşdirən maddələr var. Arıqlamaq üçün hər gün 3-4 fincan yaşıl çay içmək lazımdır. Çayı hazırlamaq üçün 1-2 çay qaşığı yaşıl çayı bir stəkan qaynar suda 5-10 dəqiqə dəmləyin və hazırdır. Çayı, istəyinizdən asılı olaraq, bir dilim limon və ya nazik-nazik doğranmış zəncəfillə içə bilərsiniz.
  • Darçınlı çay – ev şəraitində arıqlamaq üçün ən sadə vasitədir. Sevdiyiniz çaya bir çimdik darçın atmaqla və ya arıqlamaq üçün zəncəfil, süd, bal, portağallı darçınlı çay reseptləri ilə özünüzə arıqlamaq çayları hazırlaya bilərsiniz.
  • Nanəli çayın dietik əhəmiyyəti ondadır ki, çayın öz ətri və dadı iştahanı azaldır. Buna görə də əsas yeməklərin arasında içmək məsləhət görülür. Onda daha az kalori qəbul edəcəksiniz. Nanəli çay hazırlamaq üçün 1 stəkan qaynar suya 1 xörək qaşığı quru və ya təzə nanə yarpaqları atıb stəkanın ağzını bağlayın və qoyun 10 dəqiqə dəmlənsin. Sonra çayı süzün və gün ərzində 3 dəfədən çox içməyin. İstəsəniz, çayınıza bal və ya limon şirəsi də qata bilərsiniz.
  • Ağ çay arıqlamaq üçün tövsiyə olunan çay növlərindən biridir. O, yeni piy hüceyrələrinin yaranmasının qarşısını alır və yağ depolarının parçalanma prosesini (lipolizi) aktivləşdirir. Bundan başqa, ağ çay maddələr mübadiləsini sürətləndirir və iştahanı azaldır, bu özü də arıqlamağa kömək edir. Resept – 200 ml (stəkan dolu olmamalıdı) qaynar suya 1 x.q. ağ çay tökün və stəkanın ağzını örtün, 10 dəqiqə dəmlənməyə qoyun, sonra süzün. Gün ərzində 4 fincan içmək olar. İstəyinizdən asılı olaraq ağ çaya limon şirəsi də əlavə edə bilərsiniz.
  • Zəncəfilli çay arıqlamaq arzusunda olan xanımlar arasında geniş populyarlıq qazanıb. O, mübadilə proseslərini sürətləndirərək yağyandırıcı təsir göstərir, toksinləri və şlakları orqanizmdən xaric etməkdə orqanizmə kömək edir. Bundan başqa, elmi tərəfdən sübut olunmuşdur ki, yeməkdən sonra zəncəfilli çay içmək insanı 6 saat ərzində aclıq hissindən xilas edir. Bir fincan zəncəfil çayı hazırlamaq üçün bir fincan qaynar suya 1 ç.q. xırda-xırda rəndələnmiş zəncəfil töküb 10 dəqiqə dəmləyin, sonra süzün. Daha çox çəki itirmək üçün arıqlamaq üçün müxtəlif zəncəfilli çay reseptlərindən istifadə edə bilərsiniz. Zəncəfil çayını asta-asta və gün ərzindı 3 dəfədən çox olmamaq şərtilə içmək məsləhət görülür.
  • Ulun çayı ilə arıqlamaq özü də bir zövqdür, çünki qaymaq dadır. Ulun çayı yağları parçalayır və onların orqanizmdəki miqdarını azaldır. Çayı hazırlamaq çox asandır – suyu qaynadın, 2 dəqiqə soyuyandan sonra bir stəkan qaynar suya 1 ç.q. Ulun çayını töküb 5 dəqiqə dəmləyin. Sonra çayı süzün və gün ərzində 2 fincan için.
  • Məkkə gülü (karkade) çayı antioksidantlarla zəngindir. O orqanizmi şlaklardan və toksinlərdən təmizləyir, maddələr mübadiləsini normallaşdırır. Aparılmış bir eksperiment göstərdi ki, üç ay boyunca qırmız çay içən insanlarda bel və budlarının ölçüsü kiçilib. Resept – bir qaba 2 stəkan su və 2 x.q. karkade tökün, qaynayana qədər qızdırın, ocağın temperaturunu azaldın və 10 dəqiqə saxlayın. Sonra süzün, bir az soyudub için; gündə 3 fincandan çox içmək məsləhət deyil.

Arıqlamaq çayları 2 şəkil

Arıqlamaq üçün bitki çayları

İndi isə ev şəraitində sərbəst şəkildə hazırlaya biləcəyiniz bitki çaylarından bir az danışaq.

Müalicəvi otlardan hazırlanan arıqlamaq çayları arasında çobanyastığı liderdir. Bir çox artıq çəkili insanlar məhz bu çaya üstünlük verir. Çobanyastığı həzmi və metabolik prosesləri yaxşılaşdırır, yağları parçalayır, həmçinin sidikqovucu təsiri sayəsində artıq mayeni orqanizmdən xaric edir. Hazırlanma qaydası: 1 stəkan qaynar suya 1 x.q. çobanyastığı tökün və 5 dəqiqə dəmləyin, sonra süzün. Çobanyastığı çayı yeməkdən 30 dəqiqə sonra içilir.

Tozağacı və mərcangilə yarpaqlarından hazırlanan çay artıq çəkidən qurtulmaqda çox yaxşı köməkçidir. Tozağacı maddələr mübadiləsini yaxşılaşdırır, mərcangilə isə artıq maddələri və şlakları orqanizmdən xaric edir. 1 ç.q. bitki qarışığını yarım litr qaynar suyu olan termosa tökün və 20 dəqiqə dəmləyin. Yeməkdən 30 dəqiqə əvvəl için.

Arıqlamaq üçün daha bir gözəl çay – bir çay qaşığı tozağacı tumurcuqları və bir xörək qaşığı gülümbaharı (kalendula adı ilə də tanınır) bir litr suya tökün və 10 dəqiqə qaynadın. Bir saat saxlayın və yeməklərarası için.

Biyan kökü (1 x.q.), ayı üzümü (1/2 ç.q.) və itburnu (1 ç.q.) qarışığından ibarət arıqlamaq üçün dadlı çay. Qarışığı termosa töküb üstünə qaynar su alın, iki saat saxlayın. Yeməkdən bir saat əvvəl için.

 

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.