Arıqlamaq üçün çayların adları

13 Avqust 2019 Kateqoriya: Arıqlamaq üçün çaylar Müəllif:
Oxuma vaxtı: 13 dəq Oxunma sayı: 37
Arıqlamaq üçün çayların adları şəkil

Xanımların çoxu ideal bədən formasına sahib olmaq arzusundadır. Dietoloqlar bəzi içkilərin hətta 5 kq arıqlamağa kömək etdiyini deyirlər. Bu doğrudurmu? Məqalədə arıqlamaq üçün çayların adları ilə qismən də olsa, sizi tanış edəcəyik. 

Məqalənin içərisindəkilər:

  1. Apteklərdən hansı otları almalıyıq?

1.1 Qafqaz şaxtagülü

1.2 Çobanyastığı çayı

1.3 Səna

1.4 Mayoran

  1. Arıqlamaq üçün ən effektli ot qarışıqları
    • Monastr çayı
    • Zəncəfil çayı
    • Südlü çay
    • Tibet çay qarışığı
    • Turboslim
    • Məkkə gülü (karkade)
    • Green slim
    • Fei Yan çayı və ya uçan qaranquş
  2. Ot çaylarının müsbət və mənfi cəhətləri

Arıqlamaq üçün çayların adları 1 şəkil

Aptekdən hansı otları almaq olar

Apteklərdə satılan və artıq çəkidən azad olmağa kömək edən bəzi çaylar haqda qısa məlumat veririk. Beləliklə:

Qafqaz şaxtagülü

Şaxtagülünün az miqdarı ürək fəaliyyətinə müsbət təsir göstərir. O, stifnolobiumla birgə insultdan sonra bərpaedici vasitə kimi istifadə olunur. Bu müalicəvi bitki oynaq ağrıları, plevrit və vərəmdə effektlidir. Şaxtagülü maddələr mübadiləsini normallaşdırır və sidikqovucu təsir göstərir. Məhz bu xüsusiyyətinə görə arıqlamaq üçün istifadə olunur.

Səhhətinizi qaydasına salmaq üçün 6 ay ərzində çayı içmək olar. Bu müddət ərzində yağlı və ədviyyatlı yeməklər minimum yeyin. Rasionda təzə meyvələr və tərəvəzlər üstünlük təşkil etməlidir.

Çobanyastığı çayı

Çobanyastığı çəmən-çöl bitkisidir; onun faydaları çoxdur. Məsələn, antiseptik və dezinfeksiyaedici təsirə malikdir. Bu dərman bitkisi həm də yumşaq sakitləşdirici təsir də göstərir.

Çobanyastığı çayı bir neçə kiloqram artıq çəkidən qurtulmağa da kömək edir. Arıqlama bitkinin üç əsas xüsusiyyətinə görə baş verir:

  1. Həzm sisteminə təsir – qəbizlik, sancılar və güclü köpə qarşı kömək edir.
  2. Sakitləşdirici təsir – stresdən sonra çox yemənin qarşısını alır.
  3. Sidikqovucu effekt – mayeni orqanizmdən çıxaran içkidir.

 Artıq çəkidən azad olmaq istəyirsinizsə, çobanyastığı dəmləməsini isti şəkildə yeməkdən əvvəl için. Bu çay qidanın normal həzmi üçün mədə şirəsinin sintezini artırır. Dəmləməni yatmazdan əvvəl və güclü stress zamanı da içə bilərsiniz. Dəqiq dozanı seçmək və kursun davametmə müddətini təyin etmək üçün dietoloqla məsləhətləşin.     

Arıqlamaq üçün çayların adları 2 şəkil

Səna çayı

Səna çayı güclü işlədici təsirə malikdir. Bu xüsusiyyəti sayəsində arıqlamaqda kömək edir. Bundan başqa, səna da başqa işlədici içkilər kimi yağların bağırsaqlardan sorulmasına imkan vermir və onları orqanizmdən xaric edir.

Çay içdikdən 8-9 saat sonra təsirini göstərir. Ona görə də axşam içmək məsləhətdir. Belə pəhriz zamanı dietoloqlar fol turşusu və vitamin D ilə zəngin qidalar yeməyi tövsiyə edirlər. Gün ərzində maye qəbulu isə minimum 2 l olmalıdır.

Mayoran

İbn Sina onu “üzülmə otu” deyə adlandırıb. Bu ot çox faydalıdır; pankreatit, qastrit və enteritdə istifadə olunur.

Arıqlama mayoran çayının sidikqovucu və işlədici təsirləri hesabına baş verir. Çay haqda verilən rəylərə inansaq, artıq çəki sadəcə olaraq “axıb” gedir. Amma bu bitki çayının mədəyə ziyan vura biləcəyini də düşünmək lazımdır. Ona görə də mayoran çayı ilə arıqlamağa başlamazdan əvvəl həkimlə məsləhətləşmək lazımdır. Belə bir içkinin kontrolsuz qəbulu sağlamlıqla bağlı ciddi problemlərə gətirib çıxara bilər.

Arıqlamaq üçün çayların adları 4 şəkil

Arıqlamaq üçün ən effektli ot qarışıqları

Apteklərdə sidikqovucu və ya işlədici effektli ayrı-ayrı otlardan başqa həm də ot qarışıqları satılır. Onlardan hansı məhz sizə uyğundur? Bunu dietoloq müəyyənlşdirəcək və içkini düzgün istifadə etməyin qaydasını da yazacaq.

Arıqlamaq üçün çayların adları insanlar arasında heç də az tanınmır. Tələb təklifi formalaşdırdığından bir çox dərman (farmakoloji) kompaniyaları fitoçaylar istehsal edir. Ən geniş yayılmış 8 çay haqda bir az məlumatlanaq:

Monastr çayı

Çayın tərkibinə daxil olan komponentlər:

  • Səna – işlədici effekt;
  • Çobanyastığı – qidaların həzmini asanlaşdırır, orqanizmi şlaklardan və toksinlərdən təmizləyir;
  • Nanə – aclıq hissini azaldır və mədə-bağırsaq traktının fəaliyyətini gücləndirir;
  • Razyana — maddələr mübadiləsini sürətləndirir, şirin qidalara və un məhsullarına olan istəkdən azad olmağa kömək edir;
  • Qara gəndalaş – mədə-bağırsaq traktının fəaliyyətini normallaşdırır;
  • Cökə – sidikqovucudur, hormonal balansı normallaşdırır;
  • Zəncirotu — sidikqovucu effektə malikdir və orqanizmi kaliumla təmin edir.

Bu dərman bitkiləri bir-birinin təsirini gücləndirir. İstifadə etmiş insanların rəylərinə əsasən bu çay sayəsində bir aya 3 – 10 kq artıq çəki atmaq olar. Nəticə isə uzun müddət saxlanır.

Çay diabetiklər və hipertoniklər üçün daha da əlverişlidir. O, qanda qlukozanın miqdarını azaldır və təzyiqi salır.

Zəncəfilli çay

Belə arıqlama vasitəsinin əsas tərkib komponenti zəncəfildir. Zəncəfil mübadilə proseslərinin stimulyatorudur. O, maddələr mübadiləsini sürətləndirir və artıq çəkilərdən asanlıqla qurtulmağa şərait yaradır. Bundan başqa zəncəfil həm də zəif işlədici təsirə malikdir. Beləliklə, artıq çəkini itirməyə imkan verir.

 Amma unutmayın ki, həddən artıq zəncəfil içmək selikli qişaları yandırır və xoranın əmələ gəlməsinə səbəb olur. Ona görə də mədə-bağırsaq traktı xəstəlikləri zamanı acqarına zəncəfil içmək olmaz.

Belə içki öddaşı xəstəliyində də təhlükəlidir. Zəncəfil daşların öd axarlarında kontrolsuz hərəkətinə səbəb ola bilər. Ona görə də zəncəfillə arıqlamağa başlamazdan əvvəl həkimlə məsləhətləşin.

Arıqlamaq üçün çayların adları 5 şəkil

Südlü çay

Dietoloqların sözlərinə görə südlü çay arıqlamaq üçün əla vasitədir. Onun tərkibi sadəcə iki komponentdəm süddən və çaydan ibarətdir. Belə pəhrizli bircə gün 0,5 – 1,5 kq çəki atmağa imkan verir. Südlü çay qanı təmizləyir, qaraciyərin fəaliyyətini və maddələr mübadiləsini  normallaşdırır.

Amma burada da bəzi incə məqamlar var. Belə içki içmək o demək deyil ki, su içməyə daha ehtiyac yoxdur. Hər gün 1,5 – 2 l su içmək vacibdir. Südlü çay ödqovucu və sidikqovucu effektə malikdir. Ona görə də orqanizmin su balansını bərpa etmək zəruridir. Əks halda ciddi sağlamlıq problemləri ilə qarşılaşa bilərsiniz.

Tibet çayı

Tibet çayı zəngin tərkibə malikdir. Onun tərkibində tozağacı qönçələri, dazı və yabanı çiyələklə  yanaşı 30-dan çox müalicəvi komponent var və bu zənginliyi sayəsində orqanizmə bir çox faydalı təsirlər göstərir.

Tibet çayı qaraciyərin funksiyalarını, dəri örtüklərini yaxşılaşdırır, damarların elastikliyini artırır. O, bağırsaqların fəaliyyətini normallaşdırır, sidikqovucu və tərlədici təsir edir. Bu xüsusiyyətlər isə artıq çəki ilə mübarizədə kömək edir. Çayın faydalı cəhətlərinin çox olması ilə yanaşı, onun həm də mənfi təsirləri ola bilər. Ona görə də kontrolsuz içilməyi təhlükəlidir.

Turboslim

Bu çayın tərkibi zəngindir. Onun içərisində aşağıdakı komponentlər var:

  • Səna – işlədici təsir göstərir;
  • Qarğıdalı saçağı – qaraciyərin fəaliyyətini normallaşdırır;
  • Nanə – sinir sisteminə müsbət təsir göstərir;
  • Albalı saplaqları – diuretik effekt göstərir;
  • Yaşıl çay – maddələr mübadiləsini sürətləndirir.

 Bu qarışıq arıqlamaq arzunda olanlar tərəfindən çox istifadə olunur. O, paket şəklində satılır, bu da istifadəni asanlaşdırır. Deyilənlərə görə arıqlamaq üçün çox effektli vasitədir. Orqanizmə ciddi ziyan vurmamaq üçün içliyi yaxşı-yaxşı oxumaq lazımdır. Artıq dozada istifadə etmək olmaz!

Arıqlamaq üçün çayların adları 6 şəkil

Məkkə gülü çayı (karkade)

Sudan qızılgülü zəngin kimyəvi tərkibə malikdir. Onun tərkibində B qrupu vitaminləri, dəmir, fosfor, kalsium, pektin, rutin, meyvə turşusu və başqa faydalı maddələr var. Bu çay immuniteti gücləndirir, mədəaltı vəzin fəaliyyətini normallaşdırır və qanda şəkərin miqdarını azaldır.

Arıqlama orqanizmdə toplanmış tullantıların təmizlənməsi və maddələr mübadiləsinin normallaşması hesabına əldə olunur.

Dietoloqlar bu çay sayəsində heç bir xüsusi səy göstərmədən 1,5 aya 3 kq arıqlayacağınızı vəd edirlər. Çayı kurs şəklində içmək lazımdır – yəni 3 həftə içilir + 1 həftə fasilə + yenə 3 həftə içilir. Pəhrizin effekti çayı nə ilə içməyinizdən də asılıdır. Əgər onu içməklə yanaşı, şirniyyatlar və ya kökəlməyə şərait yaradan başqa bir şey yeyirsinizsə, gərək ki arzuolunan nəticənin alınmaması sizi təəccübləndirməsin.

Diqqət etməli olduğunuz bir məqam da var. Hər dəfə çay içdikdən sonra ağzı adi su ilə yaxalamaq lazımdır. Əks halda üzvi turşular diş emalınızı zədələyə bilər.

Green slim

Bu ot qarışığı apteklərdə baha satılmır. Onun tərkibinə rəvənd, yaşıl çay, səna yarpaqları, bədrənc (dərman limonotu) və nanə daxildir. 

Bu qarışım sidikqovucu və işlədici təsirə malikdir. Buna görə artıq çəki ilə mübarizədə istifadə olunur. Ondan istifadə etdikdə orqanizmin özünümüdafiəsi yaxşılaşır və maddələr mübadiləsi sürətlənir.    

Fei Yan çayı və ya uçan qaranquş

Bu çayın tərkibinə aşağıdakı bitkilər aiddir:

  • Mərcangilə yarpaqları – orqanizmi toksinlərdən və şlaklardan təmizləyir;
  • Ananas – maddələr mübadiləsini sürətləndirir, mədə-bağırsaq traktının fəaliyyətini yaxşılaşdırır;
  • Yaşıl mandarinin qabığı – sellülitlə mübarizədə kömək edir, qanda qlükozanın miqdarını normallaşdırır;
  • Çin göbələyi – güclü sidikqovucu effekti var; həmçinin sakitləşdirici təsir göstərir;
  • Çin darçınının toxumları – sidikqovucu və işlədici təsir edir;
  • Çay yarpaqları – mübadilə proseslərini sürətləndirir.

Çay orqanizmi şlaklardan və toksinlərdən təmizləmək, mayeni xaric etmək hesabına artıq çəkini itirməyə imkan verir. İstifadə edənlərin rəylərinə əsasən həm də aclıq hissini, əsas yeməklər arasında atışdırmaların miqdarını azaldır. Arzuolunan nəticə verir.

Arıqlamaq üçün çayların adları 7 şəkil

Ot çaylarının müsbət və mənfi tərəfləri

Belə çayların öz üstünlükləri və çatışmazlıqları olur. Ot çayları orqanizmi toksinlərdən və başqa tullantılardan təmizləyir. İşlədici çaylar yağların bağırsaqlardan mənimsənilməsinin qarşısını alır. Bununla da, kökəlməyə imkan vermir. Ot çaylarının qiymətləri də münasib olur.

Təəssüf ki, çatışmazlıqları da var. İşlədicilərin daimi istifadəsi bağırsaq motorikasının pozulmasına gətirib çıxarır. Belə arıqladıqdan sonra orqanizmin bərpasına uzun vaxt tələb olunur.

Arıqlamaq üçün çayların adları çəkilən tərkib komponentlərinə diqqət etsəniz, bir nüansla rastlaşacaqsınız. Maraqlıdır ki, belə çayların tərkibində iştahanı azaldan və ya yağları parçalayan heç bir komponent yoxdur.

Ümumiyyətlə çay işlədici təsirlidir və onun arıqlatma effekti də məhz bu xüsusiyyəti ilə bağlıdır.

Sidikqovucu effektli otların mənfi tərəfləri olduğunu da unutmayın. Məsələn, sidikqovucu effekt artıq çəkidən müvəqqəti azad edir. Onları istifadə edərkən orqanizm çoxlu maye itirir, sonra isə itirdiyi mayeni bərpa edərək başlanğıc çəkisinə qayıdır.

Maye ilə yanaşı orqanizmdən həm də xörək və kalium duzları da xaric olur. Bu duzlar ürək-damar sisteminin sağlamlığı üçün vacibdir; onların çatışmazlığı ürək-damar sisteminin fəaliyyətinin pozulmasına gətirib çıxarır. İntensiv maye itkisi dərinin vəziyyətinə də mənfi təsir göstərir. Dəri quru, elastikliyini itirmiş və qırışlı olur.

Onu da qeyd etməliyəm ki, çayların bütün mənfi təsirləri işlədicilərin kontrolsuz içilməsi nəticəsində baş verir. Və təbii ki, təkcə çay içməklə artıq çəkidən həmişəlik qurtulacağınıza ümid etməyin. Arzuladığınız nəticəni əldə etmək üçün qidalanma rejiminizi də korreksiya edin – zülallı və tərəvəzli rasion təşkil edin. Əlavə olaraq idman məşqləri də köməyinizə çatacaq. Sadəcə olaraq tənbəllik etməyin!

 

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.