Arıqlamaq üçün dərmanlar

06 Avqust 2019 Kateqoriya: Arıqlamaq üçün vasitələr Müəllif:
Oxuma vaxtı: 15 dəq Oxunma sayı: 69
Arıqlamaq üçün dərmanlar şəkil

Arıqlamaq üçün dərmanlar seçmək göründüyü qədər asan deyil. Bu zaman ilk növbədə piylənmənin səbəbini aydınlaşdırmaq lazımdır. Artıq çəki lipid mübadiləsinin pozulmasından tutmuş endokrin xəstəliklər və psixoloji asılılığa qədər bir çox patologiyanın təzahürü ola bilər. Ona görə də arıqlamaq qərarına gəlmisinizsə, əvvəlcə problemin kökünü tapmalısınız.

Arıqlayarkən nə vaxt dərman terapiyasına keçməliyik?

  • Bir ay ərzində 5%-dən artıq arıqlamadıqda mütəxəssis nəzarəti ilə dərman müalicəsinə keçmək məsləhət görülür.
  • Bədən çəki indeksi ≥ 35 kq/ m2 olduqda medikamentoz terapiya tövsiyə olunur.

Geniş yayılmış arıqlamaq üçün dərmanlar:

Turboslim

“Gecə” və “Gündüz” adlı iki növü var, növbəli içilir. Turboslim dərman hesab olunmur. Qida əlavəsidir, öyrəşmə yaratmır, uzun müddət istifadə oluna bilər.

O, həm psixoloji fonu normallaşdırır, həm də yağları yandırır. Bəzi pasientlərə işlədici təsir göstərir.

Arıqlamaq üçün dərmanlar 1 şəkilNeyrosistem 7

Bu dərman ampul formasında buraxılır; canlı prebiotik və bitki tərkiblidir, sintetik, başqa toksiki və mutagen maddələrə malik deyil. Dərmanı həm kişilər, həm də qadınlar istifadə edə bilər və o əmələ gəlmə səbəbindən asılı olmayaraq arıqlamağınızı sığortalayır.

Porsiola kapsulları

Demək olar ki, MKS kimi təsir göstərir. Amma ballast maddələr bağırsaqda yox, mədədə əmələ gəlir. Uzun müddət istifadə olunduqda qəbizlik yarada bilər, ona görə də uzunmüddətli istifadəsi məsləhət görülmür.

SlimBiotic

Başqa dərmanlardan fərqli olaraq 7 günlük proqram şəklində qəbul olunur. Həzmi yaxşılaşdırır, maddələr mübadiləsini və yağların yanma proseslərini sürətləndirir, iştahanı və şirniyə istəyi azaldır, yağların toplanmasını blokada edir, ödemləri aradan qaldırır. Dərmanın qəbulu dayandırıldıqdan sonra yenidən kökəlmə olmur.

Slim Biotic təbii tərkiblidir, orqanizm onu asanlıqla mənimsəyir, heç bir zərər vurmur.

Ksenikal

Arıqlamaq üçün yaxşı vasitədir. Lipazanın aktivliyini azaldır, həzmi sürətləndirir və yağların depolanmasına imkan vermir. Preparat yağların mənimsənilməsinə imkan verimir, nəticədə necə qəbul edilirsə, elə də bağırsaqlardan xaric olur. Dərmanı illərlə qəbul edə bilərsiniz, orqanizm üçün heç bir qorxusu yoxdur. Amma istifadədən əvvəl həkimlə məsləhətləşin.

Arıqlamaq üçün dərmanlar 2 şəkilRimonabant tabletləri

Preparat iki qat təsir göstərir – aclığı azaldır və maddələr mübadiləsini sürətləndirir.

Piylənmə və eyni zamanda 2-ci tip şəkərli diabetdən əziyyət çəkənlərə istifadə olunur. Müalicə  müddətində hormonal fon, mədə-bağırsaq traktı laborator analizlər vasitəsilə kontrolda saxlanmalıdır.

Preparatın aqressiv farmakoloji təsiri var, ona görə də dozalanmaya ciddi əməl olunmalıdır, uzun müddət istifadə məsləhət deyil; tez-tez yan təsirlər verir. Həkim – endokrinoloq və ya dietoloq tərəfindən təyin olunmalıdır.

Sefamadar

Dərman anoreksiya yaradır, yəni aclıq hissini söndürür. Onu ehtiyatla istifadə etmək lazımdır.

Reduslim

Bioloji əlavədir. Onu Reduksin-lə səhv salmayın. Maddələr və lipid mübadiləsinin, o cümlədən yağların yanma proseslərini sürətləndirir. Daimi istifadə etmək olmaz. Kəsdikdən sonra paradoksal reaksiya verir.

Qlukofaj 

Artıq çəkidən azad olmaq üçün yaxşı vasitədir. Dərman uzunsov beyində doyma mərkəzinə təsir edərək süni toxluq hissi yaradır. Qanda şəkərin və insulinin miqdarına təsir edir, ona görə də şəkərli diabetdə, diabetə meyillik və ya bu diaqnoza şübhə olduqda istifadə etmək qəti qadağandır. Preparatı müalicə həkimi hər tərəfli müayinə edəndən sonra qəbul etmək olar. Çoxlu yan təsirləri və əks-göstərişləri var.

MKS (mikrokristallik sellüloza) tabletləri

Bu preparat arıqlamaq üçün, yəqin ki, ən ucuz dərmandır. Mədə-bağırsaq sisteminə təsir edərək qidalanmanı normallaşdırır. Müvəqqəti süni toxluq yaradır, uzun müddət istifadə olunduqda isə qəbizlik, avitaminoz, mikroelement çatışmazlığı və anemiyaya səbəb ola bilir. Mədə-bağırsaq traktı şişləri, xora xəstəliyi və qanaxmaya meyili olan insanlara preparatı içmək olmaz.

Skinny Stix – arıqlamaq üçün təbii vasitə

Pəhrizsiz və idmansız arıqlamağa kömək edir.

Maddələr mübadiləsini sürətləndirir; yağların yanma proseslərini sürətləndirir, mənimsənilməsini isə azaldaraq yediyiniz qidanın enerji dəyərini azaldır; iştahanı tənzimləyir. Problemli zonalarda – qarın, bud və beldə piy toxumasına nöqtəvi təsir edir. Dərinin elastikliyini yüksəldir, kəskin arıqlamadan sonra dəri sallanmalarının qarşısını alır. İlk dəfə istifadədən görünən effekt əldə olunur.

Arıqlamaq üçün dərmanlar 3 şəkilArıqlama dərmanlarının reytinq siyahısı

Arıqlamaq üçün dərmanlar orqanizmə müxtəlif yollar və mexanizmlərlə təsir edir. Onların bir qismi doyma mərkəzinə təsir edir, digərləri işlədici təsir göstərir, üçüncü qrup preparatlar isə leptin və başqa hormonların miqdarını normallaşdırır və s.

Təcrübə göstərir ki, psixoloji, yəni mərkəzi sinir sisteminə təsir edib süni doyma yaradan preparatlar başqa daxili orqanları da zədələyir.

Bir sözlə, orqanizmə ziyan vurmadan tədricən arıqlamaq lazımdır. Arıqlamaq üsulları çoxdur, özünüz üçün arıqlama proqramı tərtib edəndə sağlamlığa heç bir zərəri olmayan vasitələr seçməyə çalışın.

Aşağıda məhz bu prizmadan arıqlamaq üçün optimal preparatların reytinq siyasını təqdim edirik:

  1. Ksenikal

Təsiredici maddə “Orlistat”dır. Hamının istifadə edə biləcəyi ziyansız və effektli vasitədir. Lipazaya təsir edərək yağların mənimsənilməsinin və toplanmasının qarşısını alır. Bir sözlə, yediyiniz yağlar sorulmadan bağırsaqlardan xaric olur. Preparatı uzun müddət istifadə etmək olar.

Tövsiyə: yağlı qidaları rasiondan çıxarsanız, heç bir mədə-bağırsaq traktı problemi ilə qarşılaşmayacaqsınız. Dərmanı qəbul edərkən yağda həll olan vitaminləri – A, D, E, K və beta-karotini gərək qida əlavəsi kimi qəbul edəsiniz. Heç bir toksiki təsiri yoxdur. Yeni yağ hüceyrələrinin yaranmasına imkan vermir, köhnələri yandırmaq üçün isə gərək idmanla məşğul olasınız.

Yan təsirləri: “yumşaq” nəcis, düz bağırsaqda ağrı və ya diskomfort, nəcisi saxlaya bilməmək, köp, dişlərin və diş ətinin zədələnməsi.

  1. Ksenalten

Kapsul şəklində istehsal olunur. Bir kapsulda arzuladığınız nəticəni almağa yetərli orlistat var.

Artıq çəkidən qurtulma kursunu “Ksenikal”la başlayıb, sonralar qənaət etmək üçün “Ksenalten”ə keçə bilərsiniz. Bu preparatların effektləri cüzi fərqlənir.

Yan təsirləri: “yumşaq” nəcis, düz bağırsaqda ağrı və ya diskomfort, nəcisi saxlaya bilməmək, köp, dişlərin və diş ətinin zədələnməsi, baş ağrıları, qaşınma, övrə, səpki, angionevrotik ödem, bronxospazm, anafilaksiya, yuxarı və aşağı tənəffüs yollarının infeksiyaları.

  1. Orsoten slim

Kapsul şəklində istehsal olunur. Bir kapsulda 60 mq orlistat var. Bu, terapevtik effekt üçün lazım olan dozadan 2 dəfə azdır.

Nəticə ilə bağlı proqnoz vermək çətindir. Təsirini “Ksenikal”a yaxınlaşdırmaq üçün dozanı iki dəfə artırın.

Yan təsirləri: tez-tez defekasiya çağırışları, “yumşaq” nəcis, ishal, bağırsaqların və anusun qıcıqlanması, düz bağırsaqdan yağlı ifrazat, köp, allergiya.

Arıqlamaq üçün dərmanlar 11 şəkil

 

  1. Siofor

Artıq çəkili insanlarda karbohidrat mübadiləsi pozulmuş olur. İlk növbədə reseptorların insulinə həssaslığı azalır. Nəticədə kalori sərfi ləngiyir və piy şəklində toplanır.

Preparatın təsiredici maddəsi – Metformin insulinərezistentliyi aradan qaldırır, nəticədə şirniyə tələbat azalır. Dərman orlistat tərkibli preparatlarıdan təbii ki, geri qalır, əvəzində isə təhlükəsizdir. Uzun müddət istifadə etmək olar.

Yan təsirləri: ürəkbulanma, qusma, ishal, qarında ağrılar, iştahasızlıq, respirator pozulmalar, yuxululuq, hipotermiya, arterial təzyiqin düşməsi, reflektor bradiaritmiya.

  1. Qlukofaj

“Siofor”la eyni tərkibdə və eyni satış qiymətindədir. Seçim sadəcə zövqə qalır. Hər iki dərman qlukozanın mənimsənilməsini tormozlayır. Orqanizm qlukozanın istifadəsini tənzimləyir və şirniyə tələbat azalır.

Tədqiqatlar göstərir ki, metformin yağların mənimsənilməsini 10-17%, orlistat isə 30% azaldır.

Yan təsirləri: laktoasidoz, B12 vitamininin mənimsənilməsinin azalması, dad hissiyyatının pozulması, ürəkbulma, qusma, ishal, qarında ağrı, iştahasızlıq, qaşınma, səpki.

  1. Metformin

Artıq çəki ilə mübarizədə metformin tərkibli başqa preparatlardan geri qalmır. Dərman kifayət qədər tanınmasa da, bu, onun azeffektli olduğunu göstərmir.

Yan təsirləri: dad hissiyyatının pozulması, ürəkbulanma, qusma, ishal, qarında ağrı, iştahasızlıq, ağızda metal dadı, köp, dəridə səpkilər, eritema, qaşınma, övrə.

  1. L – karnitin

Təhlükəsiz preparatdır. Vitaminəbənzər (B11 və ya Bt) maddədir, gün ərzində 2-3 qram qəbul etdikdə 200 – 300 qram çəki itirmək olar. Effekti əvvəlki preparatlardan zəifdir.

Arıqlamaq üçün onu idman və koenzim Q10 ilə yanaşı istifadə etmək lazımdır. Uzun müddət ərzində tədricən arıqlamaq üçün uyğun vasitədir. Taurinlə yaxşı uyğunlaşır.

Yan təsirləri: ürəkbulanma, sefalgiya, nəcisin pozulması, yuxusuzluq, arterial təzyiqin yüksəlməsi, ürəkdöyünmə, kəskin qoxulu sidik və nəcis.

  1. Lida

Piylənmə ilə mübarizədə istifadə olunan məşhur preparatlar arasındadır. Tərkibi iştahanı azaldan otlardan ibarətdir, başqa heç nə yoxdur. Amma effekti mümkün imkanlarından çoxdur.

Əksər bioloji aktiv əlavələrin (BAƏ) tərkibinə preparatın təsirini gücləndirmək üçün istifadəsinə icazə verilməyən maddələr (məs., sibutrami) salınır. Bu dərman üçün də bu, mümkündür.

Satışda “Lida” ilə eyniadlı, lakin müxtəlif tərkibli preparatlar çoxdur. Bu BAƏ-nin sonuncu versiyası nisbətən yumşaq təsir göstərir və effekti əvvəlki kimi deyil. Ona görə də tərkibini düzgün araşdırmadan istifadə etsəniz, arzuladığınız nəticəni əldə etməyə bilərsiniz.

Yan təsirləri: ağızda quruluq hissi, yanğı hissi, yuxusuzluq, başgicəllənmə, ürəkdöyünmə, bağırsağın hərəkətinin ləngiməsi, mədədə xoşagəlməz hiss, ağızda acılıq hissi.

Arıqlamaq üçün dərmanlar 6 şəkil

  1. Reduksin met

Yuxarıda sadalanan preparatlar təsir etmədikdə bu dərmana müraciət olunur.

Tərkibi: sibutramin, mikrokristallik sellüloza (MKS), metformin (850 mq).

Karbohidrat mübadiləsinə təsir edib insulinərezistentliyi azaldır, bağırsaqda yağları özünə birləşdirir (MKS), maddələr mübadiləsini sürətləndirir və iştahanı azaldır (sibutramin).

Tərkibində sibutramin olduğundan orqanizmə zərər vuran preparatlardandır. İki halda təyin olunur:

  • Bədən çəki indeksi ≥ 30 kq/ m2 olduqda;
  • Əvvəlki preparatlarla arıqlama uğursuz olduqda.

Piylənmədən və 2-ci tip şəkərli diabetdən əziyyət çəkən insanlar da istifadə edə bilər.

Yan təsirləri: ürəkbulanma, qusma, ishal, qarında ağrı, iştahasızlıq, laktatasioz, B12 vitamininin mənimsənilməsinin pozulması, dad hissiyyatının pozulması.

  1. Lindaksa

Çex şirkəti olan “Zentiva”nın istehsalıdır. Kapsul formasında buraxılır. Bir kapsulda 10 və 15 mq sibutramin olur.

Artıq çəkidən qurtulmağa kömək edən ən effektli preparatlardandır. Təəssüf ki, “Zentiva” onun əksər ölkələrə çatdırılmasını təmin etmir. İkinci sıraya aid edilir; istifadə edərkən ürək yığılmalarının tezliyini və arterial təzyiqi kontrol altında saxlamaq lazımdır.

Yan təsirləri: yuxusuzluq, baş ağrısı, başgicəllənmə, narahatlıq, paresteziya, dad hissiyyatının pozulması, ürəkdöyünmə, arterial təzyiqin yüksəlməsi, damarların genişlənməsi, ağızda quruluq, iştahasızlıq, qəbizlik, bəzən – ürəkbulanma.

  1. Reduksin

Kapsul formasında buraxılır. Arıqlamaq üçün ikinci sıra dərmanlara aiddir. Həkim resepti ilə satılır.

Preparat ürək və qalxanabənzər vəzin problemlərində, arterial təzyiqin pozulmalarında və psixoloji baxımdan zəif adamlara məsləhət görülmür. Onu antidepressantlar, neyroleptiklər, alkoqol və başqa psixostimulyatorlarla yanaşı istifadə etmək olmaz.

Həkim nəzarətində maksimum 3 ay istifadə oluna bilər.

Yan təsirləri: ağızda quruluq, yuxusuzluq, sefalgiya, başgicəllənmə, narahatlıq, paresteziya, dad hissiyyatının pozulması, ürəkdöyünmə, arterial təzyiqin yüksəlməsi, damarların genişlənməsi, iştahasızlıq, qəbizlik, ürəkbulanma, hemoroyun ağırlaşması, güclü tərləmə.

  1. Arıqlamaq üçün Slimiya

Arıqlamağa kömək edən ikinci qrup preparatlara aid edilir. Təsiri “Reduksin” və “Slimiya” kimidir.

Yan təsirləri: yuxusuzluq, baş ağrıları, başgicəllənmə,narahatlıq, paresteziya, güclü tərləmə, dad hissiyyatının pozulması, qıcolma tutmaları, ürəkdöyünmə, arterial təzyiqin artması, damarların genişlənməsi, babasilin ağırlaşması, trombositopeniya, Şönleyn-henoks xəstəliyi.

  1. Goldline

Çox effektli, eyni zamanda çox zərərli arıqlamaq üçün vasitədir. Tərkibində 10 mq sibutramin var. Effektinə görə oxşar tərkibli preparatlardan fərqlənmir.

Yan təsirləri: yuxusuzluq, sefalgiya, başgicəllənmə, narahatlıq, paresteziya, ürəkdöyünmə, arterial təzyiqin artması, damarların genişlənməsi, babasilin ağırlaşması, ağızda quruluq, iştahasızlıq, qəbizlik, ürəkbulanma, dad hissiyyatının pozulması, güclü tərləmə.

  1. Goldline plus

Goldline plus preparatı Goldline-dan tərkibində MKS-in olmasına görə fərqlənir. Sibutramin bir çox ölkələrdə qadağa qoyulduğundan preparatın tərkibinə gücləndirici maddə kimi MKS-in daxil edilməsi dərmanın satışını qanuniləşdirmişdir. Təəccüblü də olsa, faktdır.

  1. Dietrin

Preparat kapsul formasında buraxılır. Effekti güclü olsa da, təhlükəli cəhətləri var.

Buna görə də reytinq siyahısında sonuncu yeri tutur. Tərkibində fenilpropanolamin və benzokain var.

Təsir prinsipinə görə efedrinə (stimulyator) yaxındır. Mərkəzi sinir sistemini aktivləşdirir, əhval-ruhiyyəni salır, iştahanı azaldır. Külli miqdarda yan təsirləri var və həkim nəzarəti altında istifadə edilməlidir.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.