“Salafanla” necə arıqlamaq olar

23 Avqust 2019 Kateqoriya: Arıqlamaq üçün vasitələr Müəllif:
Oxuma vaxtı: 6 dəq Oxunma sayı: 1226
"Salafanla" necə arıqlamaq olar şəkil

Qida sellofanları artıq uzun müddətdir ki, kosmetologiya sənayesində tətbiq olunur. Onların köməyi ilə peşəkar gözəllik salonları müxtəlif cür vücudu gözəlləşdirmə proseduralarında termiki effekt əldə edirlər. Bundan başqa, istənilən idmançı qida sellofanı ilə necə arıqlamalı olduğunu bilir – bunun üçün mütləq bədəni bürümək, üstdən isti alt geyimi və ya xüsusi dar arıqladıcı forma geyinmək və belə güclü məşq etmək lazımdır.
Nə qədər ki, qida sellofanları sərbəst satılır və baha deyil, onu artıq santimetr və sellülitdən qurtulmağı arzulayan istənilən xanım istifadə edə bilər. Qida sellofanları ilə necə arıqlamaq olar və təsirini artırmaq üçün dəriyə hansı maddələri çəkmək lazımdır? Bu barədə ətraflı danışacağıq.

Qida sellofanı ilə necə arıqlayaq?

Başlanğıc olaraq “salafanla” necə arıqlamaq olar? onu aydınlaşdıraq. Nazik qida sellofanının bir neçə qatı altında arıqlamaq üçün istixana effekti yaranır, dəri məsamələri açılır, onlardan orqanizmdəki artıq maye xaric olur. Bundan başqa, bədən temperaturu yüksəlir və qan dövranı sürətlənir, bu isə hüceyrə reaksiyasını sürətləndirir.

O cümlədən, əzələlərdə piy hüceyrələrinin sürətli yanması baş verir. Belə ki, yanmanın baş verməsi üçün uzun müddət ərzində sürətlənmiş nəbzi dəstəkləmək lazımdır, yəni düzgün təyin olunmuş aerob məşqlər etmək lazımdır. Bu açar sözdür – qida sellofanı ilə arıqlamaq idmanla məşğul olduqda mümkündür, istənilən bürünmə kosmetoloji effekt verə bilir!

"Salafanla" necə arıqlamaq olar 1 şəkil

Gözəllik və sağlamlıqla bağlı qadınlar üçün əksər nəşrlər, jurnallar da arıqlamaq üçün sellofanla bürünmələri rəğbətlə qarşılayır. Divanda uzanıb adi “salafanla” necə arıqlamaq olar? Bu haqda bir-birindən maraqlı çoxlu hekayələr var. Əgər məntiqimizi işə salsaq, bunun real olmadığını dərk edəcəyik. Belə ki, bu cür bürünmənin kosmetik effektlərini qiymətləndirməmək olmaz. Bu, həqiqətən də sellülitlə mübarizədə ən yaxşı üsuldur. Qida sellofanının masajla yanaşı istifadəsi xüsusən effektlidir.

Arıqlamaq üçün sellofan: dəyərləndirmə və istifadə üsulları

Qida sellofanının köməyi ilə bütün arıqlama üsullarını şərti olaraq iki tipə ayırmaq olar: aktiv və passiv. Sonuncuya müxtəlif maddələrin – kofe, darçın, xardal, bal, gil, yosunlar, eləcə də satışda olan antisellülit kremlərlə kosmetik bürünmələr aiddir. Seçilmiş vasitəni dəriyə çəkməzdən əvvəl dərini isitmək, qan dövranını yaxşılaşdırmaq və məsamələrini açmaq üçün skrabla pilinq etmək lazımdır.

Sonra problemli yerə maska və ya kremi çəkib qida sellofanı ilə bürümək, üstündən qızdırıcı alt geyimi geymək, üstünüzü örtüb təxminən yarım saat uzanmaq sonra isə duş qəbul etmək lazımdır. Xardal və darçın kimi komponentlər isitmə effektini artırır. Prosedur ərzində yüngül iynəbatırmaya oxşayan hiss duyacaqsınız.

"Salafanla" necə arıqlamaq olar 2 şəkil
Təkrar edirik ki, kosmetik bürünmələr cavanlaşdırıcı və antisellülit təsir göstərir, lakin onlar bədənin ümumi kütləsini azaltmır. Birinci aktiv arıqlama üsulu isə arıqlamaq üçün həqiqətən də çox faydalıdır. Əgər antisellülit kremi dərinizə çəkib, qida sellofanı ilə bürüyüb, dar geyim geyinib aerobikayla məşğul olur və ya sadəcə velosiped sürürsünüzsə, bu həqiqətən çəkinizi azaldacaq. Xüsusən də müntəzəm məşq etsəniz, effekt görünən və tez olar.

Qida sellofanı ilə bürünmə üçün maskanı necə hazırlamaq lazımdır?

Antisellülit krem və maskalara pul xərcləməyin əvəzinə təsiri heç də az olmayan və tamamilə təbii olan bu cür maskaları ev şəraitində də hazırlamaq olar. “Salafanla” necə arıqlamaq olar və hansı maskalardan istifadə edə bilərik? Bir neçə məşhur tərkiblə sizi tanış edək:
• Bərabər miqdarda kosmetik qara gili və qurudulmuş, xırda-xırda doğranmış laminariyanı qarışdırın, üstünə bir çay qaşığı üyüdülmüş darçın və on damcı portağal yağı əlavə edin. Sıyıq formasını almaq üçün isti su ilə doldurun. Sonra dərinizin problemli sahələrini təmizləyin və isidin. Bunun üçün dərini mexaniki şəkildə, məsələn, əllə qızarana qədər sürtmək olar. Məqsəd yerli qan dövranını yaxşılaşdırmaqdır. Və həmin yerə hazırladığınız məhlulu çəkib iki-üç qat qida sellofanı ilə bürüyün;
• Təzə çiçək balını bir qaşıq isti suda həll edilmiş quru xardala və ya xırdalanmış yaşıl çaydan hazırlanmış sıyığa əlavə edin. Bu tərkib nəinki “portağal qabığı”ndan xilas olmağa kömək edir, həm də dərininin vəziyyətini əsaslı şəkildə yaxşılaşdırır. Bal – böyük miqdarda qidalı maddə və vitaminlə zəngin təbii mənbədir;
• Quru kakaonu isti suda sıyığabənzər kütlə alınanadək həll edin, bura bir qaşıq zeytun yağı əlavə edin, qarışdırın və tərkibi bud, qarın və sağrının dərisinə çəkin. Sonra qida sellofanı ilə bürüyün və üstünüzü örtün. Maskanı yuyan kimi dəriniz parlaq və yumşaq olduğunu dərhal görəcəksiniz.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.