Hamiləlikdən sonra arıqlamaq
Doğuşdan sonra qadınların əksəriyyəti artıq çəkidən şikayətlənir. Bədən formasının pozulması əhval-ruhiyyəyə də mənfi təsir göstərir. Hamiləlikdən sonra arıqlamaq üçün müxtəlif vasitələr mövcuddur: dietalar, idman hərəkətləri, rəqslər və s.
Bəzi qadınlar arıqlamaq dərmanları və ya doğadan çayı içirlər. Bəs peşəkar formada arıqlamaq üçün nə etmək lazımdır? Ümumiyyətlə, sadalanan üsullar müştərək qaydada yerinə yetirildikdə nəticə daha mükəmməl olur. Belə ki, hamiləlikdən sonra alınmış kiloqramları atmaq üçün pəhriz tutmaqla yanaşı, idmanla da məşğul olmaq məqsədəuyğundur.
Hamiləlikdən sonra arıqlamaq üçün ən yaxşı dieta
Səhər: soyutma yumurta, yulaf kəpəyindən sıyıq, qızardılmış 1 dilim kəpək çörəyi, 1 fincan süd, banan
Nahar: soyutma və ya püre halında kartof, çiy tərəvəzlərdən salat, armud, 1 dilim az duzlu pendir
Arada: yağsız qatıq, qara çörək, tərəvəz salatı
Axşam: 200 qr soyutma toyuq, sobada bişirilmiş 2 ədəd kartof, portağal
Bu pəhrizi bacardığınız qədər tuta bilərsiniz.
Hamiləlikdən sonra arıqlamaq – növbəti menyu
I gün
Səhər: yağsız süddə bişirilmiş giləmeyvəli sıyıq
Atışdırma: qurumeyvələr+qoz-fındıq
Nahar: krevetka və tərəvəzlə makaron
Arada: yağsız krekerlər, meyvələr
Axşam: şirin yoqurt, tərəvəz salatı
II gün
Səhər: meyvəli sendviç, yağsız südlü latte
Atışdırma: saçaqlı pendir, alma
Nahar: toyuq tikələri ilə tərəvəz salatı
Arada: halqa şəklində doğranmış kök, xiyar, bolqar bibəri, pendir sousu
Axşam: tərəvəzli krevetkalı düyü
III gün
Səhər: yağsız süddə bişirilmiş sıyıq, alma
Atışdırma: meyvələrdən smuzi
Nahar: hinduşka əti ilə lavaş dürməyi
Arada: 1 ovuc meyvə qurusu, qoz-fındıq
Axşam: soyutma yumurta və lobya
IV gün
Səhər: yumurta, tost, qreyfrut
Atışdırma: saçaqlı pendir, alma
Nahar: krevetkalı, tərəvəzli spagetti
Arada: smuzi
Axşam: toyuq və ya mal əti+tərəvəzlərdən salat
V gün
Səhər: sıyıq, armud
Atışdırma: qoz-fındıq, qaysı qurusu
Nahar: şorba, meyvə salatı
Arada: kreker, banan
Axşam: toyuqlu lavaş dürməyi
VI gün
Səhər: tərəvəz kotleti ilə sendviç, meyvə şirəsi
Atışdırma: yağsız ət, kreker
Nahar: tərəvəzli, toyuqlu dürmək
Arada: saçaqlı pendir, alma
Axşam: tərəvəz salatı
Pəhrizi bu qayda ilə istədiyiniz qədər davam edə bilərsiniz.
Hamiləlikdən sonra arıqlamaq üçün nümunəvi menyu
Səhər: 0.5-1 %-li südü 1:1 nisbətdə su ilə durulaşdırıb, yulaf sıyığı bişirin. Ora qurumeyvələr atın. Həmçinin 1 çay qaşığı balla yaşıl çay için.
Atışdırma: alma, 1 stəkan kənd qatığı
Nahar: sobada bişirilmiş yağsız balıq, pomidor+xiyar+kələm+göyərti+azacıq bitki yağından salat
Günorta: yağsız kəsmik, 1 stəkan süd və ya qatıq
Axşam: suda bişmiş kələm və kök, sobada hazırlanmış döş əti
Hamiləlikdən sonra arıqlamaq üçün çay içmək olar?
Doğuşdan sonra bir çox qadınlar laktasiya, yəni südvermə dövrünə girir. Südverən analara arıqlamaq çaylarından istifadə etmək tövsiyə olunmur. Hərçənd ki, doğadan çayı təhlükəsiz tərkibə malikdir. Amma onu da həkim məsləhəti olmadan içməyin.
Xülasə
Hamiləlikdən sonra arıqlamaq üçün qidalanma tərzinə düzgün əməl etsəniz, artıq çəkinizlə vidalaşacaqsınız.
