Hamiləlikdən sonra arıqlamaq

11 Avqust 2019 Kateqoriya: Arıqlamaq üçün nə etməli Müəllif:
Oxuma vaxtı: 6 dəq Oxunma sayı: 10
Hamiləlikdən sonra arıqlamaq şəkil

Əksər qadınlar doğuşdan sonra bədən formalarını itirməkdən qorxurlar. Doğuşdan sonrakı dövrü artıq çəki, formasını itirmiş süd vəziləri və striyalarla təsəvvür edirlər… Hamiləlikdən sonra arıqlamaq və əvvəlki formanı bərpa etmək düşündüyünüzdən də asandır. Sadəcə olaraq prosesə kompleks yanaşmaq lazımdır. Bunun üçün özünüzü düzgün qidalanmağa, çoxhərəkətliliyə kökləyin; nəzərə alın ki, bəzi hallarda kosmetik prosedurlar qaçılmazdır. Aşağıda “doğuşdan sonra necə sürətli arıqlamaq olar?” sualına cavab verən proqram qeyd olunub.

İdealınıza nail olmağa çalışın

Qidalanma
Ümumiyyətlə çəki atmaq üçün kalori defisiti yaratmaq lazımdır. Alternativ üsul hələ ki düşünülməyib. Qısası, az yeyib, çox hərəkət etmək lazımdır. Doğuşdan sonrakı dövrdə, xüsusən də övladınızı ana südü ilə qidalandırırsınızsa, rasionu kəskin dəyişməyə və ağır pəhriz saxlamağa ehtiyac yoxdur. Lakin məğlubiyyəti qəbul etmək də lazım deyil. Körpəsini əmizdirən qadınlar bir müddət qida rasionunuza diqqətli yanaşmalıdır. Yəni zərərli, yağlı, qızardılmış yeməklər və alkoqol istifadə etmək olmaz. Bundan başqa, bilməlisiniz ki, südlə birlikdə hamiləlik zamanı toplanmış yağlar da orqanizmi tərk edir, uşağın inkişafına və böyüməsinə sərf olunur.

Hamiləlikdən sonra arıqlamaq 1 şəkil

Əgər övladınız ana südü deyil, süni qidalar yeyirsə, onda öhdənizə düşənlər bir qədər də artır. Əvvəla, hamiləlik zamanı imtina etmək məcburiyyətində qaldığınız qidalara qarşı təmkinli yanaşın; çünki bu arıqlamaq üçün heç də düzgün yol deyil. İkincisi, hamiləlikdən sonra arıqlamaq üçün mane ola biləcək səbəblər haqda düşünün. Artıq yemək və ya düzgün qidalanmamaq kimi vərdişlərdən qaçın. Beləliklə, bəzən analar uşağı doydurmaq haqda düşünərək artıq yeyir; belə etməyin, sadəcə özünüzü körpənin tələbatı olan miqdarda qidaya hazır edin. İkinci zərərli vərdiş gənc anaların tez-tez rastlaşdığı problemlərdən biri olan zaman problemi ilə bağlıdır. Belə ki, bəzi analar kalori defisitindən deyil, zaman defisitindən əziyyət çəkir.

Nə yemək olar?
Yoqurt, limon şirəsi və zeytun yağı kimi yağsız souslu tərəvəz salatlarına rasionda üstünlük verin. Tərəvəzli raqu, yağsız mal əti və balıqlar, dənəvər kəsmik, yoqurt, kefir, dənli bitkilər rasionunuza əlavə edə biləcəyiniz faydalı məhsullardır. Desertdə meyvələr, bal və ləpələr (süd vermirsinizsə), təzə sıxılmış meyvə şirəsi yeyə bilərsiniz. Bütün bu sadalanan yeməklərin hazırlanmasına çox vaxt tələb olunmur və onlar həm də yoldaşınızın sağlamlığı üçün faydalıdır. Yemək hazırlama prosesini özünüz üçün əlverişli və sadə şəkildə həyata keçirməyə çalışın. Tərəvəzləri, əti və balığı buxarda və ya sobada; dənli bitkiləri isə qaynar suda bişirin. Yeməyin hazırlanmasına 30 dəqiqədən artıq vaxt sərf etməyin.

Hamiləlikdən sonra arıqlamaq 5 şəkil

Çox hərəkət edin
Cavan anaların azhərəkətli həyat sürdürməyini iddia etmək çətindir. Çünki onlar daim hərəkətdədir: uşağı yedirir, çimizdirir, geydirir, gəzməyə aparır, onunla oynayır və bütün bunları gün ərzində bir neçə dəfə edir. Hətta körpəni təkcə ana südü ilə qidalandırmağa gün ərzində təxminən 600 kalori sərf olunur.

Doğuşdan azı 2 ay sonra aktiv məşqlərə başlamaq məsləhət görülür. Analar üçün xüsusi proqramlar var; həmin proqramlara əsasən yük tədricən artrılır. Adətən, ən problemli nahiyə qarın olur. Qarın əzələləri tonusunu xeyli itirir, qarın presini isə yalnız 6-8 həftə sonra etmək olar. Keysəriyyə əməliyyatı keçirmisinizsə, onda yalnız 3 ay sonra press etmək olar. Amma rəqs və gimnastika ilə doğuşdan 1-2 həftə sonra məşğul olmaq olar. Beləliklə, əgər kifayət qədər vaxtınız varsa, rəqsə və ya pilatesə yazılın. Cavan analar üçün faydalı ola biləcək daha bir fiziki aktivlik kimi gəzməyi misal göstərmək olar. Uşaqla gəzinti daha çox gəzməyiniz üçün şansdır.

Hamiləlikdən sonra arıqlamaq 2 şəkil

Kosmetik prosedurlar
Hamiləlikdən sonra arıqlamaq istədikdə bürümələr sizə kömək edə bilər. Bürümələr qarın piylərindən azad olmaq üçün seçə biləcəyiniz əlverişli və faydalı üsullardan biridir. Bu proseduru etmək üçün salona getmək vacib deyil; onu evdə özünüz də edə bilərsiniz. Daha az vaxt və pul sərf edəcəyiniz üsulları diqqətinizə çatdırırıq. Adi, qara, qırmızı və ya göy gil yaxşı seçim ola bilər. Onu istənilən aptekdən sərfəli qiymətə əldə edə bilərsiniz, unutmayın ki, bir dəfə istifadəsi arzuolunan nəticəyə nail olmağa kömək etməyə bilər. Gili suda həll edib, əmələ gəlmiş kütləni problemli nahiyəyə bərabər qalınlıqda çəkin; ideal olar ki, həmin nahiyə skrabla əvvəlcədən işləyəsiniz. Vaxtınız az olursa, gil quruyana qədər gözləyib sonra yuyun.

Daha güclü effekt almaq arzusunda olduqda isə adi polietilən selofanla gili bürüyüb “istixana effekti” yaradın. Sonra uzanıb üstünüzü örtün və 10 dəqiqə gözləyin (yatmaq olmaz!). Belə prosedurları həftədə 2-3 dəfə təkrarlamaq olar. Rəngarənglik naminə gili zeytun yağı, dəniz duzları, bal və ya aromatik yağlarla qarışdırmaq olar. Amma ehtiyatlı olun: prosedur allergiya yarada bildiyindən süd verən analara tövsiyə olunmur.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.