Zəncəfil arıqlamaq üçün

14 Avqust 2019 Kateqoriya: Arıqlamaq üçün vasitələr Müəllif:
Oxuma vaxtı: 4 dəq Oxunma sayı: 27
Zəncəfil arıqlamaq üçün şəkil

Zəncəfilin faydaları insanlara çoxdan məlumdur. Zəncəfilli içkilər qan dövranını yaxşılaşdırır, maddələr mübadiləsini sürətləndirir və dəriyə yaxşı təsir göstərir. Zəncəfil arıqlamaq üçün, ilk növbədə aclıq hissini azaltmaq və maddələr mübadiləsini sürətləndirmək üçün istifadə olunur. Beləliklə, gün ərzində daha az kalori qəbul edəcəksiniz.

Beləliklə, zəncəfil arıqlamaq üçün necə və ya hansı kokteyllərin, çayların tərkibində istifadə olunmalıdır?

Zəncəfil arıqlamaq üçün 1 şəkil

Arıqlamaq üçün 5 zəncəfil çayı resepti

  1. Sadə zəncəfil çayının resepti
    Tərkib komponentləri: 1-1,5 çay qaşığı xırda doğranmış zəncəfil, su (200ml).
    Zəncəfili suya tökün və zəif odda 7-10 dəqiqə qaynadın. Sonra süzün və gündə 3 dəfə yeməkdən əvvəl için.
    Zəncəfili yaşıl və ya qara çaya qatmaq da olar.
  2. Sarımsaqlı zəncəfil çayı
    Hazırladığınız zəncəfil çayına orta ölçülü 1 diş sarımsaq əlavə edin, hamısını bir yerdə qaynadın və gün ərzində için.
  3. Çobanyastığı ilə zəncəfil çayı
    Qurudulmuş çobanyastığını qaynayan suda dəmləyin, sonra üzərinə zəncəfil əlavə edin. Bu iki elementin birləşməsi insana gümrahlıq verir, immuniteti möhkəmləndirir və təbii ki, arıqlama prosesini sürətləndirir.
  4. Limon və darçınlı zəncəfil çayı
    Hazır zəncəfil çayına limon, portağal, istənilən başqa sitrus meyvələrini xırda-xırda doğrayıb qatın, üzərinə bir darçın çubuğu əlavə edin və 20 dəqiqə dəmləyin. Dadlı və faydalıdır!
  5. Acı istiotlu zəncəfil çayı
    İstiotu sevənlər üçün qırmızı istiot əlavə edilmiş çay daha münasibdir. Yandırıcı dad yeməkdən əvvəl mədə şirəsinin sintezini artırır; bu da qəbul olunmuş qidanın daha yaxşı və tez həzminə kömək edir.

Əslində, variantlar çoxdur, axı zəncəfil çayına da istənilən digər çaylar kimi nə olsa – limondan ispanaq, nanə, sürtgəcdən keçirilmiş qırmızı istiot və sairədək əlavə etmək olar. Xəyal gücünüzü işə salın!

Zəncəfil arıqlamaq üçün 2 şəkil

Zəncəfildən arıqlamaq üçün başqa hansı şəkildə istifadə etmək olar?

  • Salat və digər əsas yeməklərə zəncəfil əlavə edin, onu sadəcə olaraq yeməyin üstünə səpə bilərsiniz.
  • Yemək vaxtına bir neçə dəqiqə qalmış zəncəfil hissəciklərini çeynəyin – bu, iştahanı azaltmağa kömək edəcək və xeyli az yeyəcəksiniz.
  • Əgər zəncəfilin dadından xoşunuz gəlmirsə, amma ondan imtina da edə bilmirsinizsə, dərman şəklində qəbul edin. Zəncəfil arıqlamaq üçün istehsal olunan kapsul formalı preparatların tərkibinə də daxildir.
  • Zəncəfil şirniyə olan istəyi azaldır. Bunun üçün sürtgəcdən keçirilmiş zəncəfil kökünü limon şirəsi və duzla qarışdırın. Acı dadmasına baxmayaraq, effektiv sayılır.

Nəyə diqqət yetirmək lazımdır?

  • Yeməyə 6 qramdan artıq təzə zəncəfil qatmaq olmaz.
  • Heç bir şəkildə 2 yaşadək uşaqlara zəncəfil vermək olmaz.
  • Zəncəfil ürəkbulanma və mədə problemlərində kömək edir: gündə 2-4 q zəncəfil bu cür “daxili narahatlıqlar”dan qurtulmağa kömək edir.
  • Yatmazdan əvvəl zəncəfil qəbul etmək olmaz – o, tonuslandırıcı xüsusiyyətə malikdir və yaxşı yatmağa imkan verməyəcək.

 

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.