Arıqlamaq yolları

09 Avqust 2019 Kateqoriya: Arıqlamaq üçün nə etməli? Müəllif:
Oxuma vaxtı: 5 dəq Oxunma sayı: 111
Arıqlamaq yolları şəkil

Artıq çəki təkcə xarici görünüşü korlamır, həm də insanlarda kompleks hissi törədir. Bəs arıqlamaq üçün nə etmək lazımdır? Bunun yolları müxtəlifdir. Gəlin onlarla tanış olaq.

Arıqlamaq yolları hansılardır?

Təbii yolla arıqlamaq – müxtəlif bitkilərdən dəmləmələr hazırlamaqdan ibarətdir.

Məsələn, qızılağacabənzər mürdəşər kökü – bitkini 30 dəqiqə dəmlədikdən sonra yarım saat soyudun. 1 ay müddətində hər gün yatmazdan əvvəl 1 stəkan için. Bu bitki bağırsağı şlaklardan təmizləyir, çəkini azaldır.

Gicitkən – damarları genişləndirərək, qan dövranını sürətləndirir, nəticədə metabolizmi aktivləşdirir.

Səna yarpaqları – orqanizmdən artıq mayeni kənarlaşdırır, işlədici təsir göstərir.

Kətan toxumu arıqlamaq üçün optimal vasitədir. Bunun üçün kətan toxumunu 1:5 nisbətində suda yarım saat qaynadın. Süzüb gündə 3 dəfə için.

Arıqlamaq yolları foto 5

Aclıq etməklə arıqlamaq yolları

Ac qalaraq arıqlamaq – bu bir çoxunuzun düşündüyü kimi heç bir şey yemədən bütün günü ac qalmaq deyil. Müəyyən zaman intervalları və bəlli qaydalarla qidalanma rejimidir. Zaman intervallarına 16/8, 20/4 , 14/10 aiddir.

Bu nə deməkdir? 16/8 – 16 saat ac qalıb geriyə qalan 8 saat ərzində qidalanmaq nəzərdə tutulur. Sadəcə rasiondan yağlı, duzlu, qızardılmış xörəkləri çıxarmalısınız. Ac qaldıqca mədə kiçildiyindən, çox yemədən doyacaqsınız. Saatı həyat ritminizə görə müəyyənləşdirə bilərsiniz.

Fiziki aktivliklə arıqlamaq yolları

Arıqlamaq üçün rəqslər, idman hərəkətləri – çəki atmağın əyləncəli, xoş və eyni zamanda fiziki cəhətdən aktiv metodlarıdır. Məsələn, zumba həm idman, həm də rəqs sayılır. Latın Amerika çalarlı ritmik hərəkətlər bədənin elastikliyini artırır, kalori və çəki itkisinə gətirib çıxarır.

Arıqlamaq üçün kəmərlər, korset, “salafan” – fiziki məşqlər, dieta və sauna effektini birləşdirən metodlardır.

Arıqlamaq yolları foto 6

Sürətlə arıqlamaq yolları

Sürətli arıqlamaq üçün pəhrizlər – adətən monotip, yəni təktipli qidalanma tərzinə əsaslanır. Onların bir qismi insanlara məlum olsa da, bəziləri haqda bəlkə də heç vaxt eşitməmisiniz. Məsələn, qreçka ilə arıqlamağı demək olar ki, hər 3 qadından 2-si bilir.

Ancaq mixəklə, cəfəri, xurma, qoz, darçın, kofe ilə arıqlamağı ağlına gətirməyənlər çoxdur. Qəribə səslənsə də, əslində bu metodlar real və effektivdir. Belə ki, 1-3 gün ərzində yalnız xurma və su ilə qidalanaraq, 1-3 kq çəki ata bilərsiniz. Xurma ilə arıqlamaq istədikdə əks-göstərişləri nəzərə almağı unutmayın.

Balanslaşmış rasionla arıqlamaq yolları

Sağlam arıqlamaq üçün dietalar – orqanizmə ziyan vurmadan tədricən çəki atmağa yönəlmişdir. Arıqlamaq üçün reseptlər və salatlar bu metoda daxildir.

1 həftəlik menyu ilə çəki itirməyin yolları

Bazar ertəsi

Səhər: 1 dilim çörək, pendir, tərəvəz, bitki çayı

Nahar: ət soyutması, buxarda bişmiş tərəvəzlər, itburnu dəmləməsi və ya yaşıl çay

Arada: sobada hazırlanmış pendirli brokkoli, soyutma yumurta, su

Axşam: 1 stəkan qatıq

Çərşənbə axşamı

Səhər: kefir, tərəvəz salatı, armud

Nahar: şorba, sobada toyuq və ya ət, şəkərsiz çay

Arada: balıq soyutması, tərəvəz

Axşam: meyvə, şəkərsiz yoqurt

Arıqlamaq yolları 3 şəkil

Çərşənbə

Səhər: yumurta, portağal, çay

Nahar: buxarda bişmiş kotlet, lobya qovurması, tərəvəz salatı, çay və yaxud təzə sıxılmış meyvə şirəsi

Arada: kəsmikli zapekanka, armud, kök suyu

Axşam: 1 stəkan kefir

Cümə axşamı

Səhər: tost, tərəvəzlər, pendir , çay və ya meyvə şirəsi

Naharda: salat, meyvə qurusu, buxarda bişmiş küftə, su

Arada: sobada hazırlanmış balıq, təzə brokkoli

Axşama: 2 ədəd alma

Cümə

Səhər: yulaf sıyığı, kök-alma şirəsi

Nahar: küncütlü balqabaq şorbası, sobada ət, salat, çay

Arada: toyuqla kök qovurması, qatıq

Axşam: qatıq

Şənbə

Səhər: kəsmikli göyərtili kartof püresi, yaşıl çay

Nahar: çoban salatı, sobada balıq və ya toyuq , çay

Arada: kəsmik, çay, kəmşirin meyvə

Axşam: alma

Bazar

Səhər: göyərtili pomidor çığırtması, çay

Nahar: sobada bişmiş tərəvəzlər, omlet, meyvə şirəsi

Günorta: turş meyvə, çay, toyuğun suda qaynadılmış döş əti

Axşam: kefir və ya yoqurt

Arıqlamaq yolları foto 7

Digər arıqlamaq yolları

Çörək yemədən arıqlamaq – adından göründüyü kimi un məhsulları, ələxsus da çörəkdən imtina etməklə çəki itirməkdir.

Arıqlamaq üçün dərmanlar, aparatlar – tibbi və kosmetoloji sahənin təqdim etdiyi vasitələrdir.

Arıqlamaq üçün içkilərə – çaylar, detokslar, kokteyllər, toksin, şlak, eləcə də şişkinliyi aradan qaldıran reseptlər daxildir.

Xülasə

Gördüyünüz kimi arıqlamaq yolları çox müxtəlifdir. Bir çoxu da ev şəraitində arıqlamağa uyğundur. Elə isə tənbəllik etməyin, artıq çəkidən azad olun.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.