Mixəklə arıqlamaq

10 Avqust 2019 Kateqoriya: Arıqlamaq üçün vasitələr Müəllif:
Oxuma vaxtı: 4 dəq Oxunma sayı: 44
Mixəklə arıqlamaq şəkil

Mixəklə arıqlamaq üçün çoxlu dəmləmələr və içkilər hazırlamaq olar. Artıq çəkidən effektli şəkildə qurtulmaq istəyirsinizsə, mixəkli içkiləri reseptlərə əsasən hazırlayın.

Çay

Səhərlər acqarına 250 ml mixəkli çay içsəniz, maddələr mübadiləsi sürətlənəcək və gün ərzində yedikləriniz daha yaxşı həzm olunacaq. Mixək çayını hazırlayarkən başqa ədviyyatlar və qidalardan istifadə etmək olar. Belə çaylar insana şuxluq verir, əmək qabiliyyətini artırır.

Səhər çayının resepti:

  • ½ çay qaşığı toz şəklində olan mixək və zəncəfili qarışdırın.
  • Quru qarışığa 1 çay qaşığı yaşıl çay (dadlandırıcılar və aromatizatorlarsız) əlavə edin.
  • Bütün bu komponentləri 300 ml qaynar suya tökün, ağzını bağlayın və 30 – 40 dəqiqə saxlayın.

Hazır məhlul qatıdır. Ona görə də onu gün ərzində dəm kimi istifadə etmək olar. Çayı şəkərsiz, konfetsiz və peçenyesiz için; 1 çay qaşığı bal və 1 dilim limonla içmək olar.

Arıqlamaq arzusunda olan insanların ən çox çətinlik çəkdiyi məqam iştahanın öhdəsindən gəlməkdir. 1 çay qaşığı mixək və 300 ml qaynar su bu məsələdə kömək edəcək. Çayı 2 saat ərzində dəmləyin, sonra hər dəfə acanda və yeməkdən əvvəl 70 ml için.

Mixəklə arıqlamaq 1 şəkil

Dəmləmə

Mixəklə arıqlamaq üçün ən asan resept – 1 xörək qaşığı ədəvanı və qırmızı çayı qarışdırın, üstünə xırdalanmış 2 darçın çubuğu və 1 vanil çubuğu əlavə edin. Bütün bu inqredientlər xırdalanmış olmalıdır; onları qarışdırın, keramik qabda olan 500 ml qaynar suya töküb 3 saat ərzində dəmləyin.

Bu dəmləmə adi çay kimi içilir. Əgər azkalorili pəhriz saxlayır və idmanla məşğul olursunuzsa, dəmləməyə bir az yağsızlaşdırılmış süd də əlavə edə bilərsiniz. İçkini qurtum-qurtum, gün ərzində ən çoxu 250 ml için. Axşamlar onu içmək məsləhət deyil, yuxusuzluq yarada bilər.

Darçınlı mixək resepti

Darçın özü arıqlamaq üçün effektli vasitədir. O, maddələr mübadiləsini sürətləndirir, iştahanı və şirniyə olan istəyi azaldır. Mixək və darçını birləşdirən içki resepti var. Darçınlı-mixəkli bu içki çox dadlıdır, o, səhər kofesini əvəz edə bilər. Onu içəndən sonra özünüzü enerjili hiss edəcəksiniz, iştahanız azalacaq, fiziki aktivliyiniz isə artacaq.

Hazırlanma qaydası: 1 xörək qaşığı mixək, ½ qaşıq çay qaşığı darçın, 1 xörək qaşığı “təmiz” yaşıl çay və bıçağın ucunda vanil tozunu qarışdırıb 500 ml qaynar suya tökün və 60 – 90 dəqiqə dəmləyin.

Mixəklə arıqlamaq 2 şəkil

Ballı mixək resepti

Yuxarıda sadalanan reseptlərdən istənilən birinə bir çay qaşığı bal da əlavə edə bilərsiniz. Bal təkcə içkinin dadını xoşagələn etmir, həm də onun effektini gücləndirir. Bundan başqa, bal həm də aclıq hissini söndürür. Bal və mixəklə arıqlamaq istəyən bir çox insanlar axşam yeməyinin əvəzinə bu qarışığı istifadə edirlər. Bunu, əlbəttə ki, etmək olar, amma gərək yatmazdan 4-5 saat əvvəl şam edəsiniz.

1 xörək qaşığı mixək tozuna, həmin qədər bal və darçın əlavə edin; tünd qarışıq alınacaq. Çox adam üçün onun dadı kəskin ola bilər, ona görə də onun tərkibini iki dəfə azaldın, suyun miqdarını isə dəyişməyin. Dozanı iki dəfə azaldanda, təbii ki, effekt də azalacaq, amma istənilən halda 300 ml-dən artıq içmək olmaz.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.