Xurma ilə arıqlamaq

11 Avqust 2019 Kateqoriya: Arıqlamaq üçün vasitələr Müəllif:
Oxuma vaxtı: 4 dəq Oxunma sayı: 19
Xurma ilə arıqlamaq şəkil

Şirnini sevən və həm də arıqlamaq arzusunda olan insanlara xurma ilə arıqlamaq tapıntı ola bilər. Xurma nəinki artıq çəkidən azad olmağa kömək edir, onun həm də orqanizmə bir çox faydaları var. Quru xurma yüksəkkalorili olsa da, doyumludur. Spesifik dadına görə onu çox yemək də olmur. Amma xurma kalsium, dəmir, fosfor, kalium və natrium, A, C, E, B1, B2 və B5 vitaminlərlə zəngindir, tərkibindəki şəkər isə orqanizmin həyat fəaliyyətinə sərf olunur və yağ şəklində toplanmır.

Xurma pəhrizinin menyusu

Xurma pəhrizini 10 gün ərzində saxlamaq olar. Mütəxəssislər pəhrizin müddətini uzatmağı məsləhət görmürlər və əks halda səhhətinizə ziyan vura bilərsiniz.

İlk 4 gün yalnız xurma yemək olar. İçkilərdən şəkərsiz yaşıl çay və qazsız mineral su içə bilərsiniz. İstədiyiniz qədər xurma yemək olar. Amma düşünməyin ki, bu çox asan arıqlama üsuludur. Hamı bilir ki, daim şirin qida qəbul etmək orqanizmi tez yorur. Bu şəkildə xurma ilə arıqlamaq çox yeməkdən xilas olmağa kömək edir. Pəhrizin beşinci günündən etibarən yaşıl alma yemək olar. Məhz yaşıl rəngli meyvələr seçmək vacibdir, onların kalorisi qırmızı almayla müqayisədə daha aşağı olur. Əgər rasionunuza rəng qatmaq istəyirsinizsə, onda almanı portağalla da əvəz edə bilərsiniz.

Nə qədər arıqlamaq mümkündür?

10 gün xurma pəhrizinə riayət etməklə kifayət qədər çox – 6 kq-dan 8 kq-ya qədər çəki salmaq mümkündür.

Xurma ilə arıqlamaq 1 şəkil

Xurma pəhrizinin xüsusiyyətləri

Bütün başqa pəhrizlər kimi xurma pəhrizinin də özünəməxsus çatışmazlıqları var. Dietoloqlar artıq çəkidən azad olmağı arzulayanlara xəbərdarlıq edirlər ki, bu pəhriz orqanizmə zərər vura bilər. Məsələ burasındadır ki, xurmanın tərkibində hüceyrələrin əsas inşa materialı olan zülal çox deyil. Xurma ilə arıqlamaq pəhrizlərini tez-tez saxlamaq orqanizmə güclü stresdir və dərinin vaxtından əvvəl qocalmasına gətirib çıxara bilər. Buna görə də 10 gündən artıq və ya tez-tez xurma pəhrizi saxlamaq məsləhət görülmür. Pəhrizdən sonra minimum 1-2 ay  fasilə vermək lazımdır.

Başqa pəhrizlər kimi, xurma pəhrizi bitdikən sonra da bədən formanızı saxlamaq üçün gərək sağlam həyat tərzi keçirəsiniz – düzgün qidalanamağa, çoxlu təzə meyvə və tərəvəz yeməyə, qazlı və şirin içkiləri təbii şirələr və süd məhsulları ilə əvəz etməyə çalışmalı, idmanla məşğul olmalı və təmiz havada çox gəzməlisiniz.

Bu faktdır ki, xurma istənilən şirniyyatı əvəz edə bilir. Ona görə də onları konfet və ya şirniyyat kimi istifadə etməyi vərdişə çevirə bilərsiniz. Bu, nəinki bədən formanızı saxlamağa, həmçinin orqanizmi lazımi mineral və vitaminlərlə təmin etməyə kömək edəcək.

 

 

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.