Arıqlamaq üçün pəhrizlər

Sürətli pəhrizlər

Sürətli arıqlamaq üçün pəhrizlər azkalorili qidalanmaqla qısa zaman kəsimində artıq çəkilərdən qurtulmağa şərait yaradan dietik metodlardır. Belə pəhrizlər orta hesabla 3-7 gün davam edir və günə 0,5 – 1 kq çəki itirməyə imkan verir. Amma unutmayın ki, belə pəhrizlər sürətli şəkildə arıqlayaraq qazandığınız bədən formasını uzun müddət qorumağa söz vermir. Çünki çəkinin azalması artıq yağların yanmasına hesabına deyil, orqanizmin artıq maye və şlaklardan təmizlənməsi hesabınadır. Aşağıda sürətli arıqlayaraq sizə arzuladığınız bədən formasını bəxş edən bəzi pəhrizlər haqda qısa məlumat verəcəyik.

«Yumurta və portağal» pəhrizi

Sitrus bitkiləri ilə yumurtanın kombinasiyası qəribə görünə bilər; çünki hər iki məhsul hətta ayrılıqda belə, ciddi allergiya verə bilir. Buna baxmayaraq, yumurta və portağal pəhrizi böyük məşhurluq qazanıb və tez-tez çəkini korreksiya məqsədilə istifadə olunur.

Kimlər bu pəhrizi saxlaya bilməz?

Pəhrizin əsas komponenti yumurta və portağal olduğundan bu qida məhsullarına dözümsüzlüyü olan insanlara, eləcə də ifrazat və həzm sistemi xəstəliklərində onu saxlamaq olmaz.

Arıqlamaq üçün pəhrizlər şəkil

5 günlük pəhriz

Bu pəhriz təkrarlanan səhər yeməkləri ilə xarakterizə olunur. Bütün 5 gün ərzində səhərlərinizi bir fincan qəhvə, suxarik və portağalla açmalı olacaqsınız. Sutkalıq rasionda daha onları gün ərzində 2 dəfə də yemək nəzərdə tutulur.
1-ci gün. Naharda yumurta, dietik çörək və portağal yeyin, 1 st.yağlılığı çox olmayan kefir için. Şam yeməyi 2 yumurta, suxarik və 2 pomidordan təşkil olunmalıdır.
2-ci gün. Naharda yenə də yumurta, dietik çörək və portağal yeyin, yağlılığı çox olmayan 1st. kefir və ya yoqurt için. Şam yeməyində isə mal əti (150 q) qaynadın, həmçinin 1 portağal, pomidor, suxarik yeyin. 1 st.əlavəsiz yoqurt için.
3-cü gün. Naharda yumurta, dietik çörək və portağal yeyin, 2 st. yağlılığı çox olmayan kefir için. Şam yeməyinə yenə də 150 q ətə (bifşteyk etmək olar) icazə var. Yeməyi yoqurt, portağal və suxariklə tamamlayın.
4-cü gün. Səhər rasionuna portağal, xiyar, dietik çörək əlavə edin. Naharda yağsız kəsmik (150 q) yeyin. Axşam yeməyi isə ət (150 q), 2 pomidor, suxarikdən ibarətdir.
5-ci gün. Beşinci günün naharı qaynadılmış balıq filesi (200 q), 2 pomidor, kahı və 2 st. kefirdən ibarət olur. Şam yeməyində 2 pomidor, yumurta və kahı yemək lazımdır.

Arıqlamaq üçün pəhrizlər 1 şəkil

1 həftəlik pəhriz

7 günlük yumurta-portağal pəhrizi 5-6 kq artıq çəkidən qurtulmağa kömək edir, amma onu saxlamaq çox çətindir. Məhsulların göstərilən normasını 5-6 porsiyaya bölmək lazımdır.
1-ci gün. Bu günün menyusunu 2 portağal, 2 pomidor, taxıl çörəyi, 1 dəstə göyərti, 2 st.kefir, şəkərsiz çay və qazsız su təşkil edir.
2-ci gün. Əvvəlki günün menyusuna qaynadılmış yumurta (2 ədəd) da əlavə olunur. Qalan komponentlər olduğu kimi saxlanılır.
3-cü gün. 1-ci günün menyusunu qaynadılmış ətlə (150 q) tamamlamaq lazımdır.
4-cü gün. Bu günün menyusu 2 portağal, 2 yumurta, 2 pomidor, taxıl çörəyi, 1 dəstə göyərti, 2 st.kefir, şəkərsiz çay və qazsız suyla təşkil olunur.
5-ci gün. Yumurtanın əvəzinə 150 q kəsmik yeyin (qalan rasion əvvəlki kimidir).
6-cı gün. Menyunun zülal komponenti qismində yumurta yeyin (qalan komponentlər eynidir).
7-ci gün. Yumurtanı menyuda saxlaya, ya da qaynadılmış balıqla (200 q) əvəz edə bilərsiniz. Rasionu tamamilə təkrarlayın.

Sitrus pəhrizi

Sitrus bitkiləri hər mənada yaxşıdır – dadı qədər vitamin-mineral tərkibi də insanı sevindirir. Sitrus pəhrizi orqanizmi canlandırır və artıq çəkini salmağa imkan verir.

Sitrus meyvələri və yumurta

Sitrus və yumurta pəhrizinin menyusunun bir neçə variantı var. Birinci üsulda rasionun əsas hissəsi istənilən növ sitrus meyvəsi və yumurta olur. Gün ərzində 1 kq meyvə və 4-5 yumurta yeyə bilərsiniz. Məhsulları 2 saat fasilə ilə növbələşdirmək lazımdır. İçməyə su və çay (gündə 2 l) məsləhət görülür. Pəhriz 3-7 gün davam edir.
Digər pəhriz variantında sitrus meyvələrinin assortimenti qreypfrut və ya portağalla (ölçüdən asılı olaraq 3-5 meyvə) məhdudlaşır. Pəhriz dövründə yalnız zülal yemək olar (7 yumurta qaynadın,sarısını çıxarın). Məhsulları 2 saat intervalla növbələşdirin. Mayenin gündəlik miqdarı və pəhrizin davamiyyəti əvvəlki kimi qalır. Bu pəhriz hesabına 1 gününə 0,5-1 kq arıqlaya bilərsiniz.

Arıqlamaq üçün pəhrizlər 2 şəkil

Sitrus meyvələri, meyvələr və yumurta

Bu üsulla arıqlamaq müddəti – 3 gündür. Səhərlər təzə çəkilmiş sitrus meyvələrinin şirəsini için. Nahara kivi və istənilən başqa meyvədən salat hazırlayın. Şam yeməyinə bir neçə çovdar tostu, zülallı omlet (və ya qaynadılmış zülallı qidalar). Su və ya durulaşdırılmış sitrus şirəsi içmək lazımdır. Atışdırma – qreypfrut dilimləri. 3 günə 2-3 kq arıqlamaq olar.

Sitrus meyvələrindən salat

Bu cür pəhrizi razqruzka kimi istifadə etmək olar (ona 1-3 gün həsr edin). Gündə 3 dəfə portağal, qreypfrut və mandarindən salat hazırlayın. Yeməyi yağsız yoqurt əlavəsi edin və ya heç etməyin. Hər porsiyaya 1\3 banan da əlavə etmək olar. Yeməklər arasında təzə çəkilmiş sitrus meyvəsinin şirəsini suyla duruldub için; yaxud da ballınanəli çay, yaşıl çay (şəkər əlavəsi qadağandır) içə bilərsiniz. Salat üçün 1-1,5 kq meyvə istifadə etmək olar. 1 günə 0,5-1 kq itirəcəksiniz.

6 günlük pəhriz

Bu pəhriz növündə günbəgün menyu dəyişir. Orta hesabla 3-5 kq arıqlamağa imkan verir. İlk 2 gün çovdar suxariklərinə (100 q), sitrus bitkilərinə (1 portağal və1 qreypfrut) və yumurta ağına (1-2 yumurta istifadə olunur) həsr olunur. Növbəti günün rasionu sitrus meyvələri (1 portağal və qreypfrut), qaynadılmış ət (100 q) yeməyə imkan verir. Kefir (0,5 l) və su (1,5 l) içmək olar. 4-cü gün əti balıqla (150 q) əvəzləyin. Rasiona 1-2 pomidor daxil edin. 5 və 6-cı günlər sitrus meyvələrinin (portağal və qreypfrut) sayını 3-ə qaldırın. Rasiona həmçinin 150 q qaynadılmış toyuq filesi də daxil edin. Suyun və şəkərsiz çayın günlük norması 1,5-2 litrdir.

Kimlər sitrus meyvələri və yumurta ilə arıqlaya bilməz?

İstənilən sitrus meyvəsi allergiya yarada bilər. Ona görə də bu meyvələrə həssaslığı olan insanlara pəhriz əks göstərişdir. İstənilən kəskin və xroniki xəstəliklər, hamiləlik, körpəni ana südü ilə qidalandırma, gənc yaş dövrü belə bir pəhriz saxlamamağı məsləhət görür.

«Kəsmik və alma» pəhrizi

Arıqlamaq üçün pəhrizlərin tərkibində kəsmik kimi almaya da tez-tez rast gəlinir. Kəsmikli-almalı pəhriz – hansı tövsiyələrə əsaslanır, nə cür təsir göstərməyə qadirdir?

9 günlük pəhriz

Bu pəhriz hər biri 3 gün olmaqla 3 mərhələyə ayrılır. Birinci mərhələdə yalnız alma (gündə 1,5kq ) istifadə olunur. Su və çay içmək olar. Bu rasiondan yorulanda inqridientləri dəyişə bilərsiniz. Beləliklə, gün ərzində 1 l təbii alma şirəsi için və təxminən 0,5 kq alma yeyin (təzə və ya sobada bişirilmiş). Məhsulu bölərkən necə rahatdırsa elə də edə bilərsiniz – səhər və gündüz saatlarında alma yeyib şam yeməyi əvəzinə alma şirəsi içə bilər, yaxud hər birini bərabər həcmlərdə qəbul edə bilərsiniz.
Növbəti mərhələ minimal yağlılığı olan kəsmik (0,4-0,6 kq) yeyilir. Çox güclü aclıq hiss edəndə rasiona 0,5 l kefir də əlavə etmək olar. Həmçinin su və çay içməyə icazə verilir. Yeməyi bərabər porsiyalarla qəbul etmək tövsiyə olunur (gündə 3-4 dəfə).
Pəhrizin yekun mərhələsi kəsmik (0,4 kq) və almanı (0,5 kq) kombinasiya etməyə imkan verir. Əgər alma yeməkdən yorulmusunuzsa, meyvələri onların sıxılmasından hazırlanmış yarım litr şirə ilə əvəz edə bilərsiniz. Bütün menyunu 3-4 dəfəlik porsiyalara bölmək lazımdır. Çoxlu su içmək məsləhət görülür. Pəhriz sayəsində 9 günə 5-8 kq arıqlamaq olar.

3 günlük pəhriz

Bu üsulla arıqlamaq üçün alma (3 ədəd) və kəsmikdən (450 q) bişirilmiş faydalı yeməklər istifadə olunur. Hər iki məhsulun üstünə zövqə görə 1st. yağsızlaşdırılmış kefir və bir qədər darçın əlavə edib blenderdən keçirin. Alınmış kütləni 3 hissəyə bölün. Yeməklər arasında 1 təzə alma yemək olar. Maye rasionu standartdır (su və çay). Çəki itkisi – 12 kq/ 3 gün.

3-5 günlük pəhriz

Bu pəhriz üçün sutkalıq dəst:1-!,5 kq alma və 200 q yağsız kəsmik. Gündə 5 dəfə yemək lazımdır. Yeməklər arasında və yeməyə qədər su, itburnu dəmləməsi, yaşıl çay için. 5 günə 3-4 kq itirəcəksiniz.

Əks göstərişlər:
Kəsmik və alma pəhrizi böyrək problemləri (zülalların yüksək konsentrasiyasına görə) zamanı istifadə olunmamalıdır. Həzm sistemi orqanlarının xəstəlikərində istifadəsi yolverilməzdir. Allergik reaksiyaların yaranma riski də var.

7 günlük qarabaşaq pəhrizi

Qarabaşaq dietik məhsul hesab olunur. O, faydalı elementlərlə zəngindir. 7 günlük qarabaşaq pəhrizi arıqlamaqda və sağlam olmaqda siz kömək edəcək.
Dietik qarabaşaq sıyığını necə hazırlayaq?
Çəki salmanızı müvəffəqiyyətlə həyata keçirmək istəyirsinizsə, «düzgün» sıyıq hazırlamağın qaydasını bilməlisiniz – onun tərkibində duz, ədviyyat və yağ olmamlıdır. 1st. qarabaşağı su ilə yuyun, qazana və ya termosa boşaldıb üzərinə qaynar su (2 st.) tökün, ağzını örtün (termosu bağlayın) və bir neçə saat saxlayın ki, öz buxarında bişsin. Sıyığı səhər yeməyində yeyə bilmək üçün yatmazdan əvvəl hazırlamaq önəmlidir. Əgər qarabaşaq suyu tam çəkməyibsə, mayeni süzmək olar. Bu cür hazırlanmış sıyıq daha çox faydalı maddələrə malik olur.

Arıqlamaq üçün pəhrizlər 3 şəkil

Qidalanma rasionu

Qarabaşaq pəhrizi 7 gün üçün nəzərdə tutulub. Hər gün bir neçə dəfə yuxarıdakı reseptdə göstərildiyi kimi hazırlanmış sıyıq yeyilir. Pəhriz 1-2 günlük yox, daha uzun müddət davam etdiyindən təkcə sıyıqla kifayətlənə bilməzsiniz. Çünki tamamilə zülalsız qidalanma orqanizmə ziyan vura bilər. Buna görə də menyunuza yağsız kefir, şəkərsiz yoqurt və ya turşumuş süd də daxil edin.

Bu süd məhsullarının icazə verilən həddi – gündə 1 litrdir. Bir yeməkdə kefir və qarabaşağı birləşdirmək mümkündür; bunun üçün özünəməxsus şorba hazırlamaq, yaxud da onları ayrı-ayrılıqda yemək olar. İkinci variant daha effektli hesab olunur.

Nəzəri olaraq kefir və qarabaşaq həzm traktının fəaliyyətinin normal olması üçün kifayət edir, amma əgər defekasiyada çətinlik yaranarsa, menyuya bir ovuc meyvə qurusu daxil etmək olar. Əgər artıq qarabaşağa vərdiş etdinizsə, onda menyuya bitkilər – yaşıl tərəvəzlər, göyərti, turş-şirin meyvələr də əlavə edin.

Əksər insanlarda duzun tamamilə rasiondan çıxarılması diskomfort hissi yaradır. Belə hallarda soya sousundan istifadə etmək olar. Maksimal içki rejminə riayət etmək lazımdır – mümkün qədər çox su və çay için. İçkinizizə şəkər əlavə etməyin, pəhriz dövründə ondan ümumiyyətlə imtina etməli olacaqsınız.

Qidalanma rejimi

Pəhriz zamanı tez-tez, amma az-az yemək lazımdır; yeməklərarası məsafə 2 saatdan artıq olmamalıdır. Son yemək 20.00-a qədər yeyilməlidir. İl ərzində bir neçə kurs təkrarlamaq.K urslar arasındakı optimal interval – 3-6 aydır.

Pəhrizin mənfi cəhətləri və ona əks göstərişlər

Pəhriz 7 gün olduğundan sağlamlığa ciddi zərər yetirmir. Bununla yanaşı, şəkər və duzun olmaması, kasad rasion bir sıra xoşagəlməz simptomların yaranmasına səbəb olur. Zəiflik, başgicəllənmə, qıcıqlanma, diqqətin yayılmasını hiss edəcəksiniz. Bir fincan isti şirin çay onları neytrallaşdırmağa kömək edəcək. Amma çayınızı şəkərlə yox, balla şirin etsəniz, daha yaxşı olar. Hamiləlik, ana südü ilə qidalandırma, xroniki xəstəliklər, zəifləmiş immunitet bu pəhrizi saxlamamaq üçün kifayət qədər ciddi səbəblərdir.

Düz qarına sahib olmaq üçün pəhriz

Bədənimizin ən problemli nahiyəsi qarındır Artıq yağlar məhz burada sürətli toplanır və uzun müddət qalır. Bəs sayəsində düz qarına sahib ola biləcəyimiz pəhriz mövcuddurmu? Bədənin bu nahiyəsinin korreksiyası üçün hansı məsləhətlərə əməl etməliyik?

Rasiondan çıxarılan məhsullar

Pəhriz hansı həddi diktə edir? Qarnın arıqlaması üçün duz qəbulunu maksimal məhdudlaşdırmalısınız-duz suyu özünə birləşdirir və ödemin yaranmasına gətirib çıxarır. İdeal bədən formasının başqa düşməni də şəkərdir.

Sürətli karbohidratlar yağların toplanmasına səbəb olur. Onların sürətli mənimsənilməsi nəticəsində qanda insulin miqdarı artıq və aclıq hissi yaradır. Bu da pəhrizin pozulmasına şərait yaradır. Bu baxımdan ağ undan hazırlanmış məhsulları da məhdudlaşdırmaq, faydalı növlərlə (çovdar, kobud üyüdülmüş un) əvəz etmək daha doğru olar.

Formaya düşmək nızı üçün alkoqoldan da imtina etməli olacaqsınız; istənilən növ spirtli içki yüksək kalorili olmaqla yanaşı, iştahanı da artırır. Düz qarnın əzəli düşməni – heyvan mənşəli transyağlardır.

Yağ turşularının əsas mənbəyi bitki yağları, eləcə də süd yağları olmalıdır. Kəskin ədviyyatlar, hisə verilmiş ət və s. bu kimi iştahanı artıran məhsullardan imtina etmək də mütləqdir.

Rasion

Qarnı yastılaşdıran pəhrizin qida əsası zəngin kobud liflərdən təşkil olunmuş qidalardır. Tamtaxıllı dənli bitkilərdən hazırlanan sıyıqlar, tərəvəzlər (çiy formalara üstünlük verin), meyvə (şirin olmayan növlər), göyərti yeyin. Süd məhsullarından olan içkilər için.

Onlar həzmi yaxşılaşdırır, bağırsaq mikroflorasını normallaşdırır, bağırsağı təmizləyir – bu isə artıq qarnın həcminin azalması deməkdir. Azkalorili pendir və kəsmik yeyin; nəzərə alın ki, yağlılığı nə qədər az olarsa, o qədər yaxşıdır. Süd məhsullarından savayı zülal mənbələri də yağsız ət və balıq, eləcə də dəniz məhsulları istifadə edin.

Pəhrizin menyusu

1. Bazar ertəsi razqruzka günü edin – 1.5 l qazsız su və müəyyən miqdar yoqurt və ya kefir (1-1,5 l) için. Səhərlər bağırsaqları təmizləmək üçün imalə etsəniz, yaxşı olar.
2. Ikinci gündən başlayaraq yeməkdən sonra sarıkök dəmləməsi için. Dəmləməni hazırlamaq üçün 1ç.q. sarıkökü 0,5 l qaynar suya salıb 10-15 dəqiqə gözləyin. Səhər yeməyinə tamtaxıllı dənli bitkilərdən yağsız süddə sıyıq hazırlayın, bitki çayı için. Nahara qaynadılmış tərəvəz, balıq, quşqonmaz, ərik yeyin. Atışdırma kimi qovun dilimləri istifadə edin. Şam yeməyi: tamtaxıllı undan bişirilmiş çörək, toyuq əti (150 q), xiyar, yarım qreypfrut.
3. Səhərlər təzə sıxılmış portağal şirəsi için, çovdar çörəyindən tost yeyin. Nahara pomidor şorbası qaynadın, tərəvəz salatı hazırlayın və bir neçə dilim qarpız yeyin. Şam yeməyinə 2 saat qalmış 1 st. kefir və ya turşumu süd için. Şam yeməyi: qaynadılmış balıq, təzə tərəvəzlər, Məkkə gülü çayı (karkade).
4. Səhər yeməyində evdə pomidor sousunda qarabaşaq sıyığı hazırlayıb yeyin, bitki çayı için. Nahar üçün sobada tərəvəzli toyuq əti bişirin. Rasiona meyvələr də əlavə edin. Atışdırma kimi rəndələnmiş kök və təzə sıxılmış portağal şirəsi istifadə edin. Şam yeməyində tərəvəzli balıq yeyin, itburnu dəmləməsi için.
Sonra 2, 3 və 4-cü günlərin menyusunu arıdcıllıqla təkrarlayın. Bu dieta ilə 7 günə 3-4 kq atacaq və qarnınızın ölçüsünü azacıq kiçildəcəksiniz.

Arıqlamaq üçün pəhrizlər 4 şəkil

Meyvə və tərəvəz pəhrizi

Bitki qidalarının çoxu yüksəkkalorili deyil, ona görə də çox vaxt arıqlamaq üçün pəhrizlər öz proqramında belə yeməklər və içkilər istifadə edirlər. Meyvə və tərəvəz pəhrizləri nəinki arıqladır, həm də orqanizmi vitaminlərlə təchiz edir.

1-3 günlük pəhriz

Bu pəhriz meyvə və tərəvəzlərdən təşkil olunur. Ona minimal vaxt sərf edəcəksiniz. Menyusu düzgün qidalanma normalarına uyğun olmadığından uzun müddət davam etdirmək olmaz. Onun sayəsində günə 0,5-1 kq çəki itirəcəksiniz.

Menyuya nişastasız tərəvəz və turşməzə meyvələr (ümumi miqdarı 1,5-2 kq) daxildir. Pəhriz üçün yaşıl tərəvəzlər – xiyar, kərəviz, ağbaş kələm, kahı, parlaq qabıqlı alma və s. ideal hesab olunur. Meyvə və tərəvəzi qarışdırmaq da, ayrı-ayrı qəbul etmək də olar.

Meyvəli-tərəvəzli smuzi və ya şirələr (duz və şəkərsiz) hazırlaya bilərsiniz. Salatlar da olduqca məqbuldur- üzərinə limon şirəsi gəzdirilmiş meyvə dilimi, üstünə bitki yağı qarışdırılmış tərəvəz miksi (çox olmayan miqdarda) yeyə bilərsiniz.

Qanda şəkərin səviyyəsini daim normada saxlamaq və aclıq hissi keçirməmək üçün gün ərzində 5-6 dəfə yemək lazımdır.

7 günlük pəhriz

Bu pəhrizin rasionu meyvə və tərəvəzlərdən ibarətdir. Amma menyuya başqa məhsullar da daxil olunur. Səhər yeməyi bütün günlər üçün eyni qalır. Bir sözlə, səhərlər tost və yarım manqo, qreypfrut, ya da portağal yeyə bilərsiniz.
Nahar üçün seçim variantları:
• Yaşıl tərəvəzlərdən salat və 150 q qaynadılmış ət
• Göyərtili tərəvəz salatı, 150 q balıq və tost
• Böyük miqdarda meyvə salatı
• Yağsızlaşdırılmış toyuq bulyonu, qaynadılmış yumurta (2 ədəd), tost və tərəvəzlər.
• Tost, 3 x.q. yağsızlaşdırılmış kəsmik, alma və tərəvəz salatı.
Şam yeməyi üçün variantlar:
• Yaşıl tərəvəzlər (salat kimi), tost, 100 q balıq, hər hansı bir meyvə
• Bir tikə mal əti, meyvə və yaşıl tərəvəzlər
• Sobada bişirilmiş tərəvəzli ət – 200 q, alma
• 100 q toyuq əti, yarım qreypfrut və yaşıl tərəvəzlər
• Soğanlı qaraciyərin buğlaması, yaşıl tərəvəzlər, yarım portağal
«Zolaqlı» sxem qurmaq olar, yəni 1 həftə pəhrizi 1 həftə normal qidalanma ilə növbələşdirmək olar. Kurs 1 ay davam edir.

Köhnə ingilis pəhrizi

Bu sistem ingilis yataqxanalarında tərbiyə edilən qızların aristokratsayağı solğunluğa və zərif arıqlığa sahib olmaları üçün tətbiq olunmuşdur. Köhnə ingilis pəhrizi tədris prosesindən çoxdan çıxarılıb. Bu pəhriz onun tövsiyələrinə əsasən təşkil olunub.

Ümumi məlumat

Belə arıqlamaq üçün pəhrizlər tərbiyə edilən qızlara təkcə qamət və gözəllik deyil, həm də mənəvi tərbiyə vermək üçün tətbiq olunurdu. Bu yolla da qızlara başgicəlləndirici istənilən bir şeyə qarşı təmkinli olmaq öyrədilirdi. Pəhriz 5 gün davam edir.

Bunun izahı çox sadədir. Belə ki, həftə sonları qızların çoxu pansionatı tərk etdiyindən pəhrizi 5 günlük edirdilər. Solğun görüntü üçün pəhrizi ildə bir neçə dəfə – bayramlardan sonra və qışda, yəni kökəlmə ehtimalı olan dövrdən sonra tuturdular. Pəhrizin menyusu rəngarəng olmasa da, artıq çəkilərdən qurtulmağa kömək edir.

5 günlük pəhriz cürbəcür ola bilər. Arıqlama sürəti pəhrizə hansı çəki ilə başlamaqdan asılıdır, yəni çəkiniz nə qədər çox olarsa, o qədər də çox arıqlaya bilərsiniz. Artıq çəki az olanda 3-4 kq, ciddi piylənmə olanda isə 5-7 kq arıqlamaq olar. Rasion əldə etmək mümkün olan qidalardan təşkil olunub.

«İngilis» menyusu yulaf yarması, yumurta, tərəvəzlər, paxlalılar, meyvə və pendirdən ibarıtdir. Qara çay yağyandırıcı təsirə malikdir; o, həm də insanı şux saxlayır, iştahanı azaldır və maddələr mübadiləsini sürətləndirir.
İncə bir məqama diqqət edin: menyuda cem də var.

Cemin şirinliyi minimal olmalıdır. Turşməzə cem tapa bilməsəniz, onu meyvə püresilə əvəzləyin, məs., uşaqlar üçün olan pürelər alın. Pəhriz dövründə şəkər istifadə etmək olmaz. Çox yaxşı olar ki, duzdan da imtina edəsiniz. Qara çay sevmirsinizsə, onu yaşıl çayla əvəzləyin.

Yaşıl çay özü də orqanizm üçün çox faydalıdır və yağların yanma prosesini sürətləndirir. Ümumiyyətlə, çayı gündə 4 dəfə – səhər yeməyində, naharda, günortadan sonra və şamda içmək məsləhətdir. Əgər aclıq hiss edirsinizsə, başqa vaxtlarda da çay içə bilərsiniz.

Rasion

Bazar ertəsi
Səhər yeməyinə yulaf sıyığı yeyin və bir fincan qara çay için. Nahar menyusuna bir fincan toyuq bulyonu, çörək dilimi və çay daxildir. Bir neçə saat sonra bir fincan da çay içmək olar. Şam yeməyində bir fincan çay için və buterbrod yeyin (nazik kərə yağı çəkilmiş nazik çörək dilimi) .
Çərşənbə axşamı
Səhər yeməyi əvvəlki kimi qalır (sıyıq və çay). Nahar üçün özünüzə bir dilim çörək, kərə yağı və bir dilim pendirdən ibarət doyumlu buterbrod düzəldin. Yeməyi qaynadılmış 1-2 yumurta ilə tamamlayın. Günortadan sonra – ancaq qara çay, şam yeməyində isə ancaq alma.
Çərşənbə
Səhər yeməyində 1/3 st.turş cem ilə bir fincan çay için. Nahara toyuq budu qaynadın, çay için. Günortadan sonra həmişəki kimi çaydan ibarətdir. Şam yeməyində qaynadılmış lobya yemək yaxşıdır.
Cümə axşamı
Səhər yeməyi yenə də yulaf və çaydan ibarətdir. Nahara qaynadılmış və ya buxarda omlet kimi bişirilmiş 3 yumurta hazırlayın, çay için. Meyvələrlə şam edin – 2 armud yeyin.
Cümə
Səhər yeməyində buterbrod (çörək,yağ və pendir) yeyin, çay için. Nahara yenidən toyuq budu qaynadın, rasionu südlə tamamlayın. Günortadan sonra ancaq çay için, şam yeməyinə isə qaynadılmış kartof.

Kimlər bu ingilis pəhrizini saxlamamalıdır?

Azkalorili köhnə ingilis pəhrizini saxlamaq bir sıra hallarda məsləhət görülmür. Böyrək və mədə-bağırsaq problemlərində onu istifadə etməyin. Hamilə qadınlar, körpəsinə süd verən analar və gəcnlər gərək belə pəhriz tutmasın. Çünki belə pəhrizlər orqanizmi normal fəaliyyət göstərməsi üçün lazım olan faydalı maddələrlə təmin edə bilmir.