Kələmlə arıqlamaq

14 Avqust 2019 Kateqoriya: Arıqlamaq üçün pəhrizlər Müəllif:
Oxuma vaxtı: 6 dəq Oxunma sayı: 160
Kələmlə arıqlamaq şəkil

Günümüzdə mono (təktipli) dietalar arıqlamaq üçün tez-tez istifadə olunur. Bu tip pəhrizlərdə 1 məhsula daha çox üstünlük verilir. Yəni pəhriz boyu bu ərzaq hər günün menyusuna daxil olur. Məsələn kartofla arıqlamaq, kələmlə arıqlamaq, yumurta ilə arıqlamaq buna misaldır.

Kələmlə arıqlamaq – müsbət cəhətləri

  • Kələmin tərkibində yüksək miqdarda B1, B2, B3, B5, E, P, PP, H, C vitaminləri, fosfor, kalium, kalsium, sink, dəmir, aliminium, maqnezium kimi minerallar, aminturşuları, qida lifləri və fol turşusu vardır.
  • 100 qram kələmin energetik dəyəri cəmi 25 kaloridir.
  • Bu tərəvəz şəkərli diabet, qaraciyər və böyrək xəstələrinə faydalıdır.

Kələmlə arıqlamaq – mənfi cəhətləri və əks-göstərişləri

  • Mədə turşuluğu yüksək olduqda, enterit, kolit, diareya (ishal) zamanı kələmlə dieta tutmaq qadağandır.
  • Pəhriz zamanı yorğunluq, halsızlıq, diqqətsizlik, baş ağrıları yarana bilər.

Kələmlə arıqlamaq 1 şəkil

Kələmlə arıqlamaq – əsas qaydalar

  • Bu dietanı saxlayarkən un məmulatları, yağlı, duzlu, hisə verilmiş qidalardan və şirniyyatdan uzaq durun.
  • Gündə minimum 2 litr su için.
  • Porsiyaları azaldın. Hər gün eyni saatda qidalanın. Qida qəbulu gün ərzində 4-5 dəfə olmalıdır.
  • 18:30-dan gec yeməyin.
  • Yatmazdan bir neçə saat əvvəl 1 stəkan isti su və ya kefir için.
  • Kələmin kalorisi az olduğundan insanın gücü azalır. Bu baxımdan pəhriz müddətində arıqlamaq üçün idman hərəkətləri qadağandır.

Kələmlə arıqlamaq foto 7

Kələmlə arıqlamaq – 1 həftəlik dieta

Bu pəhrizlə 7 kiloqram çəki atmaq mümkündür. Rasionun əsas xörəyi kələm şorbasıdır. Onun tərkibinə yarım dənə kələm, baş soğan, göyərti, az miqdarda bitki yağı və su daxildir. Xörəyə qətiyyən istiot vurmayın.

1-ci gün – sutka ərzində şorba, yaşıl alma

2-ci gün – şorbaya bir neçə tərəvəz və yarım ədəd kartof qatın

3-cü gün – şorba, az miqdarda nişastasız tərəvəz (kələm, xiyar və s.), banan və ya üzüm istisna olmaqla bir qədər meyvə

4-cü gün – gün ərzində şorba, 2 banan, 1 stəkan süd

5-ci gün – şorba, 400 qr yağsız toyuq və ya mal əti, 4 pomidor

6-cı gün – şorba, 200 qr yağsız ət, çiy kələm

7-ci gün – şorba, suda bişmiş qarabaşaq (qreçka) və ya düyü (150 qramdan çox olmamalı)

Kələmlə arıqlamaq foto 8

Kələmlə arıqlamaq – 10 günlük dieta

Menyu bütün günlər üçün nəzərdə tutulmuşdur.

Səhər: şəkərsiz yaşıl çay və ya qəhvə

Günorta: doğranmış köklə kələm salatı (suda bişmiş kələm də olar), 250 qr. yağsız ət (toyuq, balıq və ya mal əti), şəkərsiz içki

Axşam: təzə hazırlanmış kələm salatı, 2 ədəd soyutma yumurta, 1 dənə yaşıl alma

Aclıq hissi üstün gəldikdə yatmazdan bir neçə saat qabaq 1 stəkan yağsız kefir içmək olar.

kələmlə arıqlamaq foto 7

Kələmlə arıqlamaq – 1 aylıq ekstremal pəhriz

Bu pəhriz güclü iradəyə malik insanlar üçündür. 7 günlük rasion 1 ay müddətində təkrarlanır.

Menyudakı salatın tərkibinə kələm, kök, yaşıl noxud,bir qədər zeytun yağı daxildir.

I sutka

Səhər – salat, suda bişmiş balıq, şəkərsiz tünd qəhvə

İkinci səhər yeməyi – 130 qr. yağsız kəsmik, 200 qr. toyuq bulyonu, 1 alma

Günorta – kələm supu, 200 qr. bişmiş kələm və kök, şəkərsiz içki (su, ayran, kefir, çay və ya qəhvə)

Axşam – 2 soyutma kartof, 100 qr. toyuq, şəkərsiz içki

Kələmlə arıqlamaq foto 9

II sutka

Səhər –  salat, şəkərsiz qəhvə

İkinci səhər yeməyi – 1 stəkan kefirlə yoqurtun qarışığı

Günorta – toyuq əti qatılmış kələm şorbası, bişmiş kök, şəkərsiz içki

Axşam –  soyutma balıq, 2 kartof, 1 portağal

kələmlə arıqlamaq-7 foto

III sutka

Səhər –  sobada bişirlmiş kələm və yumurta, şəkərsiz qəhvə

İkinci səhər yeməyi – qarabaşaq, alma

Günorta – 150 qr. toyuq əti, pomidor, xiyar və kələmlə salat, şəkərsiz içki

Axşam – 100 qr. vineqret, alma kompotu

Kələmlə arıqlamaq foto 10

IV sutka

Səhər – yağsız kefir, 2 ədəd suxari

İkinci səhər yeməyi – xırdalanmış kök və kələmlə salat

Günorta – 100 qr. soyutma kələm (zeytun yağı əlavə edilmiş), şəkərsiz içki

Axşam –  100 qr. ətli kələm şorbası, kələm salatı, çay

Kələmlə arıqlamaq 2 şəkil

V sutka

Səhər – yağsız kəsmik, şəkərsiz qəhvə

İkinci səhər yeməyi – suda bişmiş kələm, alma, çay və ya qəhvə

Günorta – limonlu kələm salatı, 1 ədəd pəhriz sardelkası, 1 stəkan meyvə şirəsi

Axşam – soyutma balıq, 100 qr. giləmeyvə, şəkərsiz çay

Kələmlə arıqlamaq foto 11

VI sutka

Səhər – 100 qr. bişmiş kələm, 150 qr. soyutma toyuğun döş əti

İkinci səhər yeməyi – 120 qr. yağsız kəsmik

Günorta – kələm şorbası, 1 dilim çörək

Axşam – 100 qr. yağsız balıq, çuğundur salatı, çay

Kələmlə arıqlamaq foto 12

VII sutka

Səhər – qarabaşaq, şəkərsiz qəhvə

İkinci səhər yeməyi – meyvə salatı

Günorta – 100 qr. yağsız ət, kələm salatı

Axşam – 2 kartof, 100 qr. toyuq

Kələmlə arıqlamaq foto 6

Xülasə

Kələmlə arıqlamaq bir qədər çətin olduğundan hər kəsə uyğun deyil. Pəhrizdə miqdarı göstərilməyən qidalar 1 porsiya kimi nəzərə alınmalıdır.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.