Arıqlamaq üçün nə yeməli

14 Avqust 2019 Kateqoriya: Arıqlamaq üçün pəhrizlər Müəllif:
Oxuma vaxtı: 7 dəq Oxunma sayı: 25
Arıqlamaq üçün nə yeməli şəkil

“Arıqlamaq üçün yemək” ifadəsi heç də zarafat deyil. Belə ki, yağların yanma prosesini sürətləndirən və artıq kalori ilə mübarizə aparan qida məhsulları mövcuddur. Peşəkar yanaşma ilə sizi artıq çəkidən azad etməyi vəd edən ən effektli komponentlərdən ibarət pəhriz menyusunu özünüz üçün kəşf edin.

  1. Dovşan əti

Ət yeməklərini sevir və arıqlamaq arzusundasınızsa və arıqlamaq üçün nə yeməli olduğunuzu düşünürsünüzsə, gərək dovşan ətini unutmayasınız. Bu dietik ət hətta körpələrə də məsləhət görülür. Dovşan əti dadlı, yağsız, asanlıqla həzm olunan ət olsa da, digər növ ətlərdən, məs., mal ətindən iki dəfə az – 100 qramda 150 kalori tutumuna malikdir. Dovşan ətinin həzminə orqanizm elə həmin miqdarda, yəni ətin özündə olan qədər kalori sərf edir. Buradan da belə çıxır ki, dovşan əti bütün mümkün heyvan zülalları içərisində ən effektlisidir.

Arıqlamaq üçün nə yeməli 1 şəkil

  1. Kələm turşusu

Kələm arıqlamaq üçün effektiv ərzaqlardandır; onun 100 qramında 2% zülal, 0,1% yağ və 7% karbohidrat var. Bura qlukoza, fruktoza, pektin və lifləri də əlavə etsək, faydalı maddələrdən ibarət ambar əmələ gəlir. Kələm turşusu arıqlamaq üçün təzə kələmdən də effektlidir. Bu qida məhsulu mənfi kalorilidir, yəni orqanizm onun həzminə qidanın özündən aldığından çox kalori sərf edir. Kələm turşusu maddələr mübadiləsini tənzimləyir, həzmi yaxşılaşdırır və qəbizliyi aradan qaldırır. Onun tərkibində çoxlu liflər və amin turşular var. Bu maddələr isə mədənin həzm funksiyalarını dəstəkləyir.

  1. Zirə

Zirə — unikal məhsuldur. Onun tərkibində kalsium, fosfor, dəmir və həmçinin bitki hüceyrələrinin inşa materialı olan fitosterollar var. Fitosterol qanda xolesterinin səviyyəsini azalda bilir. Bu o deməkdir ki, zirə böyrəklərin və mədə-bağırsaq traktı orqanlarının fəaliyyətini stimulyasiya edir, sidikqovucu xüsusiyyətə malikdir və orqanizmdə maddələr mübadiləsini sürətləndirir. Həzm və ya böyrək probleminiz varsa, buna baxmayaraq, artıq çəkidən qurtulmaq istəyirsinizsə və arıqlamaq üçün nə yeməli? sualı sizi narahat edirsə, zirəni xatırlayın. Zirə həzm sistemi orqanlarına və böyrəklərə müsbət təsir göstərən, artıq çəki ilə mübarizədə effektli əsas qida məhsullarından biridir.

Arıqlamaq üçün nə yeməli 2 şəkil

  1. Zəncəfil

Zəncəfil tərkibində liflər, natrium, maqnezium və başqa faydalı maddələr olan qida məhsuludur. Qədim Şərqdə onun qanı “yandırmaq” xüsusiyyətinə malik olması, daha doğrusu, orqanizmdə əsas proseslərin gedişini sürətləndirdiyi düşünülürdü. Bizim hamımıza zəncəfilin canlandırıcı istiliyə malik olması tanışdır. Bu anlayış bitkinin insanı zökəmdən xilas etmək, maddələr mübadiləsini sürətləndirmək kimi imkanlarını ifadə etmək üçün istifadə olunur. Metabolizmə stimuləedici təsiri isə arıqlamaqda kömək edir.

  1. Qreyfrut

Pomelo və portağalın hibridləşdirilməsi nəticəsində meydana çıxmış qreypfrut dərhal dietoloqların sevimlisinə çevrildi. Bu təəccüblü deyil. Çünki qreypfrut azşəkərlidir, amma tərkibi natrium, liflər, mineral duzlar və üzvi turşular kimi qidalı maddələrlə zəngindir. Mübaliğəsiz deyə bilərik ki, bu, həqiqətən də arıqlamağa gətirib çıxaran ən faydalı və yeganə meyvədir. Yeri gəlmişkən, Sofi Loren bütün ömrü boyu kökələn kimi qreypfrut pəhrizinə müraciət etmişdi.

Arıqlamaq üçün nə yeməli 3 şəkil

  1. Kərəviz

Mənfi kalorili daha bir qida məhsuludur. Onu yeyərkən bitkinin özünün verdiyi kaloridən çox kalori sərf edirik. Kərəviz, demək olar ki, sıfır kalorili, amma milyon bonuslu qidadır. Bu bonuslara misal olaraq, kərəviz stresin səviyyəsini tənzimləyir, orqanizmin həyat qabiliyyətini artırır; çoxsaylı vitaminlərə, maqnezium, kalium, dəmir və fosfora malikdir.

  1. Qızılbalıq (losos)

Burada bir məqama diqqət etmək lazımdır: məhsulun özü bir o qədər də yox, onun istifadəsinə yanaşma çəki itkisinə gətirib çıxara bilər. Qızılbalıq vitamin D, omeqa-3 yağ turşuları və yod mənbəyidir. Losos pəhrizləri faydalı karbohidratlarla zənginləşdirir və bununla da, azkalorili pəhrizi balanslaşdırır. Bir nüansı nəzərdən qaçırmayın: balığın hazırlanma üsulu artıq çəki ilə mübarizədə böyük rol oynayır. Bu o deməkdir ki, artıq çəkidən azad olmağa çalışarkən təkcə arıqlamaq üçün nə yeməli deyil, həm də necə yeməli olduğunuzu da bilməlisiniz. Belə ki,  qızardılmış qızılbalıq bu məsələdə sizə kömək edə bilməyəcək; buxarda bişirilmiş balıq isə əksinə.

  1. Qəhvəyi düyü

Açar söz — qəhvəyidir; belə ki, adi, yumru ağ düyü arıqlamağa deyil, birbaşa kökəlməyə səbəb olur. Yeri gəlmişkən, roll (yapon yeməyi) ağ düyüdən hazırlanır, ona görə də onu çox ehtiyatla yeyin. Qəhvəyi düyünün tərkibində ağ düyü ilə müqayisədə, demək olar ki, nişasta yoxdur, əvəzində isə o, B qrupu vitaminləri, liflər və xolesterinin qanda səviyyəsini azaldan qamma-orizanolla zəngindir.

Arıqlamaq üçün nə yeməli 5 şəkil

  1. Alma

Pektinlə zəngin olan alma bağırsaqları təmizləyir, maddələr mübadiləsini tənzimləyir. Alma antioksidantlarla zəngindir, məhz bu xüsusiyyətinə görə əksər pəhrizlərin əsasını təşkil edir. Amma burada da bütün başqa meyvələrdə olduğu kimi bir şərtə əməl olunmalıdır – günün birinci yarısında yeyilməlidir.

  1. Kəskin qidalar

Yeməklərə dad vermək üçün istifadə olunan kəskin qidalar arıqlamağa və yağların yanma prosesinin sürətlənməsinə səbəb olan ən güclü məhsullardandır. Məşhur pəhrizlərin tərkibində belə qidalara tez-tez rastlanmır, çünki acı qaraciyər üçün zərərlidir. Nadir hallarda acı qidaları rasiona daxil etmək olar. Belə ki, onlar enerfi istehsalını sürətləndirir, yağları yandırır və insulinin səviyyəsini azaldır. Məsələn, kapsaisin tərkibli qırmızı istiot yeməkdən sonrakı 20 dəqiqə ərzində artıq kalorini sərf edir.

 

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.