Qaçmaqla arıqlamaq olar?

Arıqlamaq üçün sadəcə pəhriz saxladıqda, nəticə bir qədər gec əldə olunur. Həmçinin dieta sayəsində piylər əridikdən sonra əzələ kütləsinin və dərinin boşalması əhvalınızı poza bilər. Belə hallara yol verməmək üçün idmanla məşğul olmaq məsləhətdir.

Bəs qaçmaqla arıqlamaq olar?

Əlbəttə olar. Sadəcə bədəni qaçışa tədricən alışdırmaq lazımdır. Birdən-birə onu yükləməyin. Adaptasiya (uyğunlaşma) dövrü insanın fiziki vəziyyətindən asılı olduğundan, fərdi xarakter daşıyır. Mütəxəssislər optimal şəkildə 15-20 dəqiqə qaçmaqla idmana başlamağı tövsiyə edirlər. Səhər, günorta və axşam saatlarında qaçışın effekti fərqlidir. Belə ki:

• Səhər vaxtı qaçdıqda sinir, ürək-damar sistemi möhkəmlənir, piy deposu əriyir;
• Günorta qaçarkən əzələlər möhkəmlənir;
• Axşam qaçmaqla artıq piylər əriyir, sərf olunan kalori arıqlama prosesini asanlaşdırır.

Hansı saatlarda qaçmaqla arıqlamaq olar?

Səhər oyandıqda ac qarnına, axşam isə yeməkdən 2 saat sonra və ya 1 saat əvvəl qaçın. Əzələlərin yüklənməsi 3 zaman fasiləsində daha yaxşıdır: 6:30-7:30 , 11:00-12:00, 16:00-18:00. Bu saatlarda qaçmaqla daha müsbət nəticələr görəcəksiniz.

Sürətli qaçmaqla arıqlamaq olar?

10-20 dəqiqə ərzində sürətli qaçış yağları yandırmağa demək olar ki, kömək etmir. Məsələ burasındadır ki, sürətlə qaçarkən orqanizm enerjini qlikogendən alır. Bu proses ləng olduğundan adətən 40-50 dəqiqəyə qədər davam edir. Hüceyrələr kifayət qədər qlikogen sintez etmədikdə orqanizm yağ hüceyrələrini parçalamağa başlayır.

Ona görə də sürətli qaçmaqla arıqlamaq istəyirsinizsə, minimum 50 dəqiqə vaxt sərf etməlisiniz. Lakin 1 saatdan artıq qaçsanız, orqanizm asan dağılan əzələ zülalını parçalamağa başlaya bilər. Əzələ kütləsini itirmək istəmirsinizsə, bu variant Sizə uyğun deyil.

Belə olan halda arıqlamaq üçün nə etmək lazımdır? Cavab çox sadədir. İntervalla qaçın.

İntervallı qaçmaqla arıqlamaq olar?

Bunun üçün maksimum güc sərf edərək qaçmaqla dincəlməyi növbələmək gərəkdir. Məsələn: 100 metr – gəzinti, 100 metr –sürətli qaçış, 100 metr – yavaş yerimı. Bu tempdə 30-40 dəqiqə sərf edirsiniz. Rejimə riayət olunduqda orqanizm 6 saat ərzində aktiv şəkildə yağ yandırmağa davam edir.

Hansı tempdə qaçmaqla arıqlamaq olar?

Ən yaxşısı qısa məsafəyə sürətli qaçmaqla, uzun məsafəyə tez-tez gəzməyi növbələməkdir. Belə halda orqanizm eyni tipli idmana alışmır, daha çox kalori yandırır.

Əslində qaçış insana yüksək əhval-ruhiyyə, sərbəstlik hissi bəxş etməlidir. Qaçdıqdan sonra azacıq istirahət edib, iplə tullanmaq da olar.

Hansı geyimdə qaçmaqla arıqlamaq olar?

Paltarınız təbii materialdan, yüngül, rahat olmalı, bədəninizi sıxmamalıdır. Həmçinin keyfiyyətli idman krossovkası almağı da unutmayın. Qadınlar qaçarkən arıqlamaq üçün kəmər taxa bilər. Onun sayəsində bədən intensiv şəkildə tərləyir, orqanizmdən şlaklardan azad olur, sellülit azalır.

Kimlərə qaçmaqla arıqlamaq olmaz?

Ürək-damar problemi, tənəffüs çatışmazlığı, bronxial astma, aritmiya, II-III dərəcə piylənmə, hipertoniyadan (yüksək təzyiq) əziyyət çəkən insanlar sürətlə qaçmaq əvəzinə, tez-tez yeriməyə üstünlük verməlidir. Bu qrupa daxil olan şəxslər idmanla arıqlamaq yollarını yalnız həkim məsləhəti ilə seçə bilər.

Xülasə

Qaçmaqla arıqlamaq mümkündür, hətta faydalıdır. Burada ən mühüm şərt müntəzəm qaçmaqdır. Qaydalara əməl etsəniz, bir neçə həftədən sonra çəkiniz azalacaq, həyat enerjiniz çoxalacaq, gümrah və sevincli olacaqsınız. Qaçış zamanı xoşbəxtlik hormonu sayılan serotoninin ifrazı artdığından gün boyu yüksək əhval-ruhiyyə müşahidə edilir.