1 aya arıqlamaq

09 Avqust 2019 Kateqoriya: Arıqlamaq üçün nə etməli Müəllif:
Oxuma vaxtı: 5 dəq Oxunma sayı: 22
1 aya arıqlamaq 1 şəkil

“1 aya arıqlamaq qeyri-mümkündür” düşünüb kədərlənməyə tələsməyin – arıqlamaq üçün idman zalına getmək və pəhriz saxlamaq yeganə çıxış yolu deyil. Biz sizi narahat edən artıq çəkidən asanlıqla azad olmanıza kömək edəcək sınaqdan keçirilmiş bir neçə üsul hazırlamışıq

Və bunun üçün yalnız 1 ay tələb olunur!

İlk öncə sağlamlığımıza zərər vermədən 1 ay ərzində neçə kiloqram arıqlamalı olduğumuza aydınlıq gətirək.

İnsanın sürdüyü həyat tərzi, nə qədər vaxt artıq çəkiyə sahib olması, hansı qidalanma formasını istifadə etməsi və sairdən asılı olaraq arıqlamağın nəticələri hər kəs üçün individual olacaq. Bədən çəkisi nə qədər çoxdursa, artıq çəkidən azad olmaq da bir o qədər asandır. Birinci həftə bədənin artıq (2 kq-dan 5 kq-a qədər) mayeni və yalnız sonra yağları kənarlaşdırmağına hazırlıqlı olmalısınız.

Həftədə 1-1,5 kq və ya gündə 200 q-dan artıq olmadan arıqlamaq “sağlam” arıqlamaq hesab olunur. Buna görə də aşağıdakı qaydalara əməl etməklə 1 ay ərzində asanlıqla 4-6 kq arıqlaya bilərsiniz.

1 aya arıqlamaq şəkil

Su

Gün ərzində minimum 1,5-2 litr maye qəbul edin (kofe, çay, müxtəlif içkilər nəzərə alınmır). Gününüzü 1 stəkan təmiz su içməklə başlamağı vərdişə çevirin. Gün ərzində daha 6-8 stəkan da için. Unutmamaq üçün telefonda xatırlatma qurun və ya həmişə özünüzlə su şüşəsi daşıyın.

Yadda saxlayın ki, yeməkdən azı 20 dəqiqə əvvəl və 1 saat sonra su içmək olar. Yemək ərzində maye qəbulu arzuolunan hal deyil, amma əgər yeməyi içkiylə qəbul etməyə vərdiş etmisinizsə, onda şirin, qazlı içkilərdənsə sadə su içmək daha yaxşıdır.

Düzgün qidalanma

“Balanslaşdırılmamış qidalanma olmadan 1 aya arıqlamaq mümkün deyil” deməyə ehtiyac varmı? Hətta idmanla məşğul olsanız, belə… Nəticə 70% qida rasionundan asılıdır.

Buna görə də rasionunuzdan çörək və konditer məhsullarını, fast food-u, şirniyyatı, qızardılmış və yağlı yeməkləri çıxarmağı təkidlə məsləhət görürük. Onları meyvə, sobada bişmiş və qaynadılmış yeməklər, tərəvəz salatları ilə əvəz edin. Nadir hallarda tünd şokolod dilimi yemək olar. Yalnız bir dilim! Və bunu vərdişə çevirmək lazım deyil.

Nizamlı qidalanma

Səhər, nahar və şam yeməyiniz həmişə təxminən eyni vaxtda olmalıdır. Atışdırmalıqları da unutmayın. Bəli, arıqlamaq üçün çox yemək lazımdır! Atışdırmalıqlar üçün ən yaxşı nümunələr: şəkərsiz yoqurt, diabetik quru çörək, meyvə qurusu, zülal batonları, yağsız pendir.

Səhər yeməyində sıyıq, kəsmik və ya yumurtaya, naharda isə tərəvəz salatı, şorba və yağsız ətə üstünlük verin. Şam yeməyi ən “yüngül” yemək olmalıdır, ona görə tərəvəz və ya süd məhsullarından təşkil oluna bilər.

Heç bir halda ac qalmayın! Belə olan halda orqanizm “piy ehtiyatı” toplayır, metabolizm ləngiyir, bununla yanaşı, təbii ki, arıqlama prosesi də ləngiyir.

1 aya arıqlamaq 2 şəkil

Fiziki aktivlik

Heç kəs sizdən idman zalına gedib 100 kq ağırlıq qaldırmağı tələb etmir, ancaq 1 aya arıqlamaq istəyirsinizsə, heç olmasa minimal fiziki aktiv olmalısınız. Bu, çəki salmanızla yanaşı bütövlükdə özünüzü yaxşı hiss etmənizə səbəb olacaq.

Gün ərzində ən azı 20-30 dəqiqə hərəkətə vaxt ayırın. Bunun səhər gimnastikası və ya təmiz havada axşam gəzintisi olması önəmli deyil.

Bütün fikrinizi arıqlamağa kökləməyin!

Arıqlamanız barədə unudun! Hər gün tərəziyə çıxmaqdan və hər artıq qrama görə kədərlənməkdən əl çəkin!

Özünüzü sağlam həyat tərzi seçdiyinizə kökləyin və həmişə bu əhvalda olun. Vəziyyətinizdən zövq alın və tez bir zamanda ilkin  nəticələri görəcəksiniz.

İnkişafınızı qiymətləndirin, arıqlamağa başlamazdan əvvəl bir neçə şəkil çəkdirin, həmçinin bədən ölçülərinizi qeyd edin.

 

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.