Arıqlamaq istəyirəm kömək edin

13 Avqust 2019 Kateqoriya: Arıqlamaq üçün nə etməli Müəllif:
Oxuma vaxtı: 5 dəq Oxunma sayı: 13
Arıqlamaq istəyirəm kömək edin şəkil

Arıqlamağa başlamaq və onu arzuolunan sonluqla yekunlaşdırmaq üçün bəzi psixoloji amillərə diqqət etmək lazımdır. Hamı arıqlamağa başlaya bilər, amma bu yolda axıra qədər getmək güclü iradə tələb edir.

İlk növbədə özünüzə belə bir sual verməlisiniz – “Mən həqiqətən də arıqlamaq və bütün ömrüm boyu formada qalmaq istəyirəmmi? Və özünüz də bu suala doğru cavab verin. Əgər “arıqlamaq istəyirəm, kömək edin” deyib ətrafınızdakı insanlara ümid edirsinizsə, bilməlisiniz ki, sizi özünüzdən başqa heç kim arıqlamağa vadar edə bilməz. Yalnız özünüz sağlam və formada olmaq arzusunu oyada bilərsiniz.

Dəqiq qərar vermək və qarşıya hədəflər qoymaq lazımdır. Tənbəllik etsəniz, yaxud inamsız yanaşsanız, onda arıqlamayacaqsınız. Belə düşünürsünüzsə, heç başlayaraq vaxt itirməyə də dəyməz. Özünü təlqin çox ciddi məsələdir. İnsanın başına gələn bütün hər şeyi o özü yaradır – o öz-özünü uğura və ya məğlubiyyətə proqramlaşdırır. Nədən çox qorxursunuzsa, onu da yaşayırsınız? Onda qorxmağı dayandırın! Əgər özünüz arıqlamağa inanmasanız, onda heç bir məşhur və təkmilləşdirilmiş metod sizə kömək edə bilməyəcək.

Arıqlamaq istəyirəm kömək edin 1 şəkil

Həyatınızı dəyişməyə qərar vermisinizsə, “arıqlamaq istəyirəm, kömək edin” deyə mütəxəssis məsləhətinə ehtiyac duyursunuzsa, onda nələri etməli, hansı stereotiplərdən və mənfi rəylərdən qurtulmalı olduğunuz haqda məqalə yazaraq bu məsələdə sizə bir az yardımçı olmağa çalışmışıq.

Vacib məqamlar

  1. Yalnız özünüz üçün arıqlayırsınız

Arıqladıqda və buna çox vaxt sərf etdikdə, dostları tez-tez bir sual maraqlandırır: “niyə və ya kim üçün özünü bu qədər üzürsən?” Yalnız özün üçün arıqlamaq lazımdır. İnsan mağazaya getdikdə istədiyini almaq və öz ölçüsü ilə fəxr etmək istəyir, daha ölçüsü uyğun olanların içərisindən geyim seçmək yox. Özünüz üçün arıqlayın. Siz gözəl görünməyə layiqsiniz.

  1. Dişlərinizi hər gün yuduğunuz kimi gündəlik məşqləri də vərdiş halına gətirin

İdman zalına qadının daxil olmasından və onu maraqlandıran suallardan aydın olur ki, kim arıqlamağa qərar verib və bunu uğurla edəcək və kim bu istəyinə heç vaxt nail ola bilməyəcək. “Bütün ömrüm boyu tənəffüs məşqləri etməliyəm?”  sualını verən; “arıqlamaq istəyirəm, kömək edin” deyib bütün məsuliyyəti məşqçidə görən, özü isə heç bir səy göstərməyən qadın heç vaxt arıqlaya bilməz. Axı elə həmin qadın çirkli paltarlarla, makiyajsız və uyğun olmayan geyimlə işə getməyi özünə rəva bilməz. Bəs nə üçün kök yaşamağı rəva bilməlidir?

Arıqlamaq istəyirəm kömək edin 2 şəkil

  1. Özünüzə yazığınız gəlməsin

Heç bir pəhriz saxlayan qadın gizli-gizli ağlamaz və özünə yazığı gəlməz ki, o, istədiyini yemədiyi üçün bədbəxtdir, başqaları isə hər şey yeyə bildiyi üçün şanslı insanlardır. Özünüzə yazığınız gəlməsin. Bir dilim tort yeməklə onsuz da xoşbəxt olmayacaqsınız. Özünə yazığı gəlmək insanı zəiflədir. Yeməyi orqanizmə faydalı mənbə kimi yeyin və sağlam məhsullardan istifadə edin. Şirin və ya yağlı qidaların heç bir faydası yoxdu, əvəzində qarnınıza və bədəninizin başqa yerlərinə yağ toplanmasına səbəb olur.

  1. Özünüzə hörmətlə yanaşın

Əgər qadağan olunmuş hər hansı bir şey yemisinizsə, bütün günü onu düşünüb, özünüzü ona görə təhqir etməyin və ya danlamayın. Unutmayın ki, düşüncələrimiz maddidir; əgər nəsə qeyri-düzgün yemək yemisinizsə və bu fikir sizi narahat edirsə, onda həmin qidanın verdiyi kalori bədəninizin hansısa bir hissəsində lazımsız piy kimi toplanacaq. Ona görə də məsləhət görülməyən qida istifadə etmisinizsə, onu unudun və o haqda fikirləri özünüzə yaxın buraxmayın.

  1. Kökəlməkdən qorxmaq

Arıqlayandan sonra yenidən kökəlməkdən qorxun. Beyninizə salın ki, bir dəfə və həmişəlik arıqlayırsınız! 10-15 kq artıq çəkiniz bir də olmayacaq! Arıqladınızsa, bütün ömür boyu belə də qalmalısınız!

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.