Çörəksiz arıqlamaq

11 Avqust 2019 Kateqoriya: Arıqlamaq üçün pəhrizlər Müəllif:
Oxuma vaxtı: 5 dəq Oxunma sayı: 19
Çörəksiz arıqlamaq şəkil

Çörəksiz arıqlamaq 14 günə 5 kq çəki atmaq və düz qarın verəcək. Bunu kardioloq Uilyam Devis vəd edir. O, bu sualın cavabını çox axtarmış və “Buğdasız pəhriz” kitabını yazmışdır. Bu pəhrizi saxlayarkən başlıca şərt bütün buğda tərkibli qidaların rasiondan çıxarılmasıdır. Buğda məhsulu dedikdə təkcə çörək, qurabiyələr və şirniyyatlar deyil, həm də tamtaxıllı buğda unu, qara çörək, makaron, suxarı və mannı nəzərdə tutulur.

Çörəkdən niyə imtina etməliyik?

Çörək karbohidrat mənbəyidir. 100 q çörəkdə 50 qramdan çox karbohidrat var. Sənaye emalı keçmiş buğda ununda sağlamlıq üçün vacib olan qida maddələri minimaldır. Buğdanı emal edən müasir texnologiyalar güclü şəkildə dəyişilib və bu da keyfiyyətə öz təsirini göstərir.

3 dilim çörək piylənmə riskini 2 dəfə artırır.

Buğda məhsulları yedikdən sonra qanda şəkərin miqdarı yüksəlir və bu da böyük miqdarda insulin sintezinə səbəb olur. İnsulin kökəlməyə, xüsusən də qarın nahiyəsində və qarın boşluğu orqanları ətrafında piylərin toplanmasına cavabdehdir.

Çörəksiz arıqlamaq 1 şəkil

Buğda orqanizmə necə təsir göstərir?

  1. Çörək qanda şəkərin miqdarını kəskin artırır. Çörək və ya buğda tərkibli istənilən bir şey yedikdən 1,5-2 saat sonra qanda qlukoza sürətlə azalır və güclü aclıq hissi yaranır. Beləliklə, qarında piy toplanmasına şərait yaranır!
  2. Çörək öyrəşmə yaradır. Bir sıra hallarda çörək orqanizmə opiatlar kimi təsir göstərir. Buna görə də orqanizm daha çox şəkər xaric etməklə eyforiya effektinə reaksiya verir. Çörək nadir qidalardandır ki, “kəsilmə sindromu” yaradır.
  3. Buğda mühüm qidalı maddələrin mənimsənilməsini azaldır. Buğda liflərində olan fitatlar (xüsusən də fitin turşusu) kalsium, dəmir, sink və maqneziumdan həll olmayan duzlar əmələ gətirərək həmin mineralların mənimsənilməsini məhdudlaşdırır.

Sənaye emalı keçmiş buğda liflərdən də təmizləndiyindən belə prosesə səbəb olmur. Ona görə də dəmir defisitindən əziyyət çəkən insanlara tamtaxıllı və kobud undan hazırlanmış çörəkdən imtina etmək məsləhət görülür.

  1. Cücərmiş buğdanın tərkibində olan aqqlütinin endokrin sistemin funksiyalarını pozur. Bu, kökəlməyə və insulinə rezistentliyə səbəb olur. Hipotalamusda piy toplanmasında iştirak edən leptin hormonunun reseptorları blokada olunur. Mədəaltı vəzidə sekretinin sintezi çətinləşir, nəticədə həzm problemlərinə və vəzin ölçülərinin böyüməsinə gətirib çıxarır.
  2. Buğda (çovdar, arpa və soya) kəllə sinirlərinə təsir edən qlutamin və asparagin turşusu ilə zəngindir. Həmin maddələr sinir hüceyrələrini həddən artıq qıcıqlandıraraq onların zədələnməsinə səbəb olur.
  3. Buğda autoimmun xəstəliyə səbəb ola bilər. Aqqlütinin orqanizmin hüceyrələri, məs., oynaqlar üçün toksindir. O, hüceyrələrin bölünməsi və ikiləşməsi siklini dayandırır və proqramlaşdırılmış ölümünü (apoptoz) aktivləşdirir. Bundan başqa, bağırsaqlarda və immun hüceyrələrdə sitokin sintezini gücləndirir, bu isə bütün xroniki xəstəliklərin yaranmasında mühüm amildir.
  4. Buğda bağırsağı özünəməxsus pivə istehsalçısına çevirir. Başqa dənli bitkilər kimi buğda, arpa və çovdar da Candida və Geotrichum cinsi maya göbələkləri və xəstəlik törədən bakteriyaların təsiri ilə qıcqırırlar.

Çörəksiz arıqlamaq 2 şəkil

Çörəksiz və buğdasız arıqlamaq bizə nə verir?

Çörək və buğda unu məhsullarının rasionda məhdudlaşdırılması sayəsində:

  • İştahanız azalacaq;
  • Daha az kalori qəbul edəcəksiniz;
  • Hər 2 saatdan bir nəsə yemək istəməyəcəksiniz;
  • Qarnınız heç bir əziyyətsiz düzlənəcək.

Çörəksiz qidalanmanın əsas prinsipləri

Çörəksiz arıqlamaq qərarına gəlmisinizsə, rasionunuz aşağıdakı qida məhsullarından təşkil olunmalıdır:

  • Tərəvəzlər – kartofdan başqa bütün tərəvəzlər, göyərtilər və istənilən növ göbələk;
  • Qızardılmamış ləpə və dənli bitkilər;
  • Yağlar – ilk sıxılmada əldə olunan;
  • Yumurta – toyuq və ya bildirçin;
  • Quş əti – hind quşu və ya toyuq;
  • Mal əti;
  • Balıqlar, molyusklar və digər dəniz məhsulları;
  • Müxtəlif pendir növləri;
  • Şəkərsiz souslar – xardal, yabanı turp sousu, bütün növ sirkələr;
  • Zeytun, kokos.

Çörəksiz arıqlamaq pəhrizi rəngarəngdir, tərəvəzlərlə və ətlə zəngindir. Rasiona şirin olmayan meyvələr – portağal, kivi, nar da daxil etmək olar. Birinci gün çörəksiz çətin olacaq. Bu özü də vərdişdir. Gün keçdikcə çörək yemədən daha çox doymağa başlayacaqsınız. Əsas odur ki, aclıq hissi uzun müddət yaranmayacaq. Bir ay sonra çəkinizdəki fərqi özünüz də görəcəksiniz.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.