Qarın arıqlatmaq üçün idman

11 Avqust 2019 Kateqoriya: Arıqlamaq üçün idman Müəllif:
Oxuma vaxtı: 5 dəq Oxunma sayı: 404
Qarın arıqlatmaq üçün idman şəkil

Qarın nahiyəsinin dərialtı piy qatı çoxalmağa meyllidir. Press, yəni qarın əzələlərini isə hər kəs məşq etdirə bilmir. Bir çox qadın paltar geyinərkən qarın hissəni yığan korsetlərdən istifadə edir. Bəs qarını necə arıqlatmaq olar? Düz qarına sahib olmaq üçün nə etmək lazımdır?

Qarın arıqlatmaq üçün idman – vakuum hərəkəti

Vakuum – qarın hissədə toplanan piy qatını əridən, maddələr mübadiləsini və bağırsaqların fəaliyyətini aktivləşdirən effektiv hərəkətdir. Hər səhər 1 stəkan limonlu su içdikdən sonra acqarına vakuum hərəkəti etmək lazımdır.

Qarın arıqlatmaq üçün vakuum necə edilir?   

  • qarınla dərindən nəfəs alın və yavaş-yavaş nəfəsinizi verin.
  • qarını daxilə və sanki qabırğa altına sıxırmış kimi bir qədər yuxarı çəkin. Bu vəziyyətdə 5-10 saniyə qalın.
  • nəfəs verib, qarını boşaldın. Adi qaydada 2-3 dəfə nəfəs alıb-verin. Vakuumu bu qaydada 5 dəfə təkrarlayın.

qarın arıqlatmaq üçün idman foto

Vakuumla idman hərəkətini uzanıqlı vəziyyətdə də etmək olar:

  • arxası üstə uzanın. Əllərinizi yana qoyun. Ayaqlarınızı dizdən bükün. Əzələləri boşaldıb, aram-aram nəfəs verin. Ağciyərdəki havanı tamamən çıxarın.
  • qarnın əzələlərini yığıb, içəri çəkin. Nəfəsinizi saxlayın. 10-15 saniyə bu vəziyyətdə qalın. Azacıq nəfəs verməklə qarını gərgin saxlayın.
  • qarını boşaltmadan səthi nəfəs alın. Əzələni yığıb, 10-15 saniyə gözləyin.
  • nəfəsinizi verin, qarını boşaldın və kiçik tənəffüs hərəkətlərindən sonra vakuumu təkrarlayın.

Qarın arıqlatmaq üçün idman – bükülmələrlə yan plank

Arıqlamaq üçün idman hərəkətləri arasında sadə plank çox effektivdir. Yan plank isə qarın arıqlatmaq uçün edilir. Bunun üçün böyrü üstə uzanın. Ağırlığınızı dirsəyə verərək, elə durun ki, çanağınız və gövdəniz eyni vəziyyətdə olsun. Onurğanı qətiyyən əyməyin. Sonra digər əlinizi qaldırıb-endirərək, bədəninizin yuxarı hissəsini büküb-açın.

qarın arıqlatmaq üçün idman foto 2

Qarın arıqlatmaq üçün idman – velosiped hərəkəti

İlk baxışda sadə görünən bu idman hərəkəti ilə qarın arıqlatmaq mümkündür. Nəticənin arzu etdiyiniz kimi olması üçün hərəkətin texnikasını düzgün yerinə yetirmək lazımdır: arxası üstə uzanın, ayaqları və gövdəni bir qədər qaldırın. Əlləri başın arxasına qoyun. Velosiped sürürmüş kimi ayaqlarınızı tərpədin. Hərəkəti 20 dəfə təkrarlayın.

Qarın arıqlatmaq üçün idman foto 7

Qarın arıqlatmaq üçün idman – ayaqları qaldırmaq

Bu idman qarnın aşağı hissəsindəki xoşagəlməz piy qatını əritmək üçündür. Onun köməyilə aşağı press əzələləri çalışır.

Arxası üstə düz uzanın. Əllərinizi sağrının altına qoyun, ayaqlarınızı bükmədən bir yerdə qaldırıb endirin. Endirərkən ayaqlar döşəməyə dəyməməli, bir qədər yuxarıda qalmalıdır. Hərəkəti 20 dəfə təkrarlayın.

qarın arıqlatmaq üçün idman foto 5

Qarın arıqlatmaq üçün idman – bükülmə

Bükülmə hərəkətinin bu növü bütün qarın əzələlərini işlədir. Hətta əl və ayaqlara da təsir göstərir. Döşəmədə arxası üstə uzanın. Əllərinizi başınızın arxasından düz uzadın. Əl və ayaqlarınızı eyni vaxtda qaldırın. Onurğanı düz saxlayıb, çənənizlə ayaqlara doğru dartının. Qarın nahiyəsində gərginliyi hiss etməlisiniz. Hərəkəti 20 dəfə təkrarlayın.

Xülasə

Sadaladığımız hər hərəkəti 1 dəqiqə müddətində edin. Sonra 1 dəqiqə fasilə, ardınca yenə 2 dövr ard-arda hərəkətləri yerinə yetirin. Ümumilikdə hər səhər idmana 15 dəqiqə vaxt gedir. Əgər zamanınız varsa, çəkinizi sürətlə atmaq üçün 40 dəqiqəlik kardio məşqlər də əlavə edə bilərsiniz. Qeyd etdiyimiz hərəkətlər arıqlamaq üçün idman proqramının tərkibinə daxildir.

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.