Kivi ilə arıqlamaq

09 Avqust 2019 Kateqoriya: Arıqlamaq üçün pəhrizlər Müəllif:
Oxuma vaxtı: 6 dəq Oxunma sayı: 15
Kivi ilə arıqlamaq şəkil

Kivi ilə arıqlamaq nəinki olar, hətta lazımdır! Kivi inanılmaz dərəcədə faydalı meyvə olmaqla yanaşı, həm də fəal yağ yandırıcı və qidalanma rejimini dəyişmədən də arıqlamağa kömək edən maddədir. Rasionunuzu daha sağlam qidalardan təşkil edərək kivi ilə birlikdə möhtəşəm nəticə ala bilərsiniz.

Kivi ilə arıqlamaq son dərəcə sadədir. Gün ərzində 2-4 kivi yemək kifayətdir! Qidalanma rejiminə xüsusi dəyişiklik etməsəniz də bir aydan sonra müsbət nəticə əldə edəcəksiniz! Arıqlama sadəcə orqanizmin vitamin ehtiyatının tamamlanması hesabına deyil, mübadilə proseslərinin sürətlənməsi, həmçinin artıq mayenin orqanizmdən kənarlaşması hesabına da baş verir.

Üstəlik kivi fermentlərə də malikdir, onların sayəsində yağların parçalanması aktivləşir. Qreypfurt və ananas da orqanizmə məhz bu cür təsir göstərir. Kivi dərinin elastikliyinə cavabdeh olan zülalları – kollagen liflərini möhkəmləndirir.

Kivili razqruzka (yüngülləşdirici) günləri

Yüngülləşdirici günlər üçün həftənin sizə rahat olan istənilən 2 gününü seçə bilərsiniz.

Həmin gün ərzində 1 kiloqram və hətta daha çox kivini 4-5 dəfəyə yeməlisiniz.

Naharda kivi ilə birgə qaynadılmış və ya buxarda bişirilmiş dərisiz və duzsuz quş əti də yeyə bilərsiniz. Şam yeməyində və ya yatmazdan əvvəl yağsız qatıq və ya təbii yoqurt yemək olar.

Kəskin aclıq hissi olduqda hər yeməkdə bir dilim tamtaxıllı undan hazırlanmış çörək və ya kobud undan hazırlanmış suxarını menyuya daxil etmək olar. Bundan başqa, bitki çayı və ya yaşıl çay, istəsəniz kofe içə bilərsiniz, amma azşəkərli və ya şəkərsiz olması arzuolunandır. Təmiz su və qazsız mineral su istənilən qədər içmək olar.

Kivi ilə arıqlamaq 1 şəkil

Kivi ilə pəhriz

Sizin üçün kivi ilə qoruyucu pəhriz təklif edirik, buna əməl etməklə təkcə artıq çəkidən qurtulmayacaqsınız, həm də orqanizminizi təmizləyəcəksiniz. Əgər təklif olunan qidalanma rejimi sizin üçün münasib olarsa, onda bir həftədən üç həftəyədək kivi pəhrizi saxlaya bilərsiniz.

Pəhriz menyusu

Bazar ertəsi

Səhər yeməyi. Təxminən 200 q yulaf sıyığı, qara gavalı, orta və ya kiçik ölçülü yağsız, bərk pendir dilimi və kobud undan hazırlanmış suxarı.

İkinci səhər yeməyi. Kivi ilə alma və bir qaşıq yağsız, şəkərsiz yoqurt.

Nahar. Ət bulyonunda hazırlanmamış göbələk şorbası, toyuğun dərisiz döş əti və ya budu, 100 q yaşıl qabaq püresi və ya təzə tərəvəzlərdən hazırlanmış salat.

Günortadan sonra. 2 ədəd kivi.

Şam yeməyi.  Kivi, giləmeyvələr, yağsız kəsmik, yaşıl çay və ya ot çayı.

Yatmazdan əvvəl. Yağsız yoqurt və kividən hazırlanmış smuzi.

Çərşənbə axşamı

Səhər yeməyi. 200 q tərəvəzli qarabaşaq, limonlu çay və 2 ədəd taxta peçenye

İkinci səhər yeməyi. 5%-li qaymaq (1 xörək qaşığından çox olmayaraq) qatılmış, həlqəşəkilli doğranmış çiyələkli kivi salatı.

Nahar. Tərəvəz şorbası, buxarda hazırlanmış tərəvəzli mal əti kotleti.

Günortadan sonra. Bir neçə kivi.

Şam yeməyi. Gül kələmi və yaşıl qabaqdan hazırlanmış tərəvəz raqusu, orta və ya kiçik ölçülü yağsız, bərk pendir dilimi və yaşıl çay.

Yatmazdan əvvəl. Yağsız qatıq .

Çərşənbə.

Yuxarıda qeyd etdiyimiz kimi özünüzə razqruzka günü təşkil edin. Lakin həmin gün kivi, süd məhsulları və su ilə kifayətlənin. Ət yeməyin.

Kivi ilə arıqlamaq 2 şəkil

Cümə axşamı.

Səhər yeməyi. Giləmeyvəli yağsız kəsmikdən zapekanka, şəkərsiz çay və ya kofe.

İkinci səhər yeməyi. 2 ədəd kivi.

Nahar. Kələmli tərəvəz şorbası; pörtlədilmiş kələm və qaynadılmış balıq.

Günortadan sonra. Kivi, çiyələk və yağsız yoqurtdаn ibarət smuzi.

Şam yeməyi. Təxminən 200 q şəkərsiz düyü sıyığı və taxta peçenye və yaşıl çay.

Yatmazdan əvvəl. Yağsız qatıq .

Cümə

Səhər yeməyi. Təxminən 200 q yulaf sıyığı və ərik qurusu, kofe və ya çay və bir dilim yağsız, bərk pendir.

İkinci səhər yeməyi. Yağsız qatıq qatılmış armudlu kivi salatı.

Nahar. Əriştəli yağsız şorba, təzə tərəvəzli dovşan raqusu  — 150 q.

Günortadan sonra. Bir neçə kivi.

Şam yeməyi. 100 q kivi, digər meyvələr və giləmeyvələrlə yağsız kəsmik, bir dilim taxtaxıllı undan hazırlanmış çörək və çay.

Yatmazdan əvvəl. Kivili yağsız yoqurt.

Şənbə

Səhər yeməyi. Buxarda bişirilmiş iki yumurtalı omlet, çay və ya kofe.

İkinci səhər yeməyi. 2 ədəd kivi.

Nahar. Təxminən 200 q yağsız balıq şorbası, düyülü mal ətindən kiftə – 150 q.

Günortadan sonra. Kivi və qovundan salat.

Şam yeməyi. Bir neçə növ taxıldan sıyıq — 200 q, bir dilim çörək və çay.

Yatmazdan əvvəl. Kivi, armud və yağsız yoqurtdаn hazırlanan smuzi.

Bazar

Əvvəlki rasionunuza qayıdırsınız. Amma yenə də yağlı, qızardılmış, duzlu və şəkərli qidaları menyuda  məhdudlaşdırmalı olacaqsınız.

Əks göstəriş

Kivi ilə arıqlamaq həzm sistemində problemi (qastrit, bağırsağın iltihabı və s.) olan insanlara məsləhət görülmür. Eləcə də böyrək xəstəlikləri və müxtəlif orqanlarında daşlar olan insanlar kivi yeyərkən çox ehtiyatlı olmalıdırlar. Yaxşı olar ki, pəhrizdən öncə həkim konsultasiyası alasınız.

Kivi pəhrizi çox asandır, bununla yanaşı, çox faydalı və təsirlidir. Xüsusən də bazar günü çox yeməmisizsə. Arıqlamaqda uğurlar!

 

 

Bu yazını paylaşın:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.