Artıq çəkidən əziyyət çəkən insanlar müxtəlif yollarla – dietalar, idman hərəkətləri, rəqslər və digər üsullarla bu problemdən qurtulmağa çalışırlar. Bir faktı da nəzərə almaq laızmdır ki, artıq çəki, piylənmə həm tibbi, həm də estetik problemdir. Köklük endokrin pozğunluqlar, metabolizm sindromu ilə əlaqəli olduqda arıqlamaq üçün vasitələr heç bir nəticə verməyəcəkdir. Çünki onlar əsasən qida qəbulu ilə bağlı çəki artımına qarşı mübarizə aparır.
Kefir dietası 3-4 günlük olub, 2-3 kq çəki atmağı vəd edir. Dietanın mahiyyəti 2 litr kefiri 3-4 yerə bölüb, gün ərzində içməkdir. Səhər və nahar vaxtı kefirin yanında meyvə-tərəvəz yeyə bilərsiniz. Pəhriz tutduqda bol-bol su için. Bu rasion çərçivəsində idman hərəkərtlərinə ehtiyac yoxdur. Çünki zəiflik, halsızlıq yarana bilər.
Sağlam arıqladan vasitələr – faydalı resept
Hər kəsin evində tapılan ərzaqlardan ibarət borş reseptini tövsiyə edirik. Onu bişirmək üçün 300 qr toyuq, 1 kq kələm, 1 çuğundur, 4 kartof, 3 pomidor, 2 baş soğan, 2 kök lazımdır. Çuğundurla kökü doğrayıb, sobada bişirin.
Kartofu və toyuğu qazanda bir az qovurun, istəsəniz azacıq bitki yağı qata bilərsiniz. Həmin tavaya pomidorla soğan əlavə edin. Ardınca sobadakı çuğundur və kökü çıxarıb qazana tökün. Su əlavə edib bişirin. Zövqə görə bir az duz səpin. Borşu 2-3 dəfəyə yemək olar.
Arıqlamaq üçün vasitələr – idman
Artıq kiloqramlardan qurtulmağın digər yolu idmandır. İdmanla arıqlamağın yolları müxtəlifdir. Aerobika ilə məşğul olmaqla və ya rəqs etməklə vaxtınızı xoş keçirərək, kalori yandıra bilərsiniz. Mütəxəssislər tərəfindən tərtib olunmuş idman proqramı ilə mükəmməl nətiəcələr əldə etmək mümkündür. Bir sözlə seçim sizindir. Qapalı mühitdə sıxılırsınızsa, qaçmaqla arıqlamaq köməyinizə gələcək.
Arıqlamaq üçün vasitələr – kosmetoloji aparatlar
Bir çox qadınlar gözəllik mərkəzlərinin təqdim etdiyi xidmətlərdən yararlanaraq, bədən formalarını cazibədar edirlər. Arıqlamaq üçün aparatlar fərqli olduğundan, bu barədə həkim-kosmetoloqla məsləhətləşmək lazımdır.
Arıqlamaq üçün digər vasitələr
Çaylar bu siyahıda tez-tez rast gəlinən vasitələrdəndir. Arıqlamaq üçün çay reseptində bir bitki və ya 3-4 sayda otların qarışığı qeyd olunur. Məsələn, adi zəncəfildən bir tikə kəsib çay dəmləyə bilərsiniz. Zəncirotu güclü detoks və sidikqovucu xüsusiyyətə malik olduğundan, əksər reseptlərin tərkibində məhz bu bitkiyə rast gəlinir.
Fərqli otlardan çay dəmləmək istədikdə bu reseptdən faydalanın: hərəsindən 2 xörək qaşığı olmaqla qızılgül yarpaqları, zəncirotu kökü, gicitkan, eləcə də 3 ədəd kiçik ölçülü zəncəfil dilimi götürün. Bütün inqrediyentləri xırdalayıb dəmləyin. Gündə 2 dəfə için.
Xülasə
Arıqladan vasitələr düzgün tətbiq edildikdə, qısa zaman ərzində nəticələr bəlli olur. Sadəcə onların istifadə qaydasına əməl etmək lazımdır ki, əməyiniz hədər getməsin.